أبيات رائعة في الفخر والمدح قيلت في الشيخ الأمير / ملفي بن علي آل مانع آل عمار الدوسري و الشعراء هم ابن عمهوج (شاعر آل عمار) وابن كليب(شاعر آل مانع)

[معلومات العضو ابو ملفي]

هذه قصيدة لشاعر ابن عمهوج:
يالله اليوم عـــــــلام السراير***يارقــيبٍ ولانامـــت أعيــونه
يارفيق لنا مــــــــــهـوب بايـر***عادة الله مـع إلي يزهمونه
قادهم يومه للــــــــــعز جاير***جعلهم حـــسبة مايفقدونه
لابتي مثل تركي في الجزاير***في هــــوى باشه بيتبعوه

===========================

وهذه قصيدة الشاعر ابن عمهوج:
يا نديبي فوق عملية تدني البــعيـد ***منوت اللي نازح ويترجى غــــــايبـه
ثم تنصى ملفي وتعطيه الـــــــوكيد***شيخنا اللي دز في اسنعنا نـبــايبـه
لابتي لاسج من لابته خـــــطوة بليد***لاتباعدها من الجد في قـــــــــرايبه
لالعنا غرسةٍحـمـــلــها صـــفاً سريد***الحمى إلي من على الجد كلاً هايبه
حملها يذكر لنا ينفوحن بها الـــــعبيد***ماجرى ذا اليوم هذاك من ســــبايبه
لنقلنا غالي المشتري صافي الحديد***كل صانع دارس عسرة ضــــــرايبـه
ناخذ الحقان من فوق علـــــمان تزيد***لين نقعد عايـلٍ صعبـة طــــــــلايبـه

=====================

هذه قصيدة لشاعر ابن كليب:
يــالله اليــوم ياعــدلٍ بصــــير***عالي الشان ياعدالــــــها
هاضني يــــوم جا يومٍ كبـــير***غبت من لابتي وأفعالــها
أقبلوا لابتي مـــثل الغثـــــير***والثميدي احقوق أخيالــها
نروي العود والسيف الشطير***والتفق نعم يانقالـــــــــها
تـشبع الطير وســـباعٍ تــــدير***بين لحظة جبل واسهالها
علـــم إلي مهاريجــــــه كثير***مايثمن أهروجن قـــــالها
شرعنا في الحرايب مانــحير***مانغذي ولدنا ألا لـــــــــها

==================

هذه قصيدة لشاعر ابن كليب:
يالله اليوم يالي شتت أبـصاره***عالم الغيب والجهرا وما فيـها
ياعوينٍ على من شانت أدبـاره***فاجرٍ والشريعه مايمــاشيها
حن عليهم كما نجم ظرب قاره***دك ديرة(.........................)
ديرته في القرايا فالــــها الباره***مثل(...............................)
(.......)في نحانا قصرة أشـباره***صابته درجه ربي مــــقديها

 

 

 

 

[معلومات العضو راشد المسعري]

كفو في الممدوح وفي آل عمار كافة

لاهنت يابو ملفي وننتظر منك الجديد يالغالي

تقبل ودي وتقديري ،،،،

 

 

 

 

[معلومات العضو نايف الخييلي]

الله يعافيك يابو ملفي على طرح هذه القصايد الحربيه الحماسيه

وجزيل الشكر لك

 

 

 

 

[معلومات العضو محمد بن حمد الشكرة]

كفو في الممدوح وفي آل عمار كافة لاهنت يابو ملفي وننتظر منك الجديد يالغالي تقبل ودي وتقديري ،،،،

 

 

 

 

[معلومات العضو ابو ملفي]

مشكور ياراشد ونايف وابوحمد
على الردود , الله يعطيكم العافية وابشروا بالخير

 

 

 

 

[معلومات العضو عبدالكريم العماري]

بيض الله وجهك يا ابو ملفي على طرح القصائد
والله يعافيك

 

 

 

 

[معلومات العضو ابو ملفي]

مشكور ياعبدالكريم على الرد ولاهنت