مرثية الشاعر /ظافر بن مفلح في اخوه ناصر

[معلومات العضو كاسب الطيب]

السلام عليكم ورحمة الله وبركاته

قصيدة مرثية للشاعر ظافر بن مفلح بن بتال الخييلي ، في أخوه ناصر بن مفلح .. ( رحمهم الله )

والقصيدة اعجز ان اوصف لكم فيها مرارة الفراق بين الاخوين وهي بوحدها كفيله ان تعكس ذلك الالم والحزن والآسى التي عبر بها الشاعر بصدق لفراق اخيه الوحيد ، في زمن العسر والقحط والعيشة الضيقه التي لا يستغـني فيها الرجل عن جماعـته فما بالك بأقرب الناس إليه .. هكذا صور لنا الشاعر مرارة الفراق بقصيدة محزنة جداً ابكت الكثير من الناس عند سماعهم له وهو يقولها ، مما اضطر بعضهم ان يطلب من الشاعر عدم قولها بحجة انها محزنة، وهناك من عارض وطلب من الشاعر قولها حتى يعرف الاخ قدر واهمية اخيه التي لايعرفها الابعد وفاته:

بديت أنا في الرجم لا عـاد مرقـاه = وياليـت ربـي مـن مجيـه نهـانـي
تهيض المشحون يـا عيـن عـزاه = عيـن تهـد الـمـاء بلـيـا سـوانـي
يا عين يا عين الخطـا يـا معنـاه = أنتـي خذيتيـنـي وقلـبـي خـذانـي
ونيت أنا من ضامر القلب واقصاه = ونيـن مـن خلـي كسـيـرٍ وحـانـي
تكفون كثـرت التنهـت وقـول آه = وكثـر الونيـن يهيضنـي مـا رفانـي
قمت اتوجد وجد من قلـت اجـداه = خلـي طريـح وحقـق الليـل دانــي
على اخوي اللي ما تذكرت عجفـاه = ذرب اليمـيـن وخاتـمـن المعـانـي
ياخزنتي لا واعضيدي عضيـداه = ياويـن بدلـه لا ذكــرت الاخـوانـي
يا مهبل اللي قـال عـادك بتنسـاه = بنساه لا مـن طـارش المـوت جانـي
والله ان نسيته ليـن بالحـق نقفـاه = ويحـط لـي بيـن النصايـب مكانـي
يا تجرتـي خليتهـا يـا حـلالاه = منهـا الخبـر وقـف ولا عـاد جانـي
ياخوي الا واخوي ياخوي واخواه = ماهـوب مثـل معقـديـن الاخـوانـي
اخو الهدا عمري على طول لا مـاه = وجـدي علـى جمعـاه كمـن زمانـي
جيت المـراح وذي بقايـا سمايـاه = هـذي مداهيـلـه ولا كـنـه كـانـي
حي المراح وحي من كان قد جـاه = وياونـتـي لا جيتـنـالـه مـكـانـي
يا وسع فرجة ناصـر لا ذكرنـاه = ومن عاضني فيه العوض مـا هجانـي
اعوي عوا ذيبٍ لقا الخـد مخـلاه = وابـكـي لا شـرفـت راس البيـانـي
لا جيت انا قاع ٍ مشى فيه قد جـاه = الاف قلبـي لــوف زرع ٍ ضمـانـي
الحب لامنه سطـى ويـش يمحـاه = لمن نشـى فـي الكبـد مـا قـد هانـي
تكفون ماحدٍ شاف هو ناصرٍ جـاه = مـا عـاد لا جيتـه ولا عـاد جـانـي
اتلى العهد به فـي جهـام ٍ دفنـاه = وحطوا عليـه مـن الصفايـح رزانـي
حبه كوى قلبي ولا خـف مكـواه = واخفـاه مـن بيـن الضلـوع الحوانـي
يا الله يا خلاف مـا شـئً بيخفـاه = اخلف علي بمـن كـان حزنـه كوانـي
غدابه اللي مـا درى مـن قفايـاه = لاهـوب لا يرحـم ولا منـه امـانـي
لو انه ينطح كـان دونـه نطحنـاه = وابصطبـر عنـده بمـاكـان جـانـي
ولو انه يشرى بالثمن مـا ذخرنـاه = بسـوق خلعـي واستعـيـن بـالادانـي
الموت لا يـاوي ولا حـدٍ بينسـاه = وكـم هـو يفـرق مـن بعيـدٍ ودانـي
مير عساه في الجنه وهي جات ملفاه = وامه وابـوه وهـو بعـد فـي الجنانـي
مابه على الدنيا حـدٍ لـه مواسـاه = لا زان الوقـت ابـن ادم ٍ قـد شانـي
ابن رشيد اللـي طروقـه مخـلاه = قد هـو ضعيـفٍ قاعـدٍ فـي هوانـي
وختمانها ذكر النبـي مـا نسينـاه = صلـوا عليـه وهللـوا يـا اخـوانـي

