مساجله بين الشاعر سعد بن سالم بن سويحل الخضران والشاعر لمعان بن محمد الهواشلة

[معلومات العضو القطب الشمالي]

السلام عليكم ورحمة الله وبركاته

قصيده موجهه من الشاعر : سعد بن سالم بن سويحل الخضران الدوسري
الى الشاعر : لمعان بن محمد بن لمعان الهواشلة الدوسري
والرد عليها .

قصيدة الشاعر : سعد بن سالم بن سويحل الخضران

مرحبا واهلين ببيوتن لفن = كايداتن للمعاني صايدات
مايهمه لو يصعّب باللحن = ساقهن سوق البكار الطايعات
بادياتن للمعاني واشرفن = عانقن بعض النجوم الساريات
ذا جواب اللي لمعناها دفن = مايبينها تجيب مهاترات
عند لمعان مشن ثم وقفن = نستشيره في امورن خافيات
مانبدي غيركم مهما يكن = مثبتن قولي على كل الجهات
المعاني بالقوافي يسبحن = سابحاتن فالعميق وعايمات
القوافي في ضميري يسجعن = ساجعاتن باللحون المغريات
عارفين الفن يالمعان فن = وانت بيوتك بالرفيع النايفات
البيوت اللي لها ثقل ووزن = وزنهن وزن الجبال الشامخات
خيول شعرك بالمعاني يسرجن = سابقاتن بالوفا ومحضرات
كنه يساعدني على الطاروق جن = لابغيت اللي صعيبن غصب جات
استعين اللي على القدرة مكن = ربي اللي عابدينه بالصلات

والرد عليها


قصيده الشاعر : لمعان بن محمد الهواشلة

هاضني قافن ما يوجد بالثمن = يوم اجره باللحون العاليات
كان ريمه ما تقاود بالرسن = ويش عندي من العلوم الباقيات
لا بنيت القاف وان قاد الضعن = التفت بين العصا هي و اللحات
كل مسلم ينتظر حزم الكفن = وش عنده من البقايا الصالحات
لا لفنّي يا صحيبي ما اختفن = عارفن مدوا الخيول المسرجات
وش عليّه لو تمادن وادبحن = عارفن فك البيوت المبهمات
عندنا هداج باقي مندفن = مروين كل الكبود المضميات
ما شربت الجم من طرف الصحن = سابحن كل البحور الهايجات
الركايب في طلبنا درهمن = يشربن قراح من شط الفرات
من يراهنكم على كسب الرهن = ضاع وقته ما تهنا باالمبات
يا سعد كان المواقيف احتمن = انت من ربعن تفك الجاذيات
انت حبلك طويل ممتكن = ما تعايد فالبيوت المعجمات
اطلب اللي رحمته تشفي البدن = واحدن بمره تحل المعجزات

 

 

 

 

[معلومات العضو محمد الهويشلي]

صح السنت الشعراء

قصايد جزله

ولا هنت يالقطب الشمالي على النقل المتميز ننتظر جديدك

 

 

 

 

[معلومات العضو محمد بن حمد الشكرة]

الله لايهينك يالقطب الشمالي على النقل وصح الله لسان الشاعر سالم بن سويحل الخضران والشاعر لمعان بن محمد الهواشلة تقبل مروري

 

 

 

 

[معلومات العضو مبارك بن شافي النتيفات]

صح السنت الشعراء

قصايد جزله

ولا هنت يالقطب الشمالي على النقل المتميز ننتظر جديدك

تحياتي وتقديري

 

 

 

 

[معلومات العضو القطب الشمالي]

محمد الهويشلي - محمد الشكره - مبارك النتيفات

لا هنتو على المرور

 

 

 

 

[معلومات العضو شافي بن راشد النتيفات]

صح السنت الشعراء قصايد جزله ولا هنت يالقطب الشمالي على النقل المتميز ننتظر جديدك تحياتي وتقديري