((( عند الموادع دمـع عينـي غلبنـي )))

[معلومات العضو عبدالرحمن الشرافي]

السلام عليكم ورحمة الله وبركاته ,,,



كلمات : الأمير / خالد الفيصل كتبها للأمير سلطان بن عبد العزيز عند ما ذهب الأمير

سلطان للعلاج,




عند الموادع دمـع عينـي غلبنـي **** وطاحت بي الدمعة على كف سلطان

أحب يمني عمـي اللـي حشمنـي ****ومن لامني في حب سلطان غلطان

شيخٍ بالأخـلاق الكريمـة ملكنـي ****بالمرجلة فارس وبالرحمة إنسـان

من يزرع المعـروف لابـد يجنـي *****ومن يفعل الإحسان يجزي بالإحسان

واللي يريـد المجـد لابـد يبنـي *****في قلوب وعقول المخاليق بنيـان

أفاخر بعمي على النـاس واثنـي *****يستاهل البيضـه سلايـل كحيـلان

لـه موقـفٍ عنـد المـلات يثنـي ***** سلطان موقف والتجاريـب برهـان

إلي انتهض يكفي وإلي مـد يغنـي *****إلـي تكلـم كـل شـئ معـه لان

إللي وعد يوفي وإللي قـال يعنـي ****وإللي ارتكى للحمل شالـه بليهـان

بالطيب جاوز كـل هقـوه وظنـي *****الله يوفقـه السعـد ويـن ماكـان




وسلامتكم ,,,





تحياتي ,,,,







** الشرافي **

 

 

 

 

[معلومات العضو سعد المقابله]

صح الله لسان الشاعر

ويستاهل ابوخالد اكثر من القصيد الي يقال فيه

الله لايهينك ويعطيك الف عافيه

 

 

 

 

[معلومات العضو ابن هديهد]

الشرافي

الله يصح السانك والسان الاْمير خالد الفيصل

والك تحياتي

 

 

 

 

[معلومات العضو عبدالرحمن الشرافي]

أخواني / سعد المقابله , أبن هدهيد


بيض الله وجيهكم ولاهنتوا على المرور,,




تحياتي,,,




** الشرافي **

 

 

 

 

[معلومات العضو ثامر البدراني]

صح لسانك ولا هنت

ابيات جميله واختيار رائع

لا تحرمنا من جميل اختيارك

لك مني اطيب تحيه

 

 

 

 

[معلومات العضو عبدالرحمن الشرافي]

لاهنت أخوي ثامر على المرور ,,,



وأبشر بالخير,,




** الشرافي **