حزين الحرف وعاشق سراب في قصيدة العيد أقبل

[معلومات العضو عاشق سراب]

أحبتي الغالين في منتدانا الغالي........
لكم مني مع أخي الشاعر الكبير حزين الحرف أجمل تحيه وأحلى تهنئه بمناسبة عيد الفطر المبارك
أعاده الله علينا وعليكم وعلى سائر بلاد المسلمين أعواما عديده....
حبيت بمشاركة أخي الشاعر الفذ حزين الحرف أن تكون مصافحتنا لكم بالعيد قصيده
مشتركه بيننا ولاول مره في دويتو شعري نتمنى حقيقه أن يحوز على قليل رضاكم

العيد أقبل والعرب به يهلـــون=ألا أنا أبكي بخافي المعاليــــــــــق
تضحك شفاه وترقص عيون وعيون=بسمة طفل غنت له الكف تصفـــيق
ياللي لفيتوني هدفكم تهنــــــون=لاتعــــايدوني بعيدكم يالمخاليــــــق
العيد هذا ماله أي طعم أو لــون=وصويحبي ناسي العهد والمواثــيق
ليته يعايدني ولو بالتليفــــــــون= ويجلى بصوته عني الهم والضيق
عيدي معك يأغلا البشر ياحلا الكون=شوفك مناى ولا ..بعد تحلية ريق
لوتجتمع كل البني مايســـــدون= والله مأحد بناظري غيرك يليـــق
بس أن هجرك خلّف جروح وطعون= وحملنّي حمول ثقيله كما طويــق
وشلون تهجرني وتنساني أشلون=وتصّدق اللي ينقل الهرج تصديق
كذبتني وطاوعت ناس يعذلون=وسمعت بي هرج الكذب والتلافيق
لكن لك الله قلب بالحب مجنون= يمشي معك تغريبة الحب تشريق
عيدك مبارك يابعد كل مزيون= من قلب لك مع باقة الورد تطويق
أنا حزين الحرف قبلك ومن دون=وعاشق سراب ولكن بدون تفريق

 

 

 

 

[معلومات العضو عبدالله الدوسري]

عاشق سراب




حزين الحرف




شكرا لهذه التحفة و المعايدة الجميلة




و عساكم من عواده،،،

 

 

 

 

[معلومات العضو عبدالرحمن الشرافي]

الغالي / ابو راكان (( عاشق سراب ))


ارررررررررررحب


وصح الله لسانك واعتلا شانك انت والشاعر المبدع (( حزين الحرف ))



ودويتوا أكثر من رائع


ولاتحرمنا من جديدكم



ولكم مني فائق الشكر والتقدير

 

 

 

 

[معلومات العضو معدي المرقاب]

عليكم السلام ورحمة الله وبركاته
مصافحه فواحه..كلمات القصيده قمه فى الروعه
..الله..الله..عليك.. اخوى عاشق سراب
صح الله لسا1111111نك..شاعريتك مافيها شك ومن الشعراء
المعتلين السنام وفقت في قصيدتك .انت وخوى حزين الحرف
تقبل مني خالص التحيه وتقدير معدى المرقاب

 

 

 

 

[معلومات العضو عاشق سراب]

	ابوسالم شرفت ونورت المشاركه لاهنت عالمرور الكريم والرد الراقي كل الود والتقدير والأحترام ، ،، تحيــــاتيعاشق سراب

 

 

 

 

[معلومات العضو عاشق سراب]

	معدي المرقاب شرفت ونورت القصيده وماعليك زود يالذيب لاهنت عالمرور الكريم والرد الراقي كل الود والتقدير والأحترام ، ،، تحيــــاتيعاشق سراب

 

 

 

 

[معلومات العضو عاشق سراب]

	عبدالله الدوسري شرفت ونورت المشاركه لاهنت عالمرور الكريم والرد الراقي كل الود والتقدير والأحترام ، ،، تحيــــاتيعاشق سراب