اكتب اسم شاعر واللي بعدك يجيب له قصيده

[معلومات العضو ابو حسين الدوسري]

بسم الله الرحمن الرحيم

السلام عليكم ورحمة الله وبركاته

هذى فكرة وليست جديده وانما نحن نجددها بارتقاءنا الى كل مامن

شانه زيادة ثقافتنا الادبيه بشكل عام


(الفكــرة )
كل عضــــو يكتب اســم شــاعر واللي بعـــدهـ يكتـب مقــطــع من

قصيــدة لــهذا الشاعر

وانا اطلب من اللي بعدي


محمد الاحمد السديري

اتمنى اشوف مشاركاتكم

 

 

 

 

[معلومات العضو متعب الصخابره]

نسل الاجاويد

فكره جديده وجميله زي ناقلها مادمني اول واحد ابي قصيده للشاعر

(الفالح)

وهو الامير محمد بن عبدالعزيز السعود

 

 

 

 

[معلومات العضو الهاج ـري]

مشكور يالغالي على طرحك المميز داااائماً رااقي بطرحك

كح كح اخوي متعب مالبيت طلب اخوي نسل الاجاويد

وهذا طلب اخوي متعب

قبـل الفـراق أنـا وقلبـي ننتظرهـا بـشـوق ..
نحكـي نقـول هـل يـا تـرى نعتـب عليـهـا

وإلا هالمرة نسامح حتى لـو نرضـى عليهـا ..
غــصــب تفـضـحـنـي الـمــلامــح

يــوم الـوعـد مـاجـت عـلـى ميعـادهـاوبعـد الوعـد . . جتـنـي عـلـى ميعـادهـا

جتني تقول ما نستمر إنـت وأنـا فـي هالعمـر..
إحــرق بقـايـا هالـرسـايـل والـصــور ..

يـا سنينهـا ..
باقـي مـن لوعـة الفرقـا ألــم ...
وياحبهـا الباقـي فـي غربـة الذكـرى نـدمـ .
ليه الشقا والعمـر مرهـون فـي كـف اللقـاء..
ليه الشتات وأنت تدري مالي مـن بعـدك حيـاة .
كـل العمـر كنتـي ..و أنهـى العمـر هاللحيـن ..
أنتـي يـا أنتـي قـصـة عمـرهـا سنـيـن .
جيتـك لا تجـيـن يــا ذكـريـات السنـيـن ..
جيتك أشوف قصة الماضي علـى ذيـك الرفـوف .
وآه يا الظروف ..
لو عرفتي وش حوت ذيك الرفوف ..
ذيـك الرسايـل والصـور وعـذب الـحـروف .
كـل العمـر كنتـي و أنهـى العمـر هاللحيـن ..
أنتـي يـا أنتـي قـصـة عمـرهـا سنـيـن .

وطلبي للشاعر:


خالد الفيصل..

 

 

 

 

[معلومات العضو ابو حسين الدوسري]

المشاركة الأصلية كتبت بواسطة متعب الصخابره

نسل الاجاويد

فكره جديده وجميله زي ناقلها مادمني اول واحد ابي قصيده للشاعر

(الفالح)

وهو الامير محمد بن عبدالعزيز السعود

يمرحب والله يمتعب وكم يسعدني تواجدك يالغالي بس وين القصيده
تحياتي لك

 

 

 

 

[معلومات العضو ابو حسين الدوسري]

المشاركة الأصلية كتبت بواسطة الهاج ـري

مشكور يالغالي على طرحك المميز داااائماً رااقي بطرحك

كح كح اخوي متعب مالبيت طلب اخوي نسل الاجاويد

وهذا طلب اخوي متعب

قبـل الفـراق أنـا وقلبـي ننتظرهـا بـشـوق ..
نحكـي نقـول هـل يـا تـرى نعتـب عليـهـا

وإلا هالمرة نسامح حتى لـو نرضـى عليهـا ..
غــصــب تفـضـحـنـي الـمــلامــح

يــوم الـوعـد مـاجـت عـلـى ميعـادهـاوبعـد الوعـد . . جتـنـي عـلـى ميعـادهـا

جتني تقول ما نستمر إنـت وأنـا فـي هالعمـر..
إحــرق بقـايـا هالـرسـايـل والـصــور ..

