قصيد للشاعر محمد بن فطيس عن المقناص

[معلومات العضو ابو حسين الدوسري]

السلام عليكم
هذي يالربع قصيده للشاعر المعروف محمد بن فطيس المري
تتكلم عن حال الصقار بالقيظ وعن وناسته وقت المقانيص
وان المقناص يبعدك عن هموم الديره وعن مشاكل المجتمع من خسياير الاسهم واخبار الحروب والتفجيرات وغيرها
اترككم مع القصيده
يقول بن فطيس المري
الله على الربطـة يعيـن الصقاقيـر
اللـي تعـد الريـش وتعـد الأيــام
يقطّعـون اوقـا تـهـم بالتسايـيـر
وشوف المقانيص القديمـة بالأفـلام
تشوف راعي الطير عاف المظاهيـر
ومن شوفت القمرا وعدً لهـا صـام
قعد مابين أهـل البنـاء والنجاجيـر
وفي دورته ماهتم في فـرق الاقيـام
يبغي مقيظـه مايجـي فيـه تقصيـر
من خوف لوم اللي إلـى شافهـا لام
ويجيـب لطيـوره حليـب العصافيـر
إلـى تباطـى حذفـه لريشـة العـام
يويق صبح وظهر والعصر وعصيـر
ويظهر عشاها عقب ماجا من الـزام
يقسـم علفهـا بالتسـاوي بتقـديـر
وقدامهـا كنـي بـه يكسـر عظـام
كنه تزيـده لاتعـشـت دنانـيـر
والى أدرجت مايفتكر في هـل الشـام
تمسي وهو مامسى روابـع وتفكيـر
يرمي به الهاجس على جال الأحـلام
ويذكر مكـان داجـه العـام بالخيـر
ويطري علية أزين مقانيصـه أعـوام
وذيك الوناسه والقنـص والمشاويـر
وخوة رجال هـل مقانيـص وحشـام
الله جمعهـم كلهـم فــي سيـايـر
وقدامهـا فرقهـم ظـروف وأحكـام
على الوعد (ف)أول محطـة طوابيـر
وفي كل موتر عزبـة فـوق قسـام
فلان ينطر له رفيـقً علـى السيـر
وفلان خذ للربـع مـن كـل الأنعـام
وفلان عند البنشـري يركـب اسبيـر
وفـلان قدامـه يركـب لـه اسيـام
وفـلان عجـل ولايبـي زود تأخيـر
شغـل وراح وواعـد الربـع قــدام
فـي شفهـم ماحسبـوا للمخاسيـر
لـو زادت أصفـار مياسيـره أرقـام
في حلها (ف) الطيب ماهـو بتبذيـر
يراقبـون الله وأحـكـام الإســلام
وراعي القنص عمن يسب القنص غير
شف ذا إلى ذهّن وشف ذا إلـى نـام
يغط غطـة ذ يـب وان ذهّـن يطيـر
ويقوم عاد اللـي معـه مابعـد قـام
ويشب في اللي قبل يحتـاج تكسيـر
فـي ليلـة مافـاد فيهـا التلـطـام
وفيما تفـوح ادلال صفرٍ مباهيـر
خـذ ركعتيـن بالخـفـا لله قـيـام
والى قضـى ركـد دلالـه مساطيـر
وأذن ولا يحتـاج للـربـع قــوام
تمالـوا وركبـوا وراحـوا مداويـر
للـي يـروّع زولهـا كـل ضرغـام
برقا الجناح اللي إلـى قامـت تسيـر
أول مايطـري للـربـوع التشـيـام
تشاوروا وصلـوا لخيـر الاشاويـر
وهدوا غرام الشـارده عقـب لـزًام
هـدوا معيـدً عوقهـا عقـب تذييـر
أصله وحش مطروح في ديرة ألغـام
مغتـر ولا طبعـه بطبـع المغاتيـر
من يوم رب ووالـف الـدس ماحـام
مطلق عمد صافي وسيـع المناخيـر
كن دق صـدره دقـة شمـاغ بسـام
عود ويخالى به على الفرخ والجيـر
جسر وعلى المدخال في الجول عـزام
أعطاهم الصيده بعـد ماخـذ السيـر
وعلم فـروخ كـان تحتـاج عـلام
هدوا وصادوا والهـدف هـدة الطيـر
ماهمـهـم لـدهـام ولا لـعــزام
تبدلوا (ف)الـزرع شـوف النواويـر
وتبدلوا في الزحمـة فيـاض وخيـام
على لحم صيـد وحليـب المصاغيـر
تبدلـوا بالسيـر والقـيـد درهــام
وسجوا من همـوم البلـد والفواتيـر
وهموم الأسهم ذاك عارض وذا سـام
وتريحوا مـن قولـة(ن) صـار تفجيـر
ومن شوفة الفتنة ومن كذب الإعـلام
نشوف تفجيـرات ونشـوف تعزيـر
ولاجهلنـا ماحصـل بعـد صــدام
لكن شوف وحـر جـوف ومقاديـر
وش الجهد غير الدعـاء والتهشـام
الزبـدة ان البرمـن غيـرة اخـيـر
لاصار مع ربـع صقاقيـر وحشـام
وبعض الرجال اللي يلـوم الصقاقيـر
ماهـو يعـد الريـش ويعـد الأيـام
تـراه مربـوطً مثـل ربطـة الطيـر
ويقصر جريره حـده البيـت والـزام
::.::الشاعر::.::
محمد بن حمد بن فطيس المري

