قصيدة غزليه اهديها لكم .....

[معلومات العضو محمد بن عبدالله الغييثات]

بسم الله الرحمن الرحيم السلام عليكم ورحمة الله وبركاته اخواني اعضاء المنتدى وشعراء الموقع هذه القصيدة انتمى ان تحووز على رضاكم بعد الانقطاع الطويل عن هذا الموقع الجميل...

عليك الله ياحب يعنيني ثلاث سنين=تمركز بالفؤاد اللي همومه مايعددها
مشيت ودعوتي للي خلقنا يبعث الفانين=عساها سنين نحييها وذكرانا نجددها
يلوح البارق الساري وشوفه يبهج العينين=مخيله لاح بارقها وسرتني براعدها
رعاك الله يايوم تعرفنا وحنا اثنين=وتعاهدنا على وصل المشاعر مانجمدها
أرد الفكر واغني وخوفي من الزمان الشين=يوقف بيني وبين الحظوظ الي أطاردها
أعرف ان العشق يطعن ولكن مامعه سكين=يهده في الضلوع اللي من ايدينه يسددها
أسج الرجل من هم كواني والعرب سالين=وادرج خطوتي وامشي واناساقي معودها
عداك اللوم ياقلب يعذبه الحلا والزين=وتتعبه الليال اللي سليطه في نكايدها
مصيبه لاغدا حبك عذاب وعايش من بين=أماني وصلها ولاّ فراق منك يبعدها
تقل كني بمفارقها يتيم وعايش مسكين=وعمانه كلوا رزقه وروحه من يساندها
وتقل كني بمواصلها ملكت الحكم لي عمرين=وشعبي حن من حبي وكلماتي يرددها
حباها ا لله من نعمة جمال يعتريها ولين=ولها اوصوف تعنيني ليامن جيت ابسردها
تشوف اعيونها تنظر جمال بان في لونين=سواد الليل مع شدة بياض اللول حددها
وتشوف الموت لاثنت مبيسها مع الخدين=وتذوق المر لا فلت على الأمتان عسجدها
ولامدت علي يدها تعرفون الحراره وين=يفوح القلب والعله حراره من بطن يدها
غفيت وصورته قدمي ولكن وين ابسلى وين=سهير وكل خلق الله تهنت في مراقدها
فلا نشفق على الدنيا ياكود بشوفة الغالين=بهم نرتاح والضيقه من الأيام نطردها

وسلامتكم

 

 

 

 

[معلومات العضو عبدالله الحافر الغييثي]

ارحب يابوعبدالله صح لسانك واعتلى شانك,,,وما ابطى بالسيل الا كبره ابداع متناهي وليس غريب على شاعر بثقلك خالص التقدير

 

 

 

 

[معلومات العضو محمد بن عبدالله الغييثات]

هلا بالأخ خميس وأشكرك على تنسيق القصيدة

 

 

 

 

[معلومات العضو ناصر بن فهد]

صح لسااانك ياابو عبدالله على القصيده الطيبه ُ
ولاهنت يا مبدع ... ونتظر جديدك يا ابوعبدالله
وتقبل موروري

 

 

 

 

[معلومات العضو شافي بن راشد النتيفات]

صح لسانك يابو عبدالله ولا يسعني الا ان اقول لك مافيك حيلة

 

 

 

 

[معلومات العضو فارس الدبالين]

الله واكبر على الغزليه الشامخه يامحمد

صح لسانك صح لسانك يالجزل

والله اني انسجمت مع القصيده وعشت جوها يامبدع

لاهنت وننتظر جديدك وابداعك المتواصل

ولاتحرمنا من ذي وامثالها ترا القلوب خضر ونا اخوك

تقديري واحترامي ..

 

 

 

 

[معلومات العضو محمد بن سالم الخضراني]

محمد الغييثات صح لسانك ولاهنت قصيده شامخه

ولا يطرق ذا الطرق الا كبار الشعرا امثالك

تقديري ,,