يـا سنينهـا ..
باقـي مـن لوعـة الفرقـا ألــم ...
وياحبهـا الباقـي فـي غربـة الذكـرى نـدمـ .
ليه الشقا والعمـر مرهـون فـي كـف اللقـاء..
ليه الشتات وأنت تدري مالي مـن بعـدك حيـاة .
كـل العمـر كنتـي ..و أنهـى العمـر هاللحيـن ..
أنتـي يـا أنتـي قـصـة عمـرهـا سنـيـن .
جيتـك لا تجـيـن يــا ذكـريـات السنـيـن ..
جيتك أشوف قصة الماضي علـى ذيـك الرفـوف .
وآه يا الظروف ..
لو عرفتي وش حوت ذيك الرفوف ..
ذيـك الرسايـل والصـور وعـذب الـحـروف .
كـل العمـر كنتـي و أنهـى العمـر هاللحيـن ..
أنتـي يـا أنتـي قـصـة عمـرهـا سنـيـن .

وطلبي للشاعر:


خالد الفيصل..

هلا والله وغلا ء ابو الوليد لارقي اللا بوجودك وشرواك وصح السانك
واشكر لك تفاعلك مع الموضوع اما بخصوص متعب منا معفينه من القصيده

تحياتي

 

 

 

 

[معلومات العضو متعب الصخابره]

اخوي نسل الاجاويد اسمحلي منتبهة لاطلبك بديت نفسي ههههههههه

بس نبهني اخوي الهاجري وهذا اطلبك

حياتي كلَّها صبـر وجـلاده

وغيري عايشٍ عيشة سعـاده


أنا الَّلي تايـهٍ بالغَّـي مغـرم

غريقٍ في هوى راعي القـلاده


يجيبنَّه حلـوم الَّليـل عنـدي

وأحط الخدِّ للغالـي وسـاده


ولى منَّي صحيت وقمت أراعي

ولنَّ الَّليل يفجعنـي سـواده


أقوله مخلصٍ من روح روحـي

حياتي كلَّها صبـر وجـلاده


أنا الَّلي تايـهٍ بالغَّـي مغـرم

غريقٍ في هوى راعي القـلاده




كلمات / محمد الأحمد السديري

 

 

 

 

[معلومات العضو متعب الصخابره]

هذا طلب اخوي الهاجري


لا واللِذي صوَّرك مالاق للعيـن

غيرك ولاسوَّى بي أحدٍ سواتـك


إنتَ الِّلذي زيَّنت ياغايـة الزَّيـن

حياتي الَّلي نورها مـن حياتـك


وإنتَ الِّلذي حطَّيت بالجوف رمحين

رمح العيون ورمح وردي شفاتك


أحب فيك الحب ياجامـع إثنيـن

الزَّين وطبوعٍ تكمِّـل حلاتـك


أحب هاك الجيد بيـن الجديليـن

وأحب ماتخفيه طرقـة غطاتـك


أحب فيك العطف والُّلطف والَّلين

وأحب فيك رضاك عقب زعلاتك


ياجارح المجروح لاتـودع البيـن

يقضي علَّي بغيبتـك وسفراتـك




كلمات/ خالد الفيصل


واطلبي قصيده للشاعر سعود بن بندر

 

 

 

 

[معلومات العضو ابوبدر المصارير]

قالـوا تحبه..قلـت ماهـو بالحـيـل=بس انه اغلى شوي من نـور عينـي
يسوى جميع الجيـل الاول وهالجيـل=أحبـابـي الماضـيـن والمقبليـنـي
شوقي له أعظم من ظما الأرض للسيل=وأشفق عليه أكثـر مـن أم الجنينـي
واحتاج له حاجة ثرى مصـر للنيـل=وعليه أغار ولو مـن مـا لوالدينـي
اشتـاق لـه شـوق المحبيـن لليـل=وارتاح له راحـة دمـوع الحزينـي
لا صار جنبي لو سنه وقتـي بخيـل=ولا غاب لو لحظات صارت سنينـي
قالوا يحبك.. قلت هـذا هـو الويـل=ما ودي أنشـد ثـم رفضـه يجينـي
وأهدم رجاي بدبرتي مثـل مـا قيـل=والأفضل أحيـا بالأمـل لـو لحينـي
يا حبكـم يـا نـاس للقـال وللقيـل=والأمر لو هو سهـل يصبـح مهينـي
خلوني أحيا في الوهـم يـا عواذيـل=وش دخلكـم والأمـر بينـه وبينـي

اطلب قصيده لشاعر المنتدى محمد بن سالم الخضراني

 

 

 

 

[معلومات العضو الهاج ـري]

هذي من القصايد لي عجبتني الصراحه للشاعر \ محمد بن سالم الخضراني

ليت تاج الزين يعطينـي الحـل الاكيـد=للخفوق اللي من اسباب صـده ماسلـم
اتوجد له وجود الغريـب اللـي بعيـد=وذرف ادموعي ونكس على بعده علـم
طول صبري وجد حالي على عنق الفريد=وبري حالي لا طرت لي مثل بري القلم
كنت اسلي خاطري فالبدايـه بالقصيـد=وليتني ماسقت رجلي على خـط الدلـم
كل ماراحت سنـه وبتـدا عـام جديـد=علموها اني اتحرى وجرحـي ماسلـم
لاعني بالصد لـوع الهبايـب للجريـد=وغرته دنياه وغـواه حلـم بـه حلـم
علموه ان الصداقـه اتشبـه بالحديـد=وان جرح العام ينزف وبالخافـق ألـم
وعلموه ان المفـارق ونيـات الشديـدت=جرح اقلوب المواليـف وتزيـد الالـم
مابقى للعبد غيـر العبـاده والرصيـد=وبشر الضالم بضلمه الـى منـه ضلـم

طلبي للشاعر\ فهد المساعد

 

 

 

 

[معلومات العضو برنسيسه الريــــاض]

جا يشوف الحال كيفه بعد ماهزه حنينه
وقبل يسألني سألته ؛كيف حالك يالحبيب

قال أنا كني غريب ضيع دروب المدينه
قلت أنا كني مدينه تنتظر رجعه غريب

قال اجل وشفيك تكره سيره الحب وسنينه
قلت أجل وشلون ماأكره سيرته دامك تغيب

انت لامن غبت حتى مرايتك صارت حزينه
كيف ماتبغااني أحزن وأنت لي حظ ونصيب

الهدايا والرسايل والمكاتيب الثمينه
والليالي والقمر والريح والكون الرحيب




طلبي للشاعر\\ محمد بن فطيس

 

 

 

 

[معلومات العضو العنووود]

اللي تركني وأنا في عـز غربالـي = بعد الشدايد وش اللـي ذكـره فينـي
يبغى زماني يعود ويرجـع الغالـي = وشلون يرجع بعد ماطاح من عينـي
لا الوقت وقته ولا له شي في بالـي = أنا نسيتـه مثـل ماكـان ناسينـي
أنا تمنيت نظـره منـه فـي حالـي = ياما تمنيـت صوتـه لـو ينادينـي
وأقول لأظلم علـي الليـل بلحالـي = الله يجيبـه يشتـت غربـة سنينـي
من كثر ماكان طيفـه دايـم اقبالـي = أحيان أحسه معي وتضمـه ايدينـي
ولامن تنبهت ليـن وجيـه عذالـي = كلٍ علـى ماطـرا بالـه يسمينـي
ليته تركني بعـد هـذا علـى فالـي = زي ماتركته بعـد قتلـه بساتينـي
من بعد ماصار جاء بلسانه الحالـي = يبغى يرجّـع زمـانٍ بينـه وبينـي
قولوا له إني ما أحبه كثـر ترحالـي = أو لا .. حرام يتضايق وإلا يبكيني؟؟
قولوا له إني أحبه .. بس من تالـي = إن راح وإلا رجع ماعـاد يعنينـي

 

 

 

 

[معلومات العضو العنووود]

الشاعر..سمو الامير بدر بن عبد المحسن..

 

 

 

 

[معلومات العضو شيهانه بكف صقار]

الله الله موضووووع جزززززززززل


وهذا طلب العنود

ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهدايا
الله أكبر ... كيف مالك مقـدريّه
وكل ما تحمله من هـمّي بقايا
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا


وابي اذا ماعليكم امر قصيدة" لراشد الخلاوي"

 

 

 

 

[معلومات العضو برنسيسه الريــــاض]

تأمرين أأمر ياشيهااانه


حريب جدك لو صفا ، ما يودك = وعينيه لو تبكي لك الدم .. كاذبه
وأحذر عدوك في الملا فرد مره = واحذر صديق السو ألف تحاط به
وترى ابرك ساعات الفتى ، ما بها الفتى = وما فات مات وساعة الغيب غايبه
وأغنم متى لاحت من العمر فرصه = وان هب نسناس ، فأذر في سوايبه
فلا بالتمني تبلغ النفس حظها = ولا بالتأني فاز بالصيد طالبه
اذا الحر قلّت حيلته ثم اصبحت = تصفق به الدنيا وقلّت مذاهبه
يبدل بداره دار عز ٍ يرومه = عنها ولا غبن به الروح ذايبه
ترى الدار ما يحصر عليها وليدها = و دار الفتى ما طاب فيها مكاسبه
وترى شور من لا يستشيرونه الملا = شمعة نهار في ضيا الشمس غايبه
وترى النصايح في البرايا فضايح = وكم ناصح تضحي له الناس عايبه
ولا عاب قوم قط ، الا حسودهم = ومن عاب شخص عاجز عن مراتبه



وطلبي للشاعر \\ ضيداان بن قضعاان

 

 

 

 

[معلومات العضو شيهانه بكف صقار]

بتغدا وبجي ارد عليس لاحد ياخذ مكاني