 

 

 

 

[معلومات العضو فهد الغريري]

وعليكم السلام ورحمة الله وبركاته

الاخ الفاضل كاسب الطيب

جعل من ارثك في الجنه على ايراد

هذي المرثيه لشاعر ظافر بن مفلح بن بتال الخييلي .

وان اشهد انها مرثيه تحرق الكبد .

والله يرحم الشاعر ظافر وأخوه ناصر .

ونتظر جديدك يالنشمي.

اخــــوك / فــهـــد الغريري,,,

 

 

 

 

[معلومات العضو كاسب الطيب]

الاخ فهد الغريري

الله لا يهينك على الرد الطيب

وشاكرلك على المرور الكريم

 

 

 

 

[معلومات العضو العماني]

رحمهم الله واسكنهم فسيح جناته

لاهنت ياكاسب الطيب على ايراد هذه المرثية الشهيرة

تقبل تحياتي،،

 

 

 

 

[معلومات العضو كاسب الطيب]

الاخ ابو مبارك

الله لا يهينك على الرد الطيب

واسعدني مرورك يالقرم

تقبل تحياتي

 

 

 

 

[معلومات العضو الشكري]

المشاركة الأصلية كتبت بواسطة فهد الغريري

وعليكم السلام ورحمة الله وبركاته

الاخ الفاضل كاسب الطيب

جعل من ارثك في الجنه على ايراد

هذي المرثيه لشاعر ظافر بن مفلح بن بتال الخييلي .

وان اشهد انها مرثيه تحرق الكبد .

والله يرحم الشاعر ظافر وأخوه ناصر .

ونتظر جديدك يالنشمي.

اخــــوك / فــهـــد الغريري,,,

الله يرحمه ويسكنه الجنه


لاهنت يا كاسب الطيب

لا عدمناك

اخوك

ابو عبد الله الشكري

 

 

 

 

[معلومات العضو نايف الخييلي]

ابن الــعم \ كاســب الطيب


جـــعل يمناك ماتشل على إيرادك لهالمرثيه الشهيــره والمؤثـــره


والله يـــرحم ظافــر بن مفلــح واخوه نــاصر . وجــميع موتى المسلمين



تقـــبل ســـلامــي

 

 

 

 

[معلومات العضو عبدالله أبن مصلح]

الغالى / كاسب الطيب

صح لسانك على المرثيه الجزله

والله يرحم الشاعر واخوه ناصر , وجعل ربى يجمعهم فى الجنه امين

 

 

 

 

[معلومات العضو ابوعبدالرحمن الودعاني]

	أوجعت قوبنا وأدمعت عيوننا إنا لله وإنا إليه راجعون قصيده جزله ومأثره والله لا يهينك على إيرادها..

 

 

 

 

[معلومات العضو عبدالرحمن الشرافي]

كاسب الطيب



اررررررررررررررحب


والله لا يهينك على نقل هذه القصيدة الجزلة والمحزنه

و لاتلومونه الواحد اذا فقد خويه يقعد سنين محزن فكيف اخوه



الله يرحمهم جميعا


وتقبلوا تحياتي