|\|\|\|لبيك ياللي تجر القلب وعروقه|\|\|\|

[معلومات العضو حمد النتيفي]

--------------------------------------------------------------------------------
هذه القصه جرت للشاعر:نمر بن صنت اللي اخذ حوالي 9سنوت وهو يلتمس الموافقه على زواجه من فتاه وبذل كل مجهوده واخيرا وافقوا اهل البنت وتزوج نمر عليها وهي ام لاولاده وعاش معها حياه سعيده وقال فيها اكثر من 100 قصيده:::::::من قدها::::::::من عام1360هـ الى عام1370هـ تقريبا.
ومن ضمن القصائد قوله:

يانجمه الصبح كبدي منك مرهوقـــه=لاشع نورك علينا لاتغيبينـــــــــي
ستاير القلب من فرقاك مفتوقــــــــه=صابر من العام لين انك ذبحتيني
الود لو نتركه عنا وطاروقــــــــــــــــــه=اظني ارتاح وانتي تستريحينـــي
لبيك ياللي تجر القلب وعروقـــــــــه=كله على شان يوم انك تلبينـــي
تلحني لح ركب عجلو سوقـــــــــــه=او جل ذود مسريهن شيابينــــــي
عديت من مبسم المجمول لااذوقه=انا بلاي الحيا وادرى على دينـــي
ياقلب ياللي من الجازي دنا عوقــه=ياناس شيروا عليها لاتقاصينــــي
وان كان قلبي تليش عنه صندوقــه=شدوه لين اتجود فيه بيدينـــــــي
قالوا معاليق قلبك منه مسروقـــــه=قلنا خذتها الضحا والناس واعينـي
ياليت ربي ومر خالد على شوقـــه=يفك حبله ولو يعطى ملايينـــــــي
الاوله ليت ابو خلي من الروقــــــــه=والثانيه ليت ابوي من القحاطينـي
يالله ياخالق الدنيا لمخلوقــــــــــــه=تقدر على الموت تذبحني وتحييني
تلم شملي لابد الروح مرفوقــــــــه=باربع هناديس بقبري تخاوينـــــــــي

*طبعا المفردات ممكن تكون صعبه شوي لان القصيده قديمه ولكن (جزله)كل بيت منها تقول هذا بيت القصيده
واتمنى ان تحوز على اعجابكم

 

 

 

 

[معلومات العضو عبدالرحمن الشرافي]

اخوي / حمد النتيفي ..

على ايراد هذه القصيدة وقصتها

للشاعر / نمر بن صنت ..


وصح الله لسان الشاعر نمر (( رحمة الله ))


واسمحلي على تنسيق القصيدة

واليك هذا الرابط لمعرفة كيف تنسق القصيدة:http://www.alduwasser.com/vb/showthread.php?t=10161


لك مني كل الود والتقدير.

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

اخوي / حمد النتيفي ..
ألف شكر على ايراد هذه القصيدة وقصتها
للشاعر / نمر بن صنت ..
وصح الله لسان الشاعر نمر (( رحمة الله ))
وبيض الله وجهك على إيراد هذه الفاتنة
تحياتي العطره
محب الجميع

 

 

 

 

[معلومات العضو ابن وتيد السباعي]

اخوي / حمد النتيفي ..

ألف شكر على ايراد هذه القصيدة وقصتها

للشاعر / نمر بن صنت ..

وصح الله لسان الشاعر نمر (( رحمة الله ))

وبيض الله وجهك على إيراد هذه الفاتنة

نبغا منك طلب ولا تهون اذا كان عندك بعد قصائد اخرى لهذا الشاعر ارجووووووووووووووو انك تنشرها لنا

ولك اجمل وارق تحيه

من اخوك/ابن وتيد

 

 

 

 

[معلومات العضو عبدالرحمن النتيفات]

ارحب يا ابو عبدالرحمن

ألف شكر على ايراد هذه القصيدة وقصتها

للشاعر / نمر بن صنت ..

وصح الله لسان الشاعر والله يرحمة