صفر خمسه أربعه .. وآخـره خمسـه سبعتيـن!!

**معلومات** **العضو** · 25-05-2010, 03:16 PM

سلام عليكم

قصيده اعجبتني وحبيت انقلها لكم

دق جوالـي وأحـس القلـب يومـه دق .. دق
صفر خمسهـ أربعهـ .. وآخـره خمسـه سبعتيـن
قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن
المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟
قلتها وأنـا أعرفـهـ ميـر الثقـل حـل وسبْـق
قال أنا اللـي متصـل وأرجـوك زيّنهـا تزيـن
قلت (يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن
قلت تآمر قـال تسلـم وابتـدا كشـف الـورْق
واسمعهـ دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن
قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن
قال شعرك .. قلت شعري .. لا ابد طـب وتنْـق
كل خفّاقي قصايد .. مـن يسـار ومـن يميـن
قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن
ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن
بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن
قلت لحظه ماهي الدعوه صحـن خبـز ومـرْق
اصبر اصبر خلني أعرف مكـان اللبـس ويـن؟
قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستين!!

وسلامتكم

**معلومات** **العضو** · 25-05-2010, 03:18 PM

ابو نايف ‏
تسلم يمينك عالنقل ‏
ابداااع ‏x‏ ابداااع
دام لنا تالقك وابداعك

لك ودي

**معلومات** **العضو** · 25-05-2010, 04:22 PM

غلا مطير يسلمووو على المرور الرائع

لاهنتي

**معلومات** **العضو** · 25-05-2010, 06:46 PM

ابيات راقت لي واعجبتني

دمت بروح التميز

تقبل مروري المتواضع

**معلومات** **العضو** · 25-05-2010, 07:39 PM

الله الله
صح لسانك وصح لسان شاعرها
ولآهنت على النقل

**معلومات** **العضو** · 25-05-2010, 08:18 PM

جنون انثى استنارت صفحتي بمرورك الجميل

دمتي بكل الخيرات

**معلومات** **العضو** · 25-05-2010, 08:19 PM

صح بدنك ابو فهد ولاهنت على المرور الحلووو منور ياغالي

**معلومات** **العضو** · 29-05-2010, 09:26 PM

صح لسانك ولسان شاعرها ...
ابونايف الحربي أبيات جميله ورائعه ...

كل الود ...

**معلومات** **العضو** · 30-05-2010, 02:13 AM

أبيات جميله .

تسلم يمينك أبو نايف ..

**معلومات** **العضو** · 30-05-2010, 04:10 PM

اروووووعه تسسسلم يمناك خيووو

**معلومات** **العضو** · 31-05-2010, 10:08 AM

ابـــــو نايف>>>بيض الله وجهك ،،،،
وجعل عمرك طويل ع الابيات الرائعه جداً
*تقبل مروري البسيط ////ويعطيك العافية.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية