مشتاق

[معلومات العضو تآج روس السلاطين]

مِـشْتاقِ لا حِبّكْ وِمـشْتاقِ لا غْليكْ
لبّى الّكلامَ اللّي تِـخِيـلهْ عِـيُونِـكْ

يَـارُوحِ رُوحي فالحشا وِينَ أخبّيكْ
أنْتي جُـنوني والّهوى مِنْ جِنُونِكْ

أفْـدِيكِ في دمّي وفي رُوحي أفْـديكْ
شِقْرَ الذِّوايـبْ كِلّهنْ يِفْتِدُونِـكْ

ممدوح لتْخلّيني اللّـهْ يِـخلّيكْ
ممدوح ماتسْوى حياتِهْ بِدُونِـكْ

أنا فِـدا كِلّكْ وِحَطّتْ لانامِيكْ
في حِفْظِ ربِّـي ثِـمِّ حِفْظِكْ وِصُونِكْ

إقْـلُوبنا مِثْلَ الّعبِيدَ الّمِماليكْ
واللّهْ و أمانَ اللّهْ فلا هي تِخُونِكْ

إلْيا نسيتيني فلاني بِنَاسِيكْ
وِشْلُون أبا أنسئ صُوتِ حُبُّ وشِجونكْ

تعالِ و أهمسِ في خفُوقي وحاكيكْ
و أنا هواكُ ومرْتعنْ لك حنُونكْ

أنا فِدا يـاورْدِ مِنْ بينِ كَفّيكْ
كِلّي فدا خدّكْ وزينكْ ولُونِكْ

الرّمْلِ مِتْلهّفْ ويفْدا مُواطيكْ
إيْـقُولِ تكْفى لا تعجّلْ بِهُونِكْ

و أنا على الأحْلامِ عايشْ و أمانِيكْ
و الشُّوقِ للفاقِدْ محبّهْ تِمُونِكْ

والصّدْقَ أنا لا حِبِّ هاذي ولا ذِيكْ
أشْواقِ مغْبُونهْ و فاقِدْ حِصُونـكْ

عايشْ ولا همّي عِيالَ الصّعاليكْ
لوْنَ الّهلايـمْ و الزّلايبْ يبُونِكْ

أنا فِدا قلْبكْ ولهْفتْ محانيكْ
خلّوني أحلمْ برْضِ واقِعْ وِكُونِكْ

كَفّكْ ياحِلْوهْ خَلّي إمِّكْ تِحَنّيكْ
تحصّني بِـاللّهِ لا يَحْسدُونِـكْ

بِـلشْتَ بـكْ ياقلْبِ بلْشت هلا الدّيكْ
اللّي تبي يِـذّنْ وِتخْلفْ لُحُونِـكْ

ماني بلاقي لكْ طِبيبنْ يِـداويكْ
اللّي تبي يـاقلْبِ ماجاكِ دُونِكْ

تُـوبـهْ بَـعدْ حـبّـيـتِ واللّهْ يِـخَلّيكْ
تَـايبْ وتلقا بَـازِّمنْ مِنْ يبُونكْ

للحِبِّ قَفّلْنا جميع الشِّبابيكْ
ياربِّ حِسْنَ الّخاتِمهْ يدْفنُونِكْ


الشاعرممدوح سالم /منقول ساحات بلي