 

 

 

 

[معلومات العضو محمد بن حمد الشكرة]

لاهنت على نقل القصيدة الجزلة لشاعر المليون/محمد بن فطيس المري ولاعدمناك ياالقرم

 

 

 

 

[معلومات العضو ابو حسين الدوسري]

شاكر لك مرورك الكريم لك تحياتي

 

 

 

 

[معلومات العضو محمد.الودعاني]

لاهنت على القصيده وصح الله لساانك ولساان الشاااعر محمدبن فطيس المري والله يعطيك العاافيه على النقل الجميل والراائع. محمد الخماااسين

 

 

 

 

[معلومات العضو ابو حسين الدوسري]

[quote=محمد.الخماسين;538897]

لاهنت على القصيده وصح الله لساانك ولساان الشاااعر محمدبن فطيس المري والله يعطيك العاافيه على النقل الجميل والراائع. محمد الخماااسين

[/quote
الله يعفيك والله يمحمد وشاكر لك مرورك العطر
لك تحياتي وتقديري

 

 

 

 

[معلومات العضو شيهانه بكف صقار]

بيض الله وجهك اخوي على ايراد ها الرائعة ل بن فطيس المري

 

 

 

 

[معلومات العضو ناصر بن فهد]

صح لسان الشاعر وصح لسانك


ولاهنت على نقل القصيده

 

 

 

 

[معلومات العضو عبدالله الحافر الغييثي]

صح لسان الشاعر المبدع ابن فطيس ولاهنت ياذيبان

 

 

 

 

[معلومات العضو ابو حسين الدوسري]

المشاركة الأصلية كتبت بواسطة شيهانه بكف صقار

بيض الله وجهك اخوي على ايراد ها الرائعة ل بن فطيس المري

ووجهك ابيض يشيهانه شاكر مرورك العطر

تقبلي تحياتي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ناصر الفصام

صح لسان الشاعر وصح لسانك


ولاهنت على نقل القصيده

ور
والسانك ياناصر شاكر لك مرورك الكريم
تقبل تحياتي وتقديري

 

 

 

 

[معلومات العضو ابو حسين الدوسري]

المشاركة الأصلية كتبت بواسطة خميس مطر الغييثي

الله يعز شانك يبو مطر شاكر لك مرورك الضاوي
تقبل تحياتي وتقديري

 

 

 

 

[معلومات العضو بطل]

لاهان قايلها اوناقلها

 

 

 

 

[معلومات العضو ابو حسين الدوسري]

لاهنت والله يالبطل شاكر لك مرورك
تحياتي

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو ابو حسين الدوسري]

الله يعطيك االعافيه شاكر لك مرورك
تحياتي