من عقب مـر الليالـي والدهـور الجافيـه‏

**معلومات** **العضو** · 02-12-2009, 12:05 PM

من عقب مـر الليالـي والدهـور الجافيـه
ضمني واحضن فـوادي بالكفـوف الدافيـه

واسقني الشهد المصفى من مناحـل ريقـك
ولارويت اضحك وقلي جعل فيـه العافيـه

لاتخلينـي مصـوب فالحشـا مـن بُعـدك
قد صبرنا والليالـي اللـي صبرنـا كافيـه

ومتع فوادي بوصلـك ...واستلـذ بوصلـي
وبكتبك احـلا القصايـد بحرهـا والقافيـه

والـعـواذل لاتخايلها...وخـلـك يـمـي
واقطع لسـان النميمـه والضنـون الهافيـه

ناس تنقل حكيهـا مـن بيـن خـل وخلـه
اعلم انها لاحكـت لـك بالحكـي مستافيـه

غييضهم ,, واحضن فوادي ياحشاشة جوفي
وقلهم روحي وروحك في بعـض متشافيـه

واحزم ضلوعي على صدرك...ألين تقرطب
واظهر هموم الليالـي والجـروح الخافيـه

وعوض الخافق عن غيابك وطولة صبـري
وخلني باذوب في بحـر العيـون الصافيـه

واعلم ان قلبي حلالك ما يـروووح لغيـرك
ونفسي لعشقك ولو طـال انتظـاري وافيـه

وادري ان قلبك يبيني بـس عقلـك رافـض
يتبـع افكـارٍ كثيـره بالـهـوى متنافـيـه

فلا تطاوع عقلـك وخلـك مـع احساسـك
وعقبها بتشوف روحـك بالوصـل متعافيـه

والا انا ....ياطي حالي ان كان ماضميتـك
وذبت مابين المناكـب والجعـود الضافيـه

واستبحت امـن الليالـي لحضتيـن لقلبـي
اغتنمهـا والليـالـي بالـفـرح متقافـيـه

ولي طلب واحد قبل ما ارحل وابـي تنفيـذه
من قبل يرجـع زمانـي للدهـور الجافيـه

ضمني...واحضن فوادي...واسقني من ريقك
ولا رويت اضحك وقلي جعل فيـه العافيـه

مما راق لي

/
\
/

**معلومات** **العضو** · 02-12-2009, 12:25 PM

صح للساااانك على نقل ولاختيار الراااااائع

**معلومات** **العضو** · 02-12-2009, 12:54 PM

صح الله بدنك اخوووي

شرفني مروورك

/
\
/

**معلومات** **العضو** · 02-12-2009, 01:07 PM

صح لسانس وصح لسان قايلهـــآ ولا هنتي على النقل الراائع

*

*

آحتــرامي

**معلومات** **العضو** · 02-12-2009, 03:53 PM

واحزم ضلوعي على صدرك...ألين تقرطب
واظهر هموم الليالـي والجـروح الخافيـه

وعوض الخافق عن غيابك وطولة صبـري
وخلني باذوب في بحـر العيـون الصافيـه

واعلم ان قلبي حلالك ما يـروووح لغيـرك
ونفسي لعشقك ولو طـال انتظـاري وافيـه

صح الله السانس والسان شاعرها

لاهنتي على الطرح المميز

**معلومات** **العضو** · 02-12-2009, 04:19 PM

أبياات روعه ومعبره

لاهنـــــــــــــتي ع النقل

شيهانه

ولي طلب واحد قبل ما ارحل وابـي تنفيـذه
من قبل يرجـع زمانـي للدهـور الجافيـه

من هو شاعرها ؟؟؟

**معلومات** **العضو** · 03-12-2009, 08:49 AM

لاهنتم جميع ع المرور العذب

وصحت ابدااانكم

برنسيسة والله مدري لبا روحك عندي اياها بالجوال
اذا مالقيتي شاعرها انسبيها لك هههه عادي مصرحه لك مابه خلاف

بس مهب بذمتي كيفك ههه

**معلومات** **العضو** · 03-12-2009, 09:08 AM

[RIGHT]

تسلمين \ بس خساره كنت بأكتبها بقسم ابداع شعرااء المنتدى

وبحثت طلع شاعرها فهد دلباااح <

<<<<< سارقها مني

[/RIGHT

]

**معلومات** **العضو** · 03-12-2009, 09:10 AM

ههههههههه اي صح

بس وش تسوين استري عليه

**معلومات** **العضو** · 03-12-2009, 10:56 PM

يعطيك العافيه على القصيده الرائعه ولاهنتِ

**معلومات** **العضو** · 04-12-2009, 03:31 AM

صخ الله لساانك ولساان قااايله ولاهت على النقل الموفق

تقبلي مروري

محمد الخمااسين

**معلومات** **العضو** · 05-12-2009, 09:56 AM

صحت ابدانكم جميييع

ولاهنتم ع المرووور الضاااوي

**معلومات** **العضو** · 05-12-2009, 10:05 AM

أختي الغالية / شيهانة بكف صقار

راقت لذائقتي هذه الرائعة
لك مني كل الشكر والتقدير على نقل مثل هذه الرائعة والتي تدل على حسن ذائقة ناقلها كل ما استطيع أن أقوله

صح لسان شاعرها وسلمت أنامل ناقلها

أخوك / درعان بن عبدالله بن عريعر بن درعان

**معلومات** **العضو** · 05-12-2009, 12:47 PM

اخي الفاضل البطل درعاااان الدوعاني

شرررفني حضووورك وشهادتك اعتز فيها

لاهنت ع المروور الضاوووي واسعدك الله في الدارييييييين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية