هذي قصيدة للشاعر مشعل بن شباب الشيباني العتيبي

[معلومات العضو ولد أبو زمام]

يا الله يا عالم بما كان ويكون =والكون كونته على أجل تكوين
يا مخرج من ظلمة الحوت ذا النون = وانزلت سورة يوسف ونوح والتين
وأغرقت في غب البحر قوم فرعون =وأنجيت موسى من دعاة الشياطين
نسألك ثبت من بالإصلاح يسعون= ونسألك تهدي ناس كثار غاوين
من بعد هذا يا هل العرف تكفون =أشوف شيء شيب الراس والعين
بعض الرجال لحرمته صار مرهون =من حيث ما تامر به يقول ماشين
قالت نبي موتر من نوع صالون =جديد توه من موديلات الفين
آخر موديل تطلعه مع تلفون =وتجيب سايق من ولايات بكين
أبيه سايق عندي بشرط مزيون =وتراه يرجع إن طلع منظره شين
وأريد من فضلك تكرم ووممنون =تجيب دش وليتك تركب اثنين
نبي نشوف مع البشر ما يشوفون =ونشاهد أفلام على الشاشة تبين
وقام يتنافض كنه مصاب بجنون = قال ابشري يجي لك اللي تريدين
كنه لها في داخل البيت جرسون =يجيب ما تطلب وتبغاه في الحين
من أجلها تحمل أسلاف وديون = من خوف تزعل قرة الراس والعين
شرى لها موتر وسواقها جون= جابه حسب مطلوبها بعد يومين
نقى لها واحد عن الشين مضمون =حسب طلبها سايق كامل الزين
وسيم شكله ناعم واحيمر اللون =لا فيه لا ذمة ولا خوف ولا دين
معه وحدها لو بغو درب يسرون = وابليس ثالهم مع الدرب يا حسين
فتنت به وهو فيها بعد صار مفتون =وتبادلوا سوالف العشق واللين
والزوج كنه ثور بشبك مسجون =لا ناشد عنها ولا قايل وين
ما همته لو خار ج الدار يمسون =ولا همته لو لفت شمال ويمين
قلبه من الغيرة اغسل له بصابون= ما عاد به غيرة على العرض والدين
ودي بشعار بما قلت يوحون = وشاركون بنظم الاشعار عجلين
في حل دعوى تبكي قلوب وعيون =تبكي قلوب اللي على الدين حرصين
ما غرد القمرى تغتراف ولحون =وصلوا على اللي بين الدين تبيين

 

 

 

 

[معلومات العضو عقاب بن هذال ال بريك]

صح لسان شاعرهآآ ,, ولا هان ناقلها ..

وتم التنسيق ..

تحاياي ...

 

 

 

 

[معلومات العضو مبارك بن شافي النتيفات]

صح لسان الشاعر/ مشعل بن شباب الشيباني العتيبي

قصيدة جميلة تتحدث عن شي واقع وان شاء الله انه قليل

لاهنت ياولد ابوزمام على النقل المميز

تحياتي وتقديري

 

 

 

 

[معلومات العضو شافي بن راشد النتيفات]

صح لسان الشاعر/ مشعل بن شباب الشيباني العتيبي
ولاهنت على النقل الرائع

 

 

 

 

[معلومات العضو ابو زابن المسعري]

صح الله السانك والسان الشيباني
والله يهدي المسلمين

ومشكله ان راحت الغيره من قلوب الرجال

 

 

 

 

[معلومات العضو خالد المشاويه]

صح الله لسان الشيباني ولاهنت عالنقل الرائع


جزيل الشكر والتقدير