قصيدة للشاعر: بندر بن سرور العتيبي

**معلومات** **العضو** · 30-05-2009, 11:08 PM

يالله يـا جـال الامـور المهمـة=تجلا وهج قلب ٍ برا حال راعيـة
البر دجته والبحـر رحـت يمـه=يقطعك يا حظ ٍ تـردت مساعيـه
يوم أن ولد اللاش رزقه على أمه=رزقي على اللي ميت القشع يحييه
يامل قلب ٍ كـل مـا مـات همـه=دارت دواليب الدهر ليـن تحييـه
فراق شمل النـاس عيّـا يلمـه=وقت يشيب الراس من شاية ٍ فيه
أحد ينـام وحـط راسـه بكمـة=واحد تخم النوم عينـه وتخطيـه
واحد يحاول بالردى بنـت عمـه=واحد يحاول ستر عذرا عوانيـة
ماني وانـا بنـدر ببيـاع دمـه=يقطعك يا بيـاع دمـه ومهفيـه
اللـي يبيّـع لا بسـات الازمـه=ثور ٍ يبا بيض الرعابيـب تغنيـه
يزعل لياجت ليلـة الـدور يمـه=يرضى بسوق المال فخوه و ابيه
خطو البخيل اللـي يكبـر معمـه=يقرأ الكتاب وواجـب الله يخليـه
إما هرج لك فـي رفيقـه بنمـه=والا عطا وامه تضيـع هقاويـه
أنشدك ياللي كـل فـرض تتمـه=تقرا الكتاب وكل فـرض تصليـه
ويش القليب اللي غميـق مجمـه=ما فاد غرسه ماه عطشى سوانيه
تخالـف الانظـار شـرق ويمـه=وكل هدف رآيه من الناس مرضيه
سم السبب يا عارف ٍ عنه سمـه=سم السبب يا عارفه قبل اسميـه

بندر بن سرور

رحمه الله

**معلومات** **العضو** · 31-05-2009, 01:00 AM

قصيدة رائعه ,,,,,,,والله يرحم الشاعر بندر العتيبي,,,,,,,ولاهنت ابو عبدالله على الطرح....

**معلومات** **العضو** · 31-05-2009, 11:50 PM

ولا انت يابومحمد واشكرك على المرور الطيب....

**معلومات** **العضو** · 07-06-2009, 05:00 AM

يوم أن ولد اللاش رزقه على أمه= رزقي على اللي ميت القشع يحييه

صح لسانك يابو عبدالله

وقصيده رائعه وجزله لشاعر كبير رحمه الله

**معلومات** **العضو** · 07-06-2009, 12:16 PM

ابوعبدالله
بيض الله وجهك ياكحيلان على هذه الجوهرة
وانا احب هذه القصيده لما فيها من الحكم

لاهنت وجعل من جابك في الجنه

**معلومات** **العضو** · 07-06-2009, 01:58 PM

صـــح لســاااان الشــااااعر ، ويعطيـك العـااافيه على النقـل ..

**معلومات** **العضو** · 08-06-2009, 12:18 AM

صح بدنك يابوفهاد واشكرك على المرور...

**معلومات** **العضو** · 08-06-2009, 12:19 AM

ووجهك ابيض يابو مطر وشاكرلك المرور ....

**معلومات** **العضو** · 08-06-2009, 12:20 AM

صح بدنك ياخيالية....ةمشكورة على المرور...

**معلومات** **العضو** · 08-06-2009, 11:44 AM

صح بدنك يابوعبدلله الخييلي ولله يرحم بندر بن سرور ويعفو عنه

لاهنت ع النقل

**معلومات** **العضو** · 08-06-2009, 03:13 PM

ولا نت يابو سالم واشكرلك المرور الطيب....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية