يا اهل الكرَم يا متعبين الطبابيخ!

[معلومات العضو عبدالله الدوسري]

قصيدة في حفل تعارف بين الحقبان و عوانيهم الصّلابخه (في المنطقة الشرقية و الكويت)من البرازات السّهول و ذلك في محافظة الإحساء يوم الخميس الماضي

يالله يا مرسي الجبال الشواميخ=يا عالم ٍ سرّ النفوس و عددها
يا مرسلٍ الطير مثل الصواريخ=يوم إبرهه خيرة جيوشه حشدها
تعزّ دينك من هل الشرك و السيخ=و إنّك تحلّ احوالنا من عقَدها
من عقب ذا نوّختنا القاف تنويخ=أنتخ من جزال القوافي جدَدها
يا مرحباَ يا عنوتي يالصّليبيخ=ابو سعد سلطان مكرِم وفَدها
و محمّدٍ ريف الرّكاب المداويخ=النّادر اللي لا بغاها وِجدها
و مناحي أرّث له حرارٍ مناتيخ=تعجِبْك لا من جات حزّة هدَدها
يا جعل شايبكم رياضٍ مطاريخ=في جنّة الفردوس يطعَم شهَدها
أسّس و أخوه فهيد للوصل تاريخ=يا ويش قرْب الوالده من ولَدها
يا مرحباً في جمعكم يالمشاييخ=ترحيبةٍ من خاطري معتمدها
يا لابةٍ مذكورةٍ في التواريخ=(سهول)ياجد طيبها من قصَدها
سلام مني عدّ نسخ النواسيخ=و عداد ما دكّ السّحايب رَعَدها
يا اهل الكرم يا متْعبين الطّبابيخ=و ان جاء نهار الهوش تثبت عمدها
قلته و انا ربعي قرومٍ مطانيخ=لاد العياضي وافيه في عهَدها
من ساس تغلب من قديمٍ رواسيخ=دواسرٍ كسب الثّنا من سعَدها
نقلط على الموت الحمَر لا أدبَر الكيخ=كم روح شيخٍ ننزعه من جسدها
نمّن قصير البيت و يشيخ و يديخ=ناسم عصاه و نهمِله في بلدها
و اليوم في حكم السّعود المصاليخ=في ظلّ ابو متعب و يدْنا بيَدها
عبد الله اللي رسّخ العدل ترسيخ=قضى على الفتنه و هي في مهَدها
صلاة ربّي عد رمل التّخاتيخ=على النبي صلّوا عدد من سجدها

 

 

 

 

[معلومات العضو سعد المقابله]

صح الله لسانك

ولاهنت على القصيده الجزله

ولاتبطي بجديدك يالغالي

 

 

 

 

[معلومات العضو عبدالكريم البليهي]

لاهنت اخونا عبد الله غلى التميز والمشاركات الممتعه ويعطيك ربي الف عافيه

 

 

 

 

[معلومات العضو عبدالله الدوسري]

سعد المقابلة




لا هنت





يا سعد




و ما عليكم زود،،،

 

 

 

 

[معلومات العضو الودعاني]

الشاعر الكبير/عبدالله الصليبي الحقباني


صح لسانك على الجزلــــــــــــــــــــــــه

كالعادة مداتك دائما جزال يابن العم...

تقبل خالص الود والتقدير..

ابوناصر الودعاني

 

 

 

 

[معلومات العضو ابوعبدالرحمن الودعاني]

	أخي وإبن عمي الحبيب الغالي صح لسانك ولسان الشاعر وقصيده جزله وطيبه وأنت ما يجي منك إلا الطيب والزين جعلنا ما نخلا منك