قصيدة خالدة......؟؟

[معلومات العضو ابوعبدالله الخييلي]

بسم الله الرحمن الرحيم

هذه قصيده للامير الشاعر محمد احمد السديري (رحمه الله)

يقول من عدى على راس عالي = رجم طويل يدهله كل قرناس
في راس مرجوم عسير المنالي = تلعب به الارياح من كل نسناس
في مهمه قفر من الناس خالي = يشتاق له من حس بالقلب هوجاس
قعدت في راسه وحيد لحالي = كني براس الرمث ملهب وحراس
متذكر في مرقبي وش جرالي = وصفقت بالكفين ياسن على ياس
واخذت اعد ايامها والليلالي = دنيا تقلب ما عرفنا لها قياس
كم فرقت ما بين غالي وغالي = لو شفت منها ربح ترجع للافلاس
يقطع دنيا مالها اول وتالي = لو ضحكت للغبن تقرع بالاجراس
المستريح الي من العقل خالي = ماهوب بلجات الهواجيس غطاس
ماهوب بمثلي مشكلاته جلالي = وازريت اسجلهن بحبر وقرطاس
حملي ثقيل وشاليه باحتمالي = واصبر على مر الليلالي والاتعاس
وارسي كما ترسي رواس الجبالي = ولا يشتكي ضلع عليه القدم داس
ولا خاب ضني بالرفيق الموالي = مالي مشاريه على نايد الناس
ولعل قصر ما يجيله ضلالي = ينهد من عالي مبانيه للساس
والبوم من تالي الهدامه يلالي = جزاك يا قصر الخنا وكر الادناس
لا صار ماهو مدهل للرجالي = وملجا لمنهو يشكي الضيم والياس
بحسناك يامنشي حقوق الخيالي = يخالق اجناس ومفني اجناس
متى تربع دارنا والمفالي = وتخضر فياضي هقب ماهيب بيباس
وتشوف فيها الديدحان متوالي = مثل الرعاف بخصر مدقوق الالعاس
وينثر على البيدا سوات الزوالي = يشرق حماره شرقت الصبغ بالكاس

 

 

 

 

[معلومات العضو أبونواف الدوسري]

عسى الله يغفر له ويسكنه فسيح جنانه

لا هنت على النقل

 

 

 

 

[معلومات العضو خيالية]

الله يرحمه ويسكنه فسيح جناته ،، يعطيك العااافيه على نقلك لهااا ..

 

 

 

 

[معلومات العضو عبدالله الحافر الغييثي]

الخييلي لاهنت غلى نقل القصيده والله يرحمه ويغفر له

 

 

 

 

[معلومات العضو محمد بن سالم الخضراني]

لله يرحم الامير السديري ولله لايهينك يالخييلي ع النقل

 

 

 

 

[معلومات العضو ابوعبدالله الخييلي]

الله يجزاك خير يابو نواف واشكرك على المرور الطيب....

 

 

 

 

[معلومات العضو ابوعبدالله الخييلي]

الله يعافيك واشكرك يا خيالية على المرور الجميل....

 

 

 

 

[معلومات العضو ابوعبدالله الخييلي]

ولا انت يابو مطر ومشكور على المرور الطيب..

 

 

 

 

[معلومات العضو ابوعبدالله الخييلي]

ولا انت يابوسالم واشكر على المرور...