بعد الغياب أطق على أقرب شاعر الباب!!

[معلومات العضو أبو زايد التغلبي]

أقرب شاعر الله يعطيكم العافية ودنا نستانس معكم شوي الله لا يهينكم

 

 

 

 

[معلومات العضو أبو زايد التغلبي]

وينك يا لمسعري ما نتقابل إلا مثل الشيبة في الراس والربع الظاهر إنك زيزومهم:

استلم إنكانك حولي ولا أمسينا: ـ

يابن مسعر كل ما عنّ للطاروق عنّه //// أتذكر صاحبن يعجب الشعار فنه

وخزم مثلك عندنا صار يا ذيبان سنـه //// ولعوها نار والنار من شبابهــــــا


يا لمسعري ذالليل مابه مسرا .......................... إلين تطلع مرغمــن واجبــاري

بارسم لك المعنى لعلك تقـــرا .......................... يا لشاعر اللي بالمعاني داري

 

 

 

 

[معلومات العضو المسعري]

ارررررررررررررررررررررحبوا

 

 

 

 

[معلومات العضو راشد المسعري]

ابو زايد التغلبي والمسعري

الله الله

وش ذالليلة المبروكة اللي جابتكم

أكيد بيكون طعم المحاورة ذالليل شي ثاني

خاصة بحضور الشاعرين الكبيرين

شدوا حيلكم يالنشاما والله الله في اللعب الحماسي

وتراني في صفك يابو زايد ، ازهل الصف ياسنايدي

اللييييييييييييييييييييل يالمسعري

 

 

 

 

[معلومات العضو المسعري]

مرحبا يالتغلبي عد همال السحايب=يارفيقاً صار لك مدتاً وين انت غايب
وان بغيت الحرب يالتغلبي عودت خايب=ولعوها نار والنار من شبابها
الليل مايجلاه كون القمرا=والتغلبي ذالليل وينه ساري
لابد مانحداه بارضاً قشرا=ايلين يضهر علمه المتواري

 

 

 

 

[معلومات العضو المسعري]

ارحب يالتغلبي وش ذا الليله المباركه اللي طليت علينا فيها ويييين الغيبه

 

 

 

 

[معلومات العضو أبو زايد التغلبي]

مرحبا يا لمسعري حيك وحي طاريك

حي شوف المطر عقب الجدب

ــــــــــــــــــــــــــــــــــــــــــــــــــ ــــــــــــــت

أرحب تراحيب الحيا يا بو عبدالمحسن المسعري وشد حزامك وابشر بسعدك مادامك معي فلا تفكر فالمسعري لو معه مية مسعري مع احترامي الشديد هههههههههه


جعلني ماخلا منكم كلكم بس لاتخليني من التنسيق ياخوك ترا ماعندك أحد

 

 

 

 

[معلومات العضو المسعري]

طيب يابوزايد انت وابوعبدالمحسن

عسى الله يجيب الر بع لين تاقف الصفوف

 

 

 

 

[معلومات العضو أبو زايد التغلبي]

استلم لاهنت:

يوم جاب العيد يا صاحبي ساعي البريد //// اعتزلت الشعر ومداعبة حلو القصيد

غاضني بعض الرياجيل جعله ما يفيـــد //// ولعوها نار والنار من شبابــــــهــــــا


لا تضيع يا مسكين وسط الغدرا ........................... وانا أحسبنك للرسايل قاري

يومك مع أهل اللعب حقرا بقـرا ........................... أنا مع الشعار بايع شـــــاري

 

 

 

 

[معلومات العضو الذيال]

ياسلام على الشعار هذا اللعب ولا بلااااش

شد حزامك يالمسعري انا في صفك

دون قصور في ابو زايد

عليك به تكفى يالمسعري

الدعوى فيها تحدي ومسرى
==========================

 

 

 

 

[معلومات العضو المسعري]

كان من جاب الهزيله يوثر في قرارك=صرت في عيني مثل حبتاًوسط الجمارك
والجبل ماهزه الر يح في وسط المعارك=ولعوها نار والنار من شبابها
ياللي تصلح غلطتاً لك حذرا=حذرا تعود ليلنا سماري
يومك مع اهل اللعب خمسك عشرا=انا معاهم طايلات اشباري

 

 

 

 

[معلومات العضو المسعري]

ارررررحب يالذيال والله وليده لعنبو غيرك تراني اقلعت والتغلبي الضحيه

 

 

 

 

[معلومات العضو راشد المسعري]

لا تضيع يا مسكين وسط الغدرا ........................... وانا أحسبنك للرسايل قاري

يومك مع أهل اللعب حقرا بقـرا ........................... أنا مع الشعار بايع شـــــاري


إييييييييييييييه يابو زايد ، صح لسانك ياسنايدي عطه القااااااااااااز خله يعرف المسرى صح ...

 

 

 

 

[معلومات العضو أبو زايد التغلبي]

خلووووووووووووووووووووووووووها : ـ

لا تطالع فالسما وانت رجالن عما ///// والسراب يتيهك كان لعيونك زما

يا نما قدامك التغلبي شف يا نما ///// ولعوها نار والنار من شبابهــــــا


لا قصّرت يمناك ناد اليســرى .......................... قم واحتزم بمشوكن واسواري

السيل بين بيوتكم له مجرى .......................... واليا جرفك السيل تمشي عاري

 

 

 

 

[معلومات العضو أبو زايد التغلبي]

لاهنت يا مشرفنا القدير بو عبدالمحسن المسعري

تراك ذالليل مثل الوقود لي ومادامني أسمع حسك فازهل الشعار كلهم