دوسري مانيب مجهول الهوية ،،، الشاعر شلعان الودعاني

[معلومات العضو ابو طارد]

قصيدة ولا كل القصائد ،، وتعتبر من أجمل القصائد
إهداء إلى المنتدى الغالي

طاب كيفي وستوى الطاروق ليه=والنفوس العاليه تلحق مناها
مانعلمها على طرد الرديه=والطويلة معتلينً في حجاها
زايدي مانيب مجهول الهويه=من وداعينٍ تعدي عن حماها
نكسب الناموس ونحل القضيه=بالسيوف اللي علفها من عداها
رافعينٍ روسنا في كل هيه=محتمنٍ حدودنا محدنٍ وطاها
والسلوم الطيبه لزايديه=فرحة جريس اليماني مانساها
يوم زبناه بعزومٍ قويه=لابتن شجعان ويذري ذراها
ومن سوالفنا وسيم العامريه=يوم صاحت صيحةٍ يصرخ نداها
هزت الوادي وهزتنا الحميه=عقب فجعتها عطيناها ولانبغي جزاها
وأذكر أبن مطرفٍ راعي الجنيه=يوم عدته القبايل من حماها
جاء وحطيناه بحصونٍ ذريه=يستريح أبها الزبين الى نصاها
خايفٍ من ضربات أدوميه=الشريف وضربته محدٍ قواها
بيرقه يطرخ وساقته المنيه=رايته صبيان زايد كسراها
كن طرق الخيل حالوب أبرديه=لقبلت هذي وهاذيك تحداها
لين ضاقت بالشريف الجندليه=وحولوبه من ظهرها وقلعاها
والفخر قوز الشريف أصبح سميه=تربةٍ صبيان زايد رسماها
ومن سوالفنا الى جاو دخليه=شرعنا وسلومنا ناسم عصاها
ممنين الجار ونسوق الوصيه=سجلت بجدارنا كلٍ قراها
والخوي ناخذ بثاره من خويه=لامشاله سنةٍ محدٍ مشاها
نجزره بسوق بنفوسٍ رضيه=ذبحتك يالجنبي خذنا قضاها
وسلمنا ساقت ديته الزايديه=ذابحينٍ فيه وديته أدفعاها
تم قولي والصلاة على نبيه=عد ماذعذع الغربي من هواها

الشاعر شلعان الودعاني ،، الله يرحمه

 

 

 

 

[معلومات العضو الواضح]

من طول الغيبات جاب الغنايم



اررررحب يابو طارد




فعلا قصيدة تستحق الوقوف عندها



ورحم الله قائلها

 

 

 

 

[معلومات العضو محمد النتيفي]

لا هنت على النقل الجميل

 

 

 

 

[معلومات العضو ابو طارد]

الله سلم وطول عمر "الواضح" ،،،

ولك مني جزيل الشكر والاحترام ،،،