(( مبادئ ماليه))

**معلومات** **العضو** · 24-02-2006, 02:57 AM

--------------------------------------------------------------------------------

أحبتي الكرام
السلام عليكم ورحمة الله وبركاته كيف الحال إن شاء الله دوم بخير ؟
اّسف على الأنقطاع الذي لم يكن بأرادتي
أحبتي كنت قد وعدتكم بقصيدة((مبادئ ماليه)) منذ مده وهانذا أزفها لكم متمنيا" أن تحوز على القليل من أعجابكم وتقبلوا كل الود
__________________________________________________ ________

من أول الناس تشكي من فراق العشير=لانوى بالبعاد وحط وجهه وراه
وصارت الناس من غني وفقير=والله اللي مقسّم فوق سابع سماه
صاحب الجاه يلبس من رقيق الحرير=والمسيكين لايطّرى ولأحد" بغاه
كان لك مال يصبح كل عسر" يسير=وكل واحد يقدم طاعته مع ولاه
مالك القرش ماله بالمحبه خشير=وماحدن عند كل الخلق ياصل غلاه!!
لاتحيّر ولاتنشد ولاتستشير=قيمة الرجل في ذا الوقت باللي معاه
وعزتي للذي مثلي سواة الضرير=كل أمانيه في عمره يفارق عماه
وش يسوي وهو للدين دايم أسير=لاأغتنت حالته ولا المدّين نساه!!
كل ماقال لابد الفلك يستدير=أستدار الفلك باللي يجدد عناه
لو ماله رجى باللي بحاله خبير=كان ماشاف لابكره ولا اللي وراه
طال حبل الرجى والعمر حبله قصير=وكل يومن يمر العمر يطوى رشاه
قالها اللي رضى بالحظ مهما يصير=صابر" في رجى اللي مايخيّب رجاه
رب عطني على المقسوم صبرن كبير=حيثك اللي الى أعطى مايمن بعطاه

**معلومات** **العضو** · 24-02-2006, 04:18 AM

**معلومات** **العضو** · 24-02-2006, 02:33 PM

السلام عليكم ورحمة الله وبركاته

الشاعر عاشق سراب

الحقيقه لقد إستمتعت بهذه الرائعه

والتي حملت بين طياتها الكثير من الواقع الجاري على أكثر الناس

فصح الله لسانك مدد ماتنحصي بالعدد

وعسى ربي يزينها عليك وعلى من يشتكي مثلك

ولتعلم أن هذا هو حال الدنيا كفان الله وإياك والمسلمين شرها وفتنها

وكما قال الله تعالى في محكم التنزيل : وفضلنا بعضكم على بعض

أسأل الله العلي العظيم بأن يرزقنا وإياكم الدرجات والمراتب العليا

يوم القيامه وهذا الأهم في حيات المسلم

والصبر زين كما قلت في البيتين الأخيرين

قالها اللي رضى بالحظ مهما يصيـر=صابر" في رجى اللي مايخيّـب رجـاه
رب عطني على المقسوم صبرن كبير=حيثك اللي الى أعطى مايمـن بعطـاه

**معلومات** **العضو** · 26-02-2006, 02:55 PM

السلام عليكم ورحمة الله وبركاته

الشاعر / عاشق سراب

صح لساااانك مدد

هذا هو حال الدنيا كفان الله وإياك والمسلمين شرها وفتنها

لاهنت

**معلومات** **العضو** · 27-02-2006, 01:59 PM

كـل ماقـال لابـد الفلـك يستـديـر
أستدار الفلـك باللـي يجـدد عنـاه

لو ماله رجى باللـي بحالـه خبيـر
كان ماشاف لابكـره ولا اللـي وراه

الشاعر / عاشق سراب

صح لسانك على القصيده المعبره جدا

ولاهنت على روائعك وجديدك

وهكذا الايام نزول وارتحال

ولك بالغ شكري وتقديري

**معلومات** **العضو** · 27-02-2006, 02:32 PM


	كل ما قال لابد الفلك يستدير**استدار الفلك باللي يجدد عناه0 صح السانك ياعاشق سراب وعندي بيتين ودي احطهن مع ردي اذا تسمح يالطيب0 لا عيشت(ن)حلوه ولابه وناسه ** تعاونت يا ناس من كل صوبي اشوف وقتي فيه ظلم اوشراسه**ولا شوف لي فيما حصل لي ذنوبي

0

**معلومات** **العضو** · 08-03-2006, 02:59 AM

**معلومات** **العضو** · 08-03-2006, 03:26 PM

كـل ماقـال لابـد الفلـك يستـديـر=أستدار الفلـك باللـي يجـدد عنـاه
لو ماله رجى باللـي بحالـه خبيـر=كان ماشاف لابكـره ولا اللـي وراه

أخي الغالي/ عاشق سراب ،،، وعليكم السلام ورحمة الله وبركاته ،،،

لقد إستمتعت بهذه الرائعه ،،، متعك الله بالصحة والعافية.
صح لسانك ،، ولا هنت ،، وبيض الله وجهك على إيراد القصيدة الجزلة.

و لا تحرمنا جديدك يالقرم ،،،
وتقبل خالص تحيات أخوك ومحبك في الله/ صالح الجعيدي

**معلومات** **العضو** · 08-03-2006, 03:34 PM

السلام عليكم ورحمة الله وبركاته

عاشق سراب

صح الله لسانك

وفي انتظار جديدك

لاهنت يالغالي

**معلومات** **العضو** · 08-03-2006, 03:53 PM

الشاعر الكريم : عاشق سراب

اررررحب تراحيب المطر

صح الله السانك وعتلا شانك وزادك الله من زوايد فضله

وننتظر جديدك المميز

وتقبل تقديري واحترامي

اخوك / فهد الغريري,,

**معلومات** **العضو** · 08-03-2006, 07:30 PM

عاشق سراب

صح لسااانك

مدد

لاهنت

**معلومات** **العضو** · 08-03-2006, 10:22 PM

قالها اللي رضى بالحظ مهما يصيـر=صابر" في رجى اللي مايخيّـب رجـاه
رب عطني على المقسوم صبرن كبير=حيثك اللي الى أعطى مايمـن بعطـاه

ابو مبارك ..

صح الله اللسانك على هذا القصيد الجزل

وعلى هذه القصيدة اللي توضح معانات اكثر الناس..

لا تحرمنا من جديدك الجزل..

تحياتي

**معلومات** **العضو** · 08-03-2006, 11:11 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية