يحذف على سحم الضواري عشاها

[معلومات العضو ابن حنزاب]

تقبلوا