بعض البشر لامن حشمته طمع فيك

[معلومات العضو براك السديري]

بعض البشر لامن حشمته طمع فيك=
وبعض البشر لامن جفيته يودك=
وبعض البشر يتعب على شان يرضيك=
وأغلى من اخوانه بقلبه يعــــدك=
ويا صاحبي هالحين بانت خوافيـــك=
علقـــتني مابين مزحـــــــك وجدك=
وش جاك مني ياعشيري وانا اخيك=
قبل امس انا صاحبك واليوم ندك=
لاضاق صدري من عنا وقتنا اجيك=
واشوف دمعات الغلا فوق خـــدك=
والحين تظلمني وانا منك وفيــك=
بكل إحترام اقول يا خوي حــــــدك=
ثمن كلامك يا عسى الله يهديك=
لاصار ماي الوجه يعجز يـــــــردك=
ثوب الردى ياصاحبي مايقديك=
الثوب لا ثوبك ولا القــــــــد قــــدك=
انا اول انسان اذا ضقت بجيك=
حتى ولا اذكر يوم وقــفت ضــــدك=
ماتذكر اني بالوفا كنت اجازيك=
وانته تجازيني بظلمك وصــــــــدك=
لكن خلاص اليوم والله مابيك=
النفس طابت ســــو ماهــــو بــودك=
الطعنه اللي من ورى الظهرتنهيك=
وشلون لاجاتــك من اللي يـــــودك=
لا واهني يوم انا اموت بيديك=
ذابح وتبكــــــــــي من ذبحته بيــدك=

 

 

 

 

[معلومات العضو هامه طويق]

الطعنه اللي مـن ورى الظهرتنهيـك
وشلون لاجاتـك مـن اللـي يـودك

صح الله لسانك وبيض الله وجهك على الجزله

 

 

 

 

[معلومات العضو عبدالله الحافر الغييثي]

براك الله يبارك فيك وصح لسانك واعتلى شانك وجعلك تسلم

 

 

 

 

[معلومات العضو دغش محمد الصخابرة]

براك اخوي الله يبارك فيك
وصح لسانك ,,,ولاهنت على القصيده


ودمتم بحفظ الرحمن......

 

 

 

 

[معلومات العضو محمد الرجبااااني]

صح الله لسانك ...... ولا هنت على القصيده


بيض لله وجهك

 

 

 

 

[معلومات العضو الشقرديه]

الطعنه اللي مـن ورى الظهرتنهيـك
وشلون لاجاتـك مـن اللـي يـودك

صح الله لسانك وبيض الله وجهك على الجزله

 

 

 

 

[معلومات العضو براك السديري]

تسلمون اخواني على المرور الكريم

 

 

 

 

[معلومات العضو يحيى الودعاني]

صــــــــــــــح لسانك وعتلا شانك

لا فظ فوك

 

 

 

 

[معلومات العضو عاااالي الشاااان]

صح السانك
ولا هنت اخوي براك

 

 

 

 

[معلومات العضو محمد بن سالم الخضراني]

صح لسانك ولاهنت

 

 

 

 

[معلومات العضو براك السديري]

تسلمون اشكركم لى مروركم الكريم