لا خاب طنك

[معلومات العضو سعد بن هادي]

السلام عليكم ورحمة الله وبركاته


يقول الامير الشاعر محمد الاحمد السديري رحمه الله عليه

لا خاب ظني في الرفيق الموالي=مالي مشاريه على نايد الناس

وانا اقول

لا خاب ظنك في رفيق مواليك= اكتب على الدنيا كثير السلامي ‍
وش عاد لو تشكي وتبكي لياليك=ما عاد ينفعك البكا و الملامي ‍
ذي عادة الدنيا تضيع هقاويك =يوم فرح واخر على الكبد حامي ‍
خذها نصيحه من فواد مصافيك=لا تطفي الشمعه بعز الظلامي ‍
وش تنتظر من واحد مرخص فيك=ضيع خطاه وضاع كل احترامي ‍
كان الهجر يا صاح والهم مشقيك=عينك تنام وخالقك ما ينامي ‍
ربا تعالى فوق خلق مماليك=الواحد الرزاق منشي الغمامي ‍
سبحانه المعبود ربا مسويك=ربي الذي يحي هشيم العظامي ‍
فل الحجاج وخل خل مخليك=انساه دام لك ربوع احشامي ‍
لاتسمتع للي يبون الردى فيك=ولا تتبع حكي العدى والفدامي ‍
واختر من الاجواد حر يخاويك=امثال اخو سره زبون الكرامي ‍
فكاك عقدات الحبال المشابيك= له في فوادي عز قدر ومقامي ‍
ابو سعد يا جعل الانذال تفديك=اهل الردى والدفنسه والحرامي ‍
ما يعرفون ان المراجل تعليك=تبعدك عن رس الوطى والطمامي ‍
ترفعك رجم فوق روس الصعاليك=ما ياصله يا كود رجل همامي ‍
صلو على سيد البشر دون تشكيك=محمد رسول الله خير الأنامي

اتمنى انت تنال على اعجابكم ورضاكم تقبلو مروري سعد بن هادي

 

 

 

 

[معلومات العضو عبدالله الحافر الغييثي]

صح لسانك واعتلى شانك يالقرم قصيده رائعه بروعة صاحبها تقبل مروري وتقديري

 

 

 

 

[معلومات العضو شافي بن راشد النتيفات]

ارحب يابوهادي وصح لسانك واعتلا شانك

 

 

 

 

[معلومات العضو ناصر بن فهد]

صح لسانك وآعتلى شانك وإلى الأمآم يا مبدع

 

 

 

 

[معلومات العضو مبارك بن الجوير]

اللهم صلي وسلم على سيدنا محمد.......

ابوهااااادي
ارحب يارجال
وصح الله لساااااانك مدد وبليا عدد
ويسلم منطووووووقك على ما انتصحت به
ونفع بها ياخوك
وجعلها بميزاااان حسنااااااتك لما فيها من الاعتبار
اسعدني مروري تقبله عسى الله يسعد ايامك...

 

 

 

 

[معلومات العضو سعد بن هادي]

خميس وشافي وناصر ومبارك صح الله بدونكم وبيض الله وجيهكم على المرور الطيب تقبل مروري

 

 

 

 

[معلومات العضو محمد بن عريمه]

اللهم صلي وسلم على سيدنا محمد

صح لسانك واعتلى شانك

 

 

 

 

[معلومات العضو محمد ال عريمه]

صح لسانك واعتلى شانك يالقرم

 

 

 

 

[معلومات العضو محمد.الودعاني]

صح لسانك واعتلى شانك يالقرم قصيده رائعه بروعة صاحبها
تقبل مروري وتقديري

 

 

 

 

[معلومات العضو سعد بن هادي]

اخوي كاسب الطيب اخوي محمد ال عريمه اخوي محمد الودعاني صح الله بدونكم وبيض الله وجيهكم على المرور الطيب

 

 

 

 

[معلومات العضو حسن بن بطحيه]

صح السانك يابن هادي ولاهنت يالقرم..

 

 

 

 

[معلومات العضو سعد بن هادي]

وجهك ابيض يا ابن بطيحه ولاهنت على المرور الطيب.

 

 

 

 

[معلومات العضو خيالية]

اللهم صلي وسلم على أشرف خلقه ،،

قصيدة ممتازة حكيمه ،، اشتملت على النصح في كثير من أبياتها :

لا تستمع للي يبون الردى فيك
ولا تتبع حكي العدى والفدامى

واختر من الاجواد حر يخاويك
امثال اخو سره زبون الكرامي ،،،

صح قصيدك وسلمت شاعريتك ، احترامي وتقديري ..

 

 

 

 

[معلومات العضو سعد بن هادي]

خيالية يعطيك العافية على المرور الطيب