انا دوسري وزايدي ودعاني

**معلومات** **العضو** · 14-10-2010, 11:01 PM

قــصــيــدة الشـــــــــاعـر .. / سعــود حــســن بطحيــه ،،

التاريخ / 4 - 1431

أنـــا دوســــــري وزايــــدي ودعـــانــي *** من لابـة الي تكـــــرم الضيـف والعاني
وداعين إلى من حل بالـطـيب ذكـــرهــم *** تــبــادروا بـالـنــعـــم والنعم بـرهـــانــي
وادعــين يسبق فعلهم قبل ســـــلــمهــم *** سلوم وفعايل من على وقت أبن بـدراني
نعنز ومن عــــنـز عـــلينا بـــمـنـســبـــه *** يجي شيخ ربعه مثل ما شاخ راكـــــاني
الى جاد ولد القوم من طيب فــعـــــلنــا *** تـجره اسرار الــخـــال والـخال ودعاني
ولا نـفـتـخـر بــه مير هو يفتخر بــــنـا *** كما يــفـتـخــر فهـــد وسلطان وسلماني
حكام الجزيره والدواسر خـــــــوالـهــم *** بيتٍ عــمــــره الله لــه قــوة اركــــأنــي
حنا خوال ملــــوك حـــــــكــام نـجــدهــا *** من قـــبــل بن حثلين واحـــد ثــانــي
لو رحت ثم دورت من شرقها لا غربـها *** ما حـصلت مثل سلومنا تزبن الــجــانـي
ويش اكبر من الشريف قد ذاق حــربنـا *** يبغي دخيل البــيـت عــنــد أبــن بدراني َ
قوز الشريف اسمه ورسمة نصـــأيــبه *** ســمــــي على اسمه طايح وسط ميداني
عـــــزوه جــريــس يــوم هـو ينتخيبنا *** بعـد شاف فــــرسان تجندل بفرســـانــي
حتى رضا راع العمى وابصر الــبـصـر *** واصبح يشوف الدرب وهو كان عمياني
إلى من بغيت القدى فــعــمـد الخــطــاء *** حتى يجيك الحق من غير نـــقــصــانـي
من جاب الدليل يسكت الـنـقـد الى نـقـد .*** دلــيلي افـعــال فــي تـواريــخ ديــوانــي
دواســــــر ذا فـعــلهــا فــي زبــيــنــهـا *** تــركـــز لها البيضاء على راس نيشاني
زبـيــن مــازبــنـــه بــعـض الــقــبايــل ***كون الدواسر مرويت كل ضـــمــيــانــي
هـــــذي قــلـيــله مـــن كــثـيـره انقولها *** ثــمان السوالف ما بعد قالــها لــســانــي
لا خــيــر فــي قـــــول بــلــــــيا دلايــلـه *** وعـنـــــدي على ماقول صدقٍ وبرهاني َ
هذي قصةٍ وسط الـتــواريــخ ســجـــلت *** في مــكـتــبــتــهـا حــط رقــم وعنـواني
فــيــنــا مـن اهل الخير للدين نــــصـرهـ *** اهل ســنــة التــوحيـد عــباد رحـــماني
واليـــوم فــي الأسلآم امن وســــــلآمــه *** راحت اضغينت وقتها كلنا اخـــــــواني
وختمانها صلوا على ســـــيــد الــبــشــر *** على محــــمد المــخــتــار نسل عدناني

**معلومات** **العضو** · 14-10-2010, 11:17 PM

صح لسانك ياسعود

وكفو يالوداعين

**معلومات** **العضو** · 15-10-2010, 04:01 AM

صح بدنك يابوشافي

**معلومات** **العضو** · 15-10-2010, 04:18 AM

صح لساانك ياسعود والله والف نعم بالوداااعين وونعم بك يابن بطحيه لاهنت وبيض الله وجهك .

تقبل مرور ي

**معلومات** **العضو** · 16-10-2010, 12:21 AM

كفوووووووووووو يابن بطحية ونعم باهل الثمان الوداعين

**معلومات** **العضو** · 16-10-2010, 12:26 AM

صح لسسسسانك واعتلى شانك يا ابن بطحيه
وكفوو بالوداعين أهل الثمان

**معلومات** **العضو** · 16-10-2010, 03:45 AM

شكرا يابوفهد الله يحفظك

**معلومات** **العضو** · 16-10-2010, 03:48 AM

صح بدنك شكرا ..محمد حفظك الله

**معلومات** **العضو** · 16-10-2010, 03:49 AM

الف مرحبابك ياشافي تسلم ياغالي

**معلومات** **العضو** · 16-10-2010, 12:36 PM

ياسعود والله والف نعم بالوداااعين وونعم بك يابن بطحيه لاهنت وبيض الله وجهك .

**معلومات** **العضو** · 06-11-2010, 07:52 PM

بيض الله وجهك يابن بطحيه وصح لسانك.....

**معلومات** **العضو** · 07-11-2010, 01:06 AM

ابن بطحيه /

صح لسانك يا طويل العمر ويستاهلون ربعك المدح .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية