حول على الشجعان دار الرجالي = الاد زايد متعبين المراميل - الصفحة 2

**معلومات** **العضو** · 12-03-2006, 04:50 PM

حول على الشجعان دار الرجالي=الاد زايد متعبين المراميل

الأخ العزيز : يحيى الودعاني

بيض الله وجهك علي إيراد هذه القصيده الجزله

وكفو ببني عمنا الرجبان ويستاهلون المدح

ولاتبطي بجديدك ،،،

**معلومات** **العضو** · 15-03-2006, 04:00 PM


	السلام عليكم ورحمة الله وبركاته ابن العم الغالي يحيى جعل يمناك مايجيها العطب على الاختيار الموفق وصح لسان القحطاني وعوايد للاد زايد الطيب وفعله اخوك:عبدالله

**معلومات** **العضو** · 16-03-2006, 11:56 PM

لاهنت يالذيب على نقل القصيده

اختياااااااااااار موفق

صح لسااان شاااعرها

تقبل تحيااااااااتي

**معلومات** **العضو** · 18-03-2006, 03:29 PM

ابن محمد الودعاني
ابو فهيد
عبدالله الصخيبري
الودعاني502

حياكم الله
ولاهنتوا على المرور

**معلومات** **العضو** · 19-03-2006, 11:51 AM

السلام عليكم ورحمة الله وبركاته

العزيز الغالي/ يحيى الودعاني

لا هنت و بيض الله وجهك

علي هذه القصيده الشامخه

كفو والله بالرجبان يستاهلون المدح.

تقبل الود والتقدير

محب الجميع

**معلومات** **العضو** · 20-03-2006, 01:28 PM

حياك الله أخوي دغش البطي

لاهنت على المرور

**معلومات** **العضو** · 20-03-2006, 01:31 PM

اقتباس:

المشاركة الأصلية كتبت بواسطة يحيى الودعاني


	بسم الله الرحمن الرحيم قصيدة للشاعر / صمعان بن هادي بن شتلة القحطاني عندما مر على منازل قبيلة آل حميد الرجبان ووجدها خالية لأنهم حالوا للربيع في الشمال فقال هذه القصيدة : ذبيت لي رجم على الارض عالي = من واهج في الصدر يا عادل الميل شوفة ضمار (1) بين ذيك الجبالي = ياما رقى به من رجال حلاحيل يبغون حذرات الوعول الثقالي = عكف القرون اللي ترب المقاييل الدمع من عيني درج لين سالي = عزيل عين كن فيها سماليل شفنا مداهيل المها والرجالي = راحوا طروش فوق عجل المحاحيل غدت بهم بقعا وسود الليالي = ذا شرعها بالحي يا عادل الميل دوجت في دار من النزل خالي = يا دار وين متعبين المعاميل سعد المسير في غبيط الضلالي = وافعالهم تتعب كثير الرجاجيل لاد الحميدي مرخصة كل غالي = لاما اعتلى مكيال راعي المكاييل ضفران لامن رددوا للسلالي = وكرمان في عسر الليالي المقابيل قفوا شمال في شفوف الحلالي = يتلون براقٍ سرا له مخاييل يا شين شوفك عقب فرقا خوالي (2) = جعله يجيك من المناشي مخاييل نوه على الطراد (3) جال له خيالي = و انشا على عرفان (4) وبله مكاييل برقه على فحثان (5) جاء له شعالي = وسيل الحضاير (6) جت حفوره مغاييل أسقى أم دقة (7) من حقوق الخيالي = مدهال حذرات العنوز المغازيل من حظكم ياهل الفطير المتالي = حول على وبران (8) جا له هماليل حده جنوب لين جاو الجلالي = وحده شمال من حشوم الغراميل حول على الشجعان دار الرجالي = الاد زايد متعبين المراميل (9) قصيرهم يمسي من الهم خالي = وخويهم يامن ولو كان به ميل توسم عصاه إليا نوى بالرحالي = لا ما نوى الفرقا ودنا المراحيل دار ابن هذال (10) منجي التوالي = اللي لهشال الخلى يذبح الحيل سلم عليهم عد وبل الخيالي = وثنه على الرجبان واثنوه بالحيل ربع تعوج أرقابها للتوالي = لا قفوا الذلان مثل المخاييل كم واحد في دقلهم طاح مالي = لا جاء نهار فيه ميل وتعديل وطروشهم لو كان تبطي ليالي = على الشحم و مزعفرات الفناجيل يوم على العدوان جاء له ظلالي = خذوا الفواد بضربهم يا رجاجيل مقيدة بلهان لا جا اصوالي = ما جمعهم بيزول لا جاء مراسيل والمعذرة لا صار فيها ميالي = ميزان بقعا ما يهون من الميل أتلى كلامي يا عزيز الجلالي = وذكر الله المعبود من غير تفصيل معاني الكلمات : 1-اضمار : جبل في ديرة آل حميد شمال الوادي . 2-خوالي : يقصد آل حميد . 3-الطراد – 4 – عرفان – 5 – فحثان : جبل شمالي غرب الوادي . 6- الحضاير : وادي من وديان آل حميد بين جبل اضمار وفحثان . 7- ام دقة – 8 – وبران : موقع شمال وادي الدواسر . 9- المراميل : يقصد بها الجيش . رياض من الأدب الشعبي جمع وتأليف الشاعر مبارك بن سيف بن غالب بن ذهيبان آل حميد الدوسري

أعاده مع معاني الكلمات

**معلومات** **العضو** · 25-03-2006, 09:34 AM

لاد الحميدى يستاهلون كل فعل طيب

**معلومات** **العضو** · 26-03-2006, 01:37 PM

حياك الله أخوي راعى الجنيفا

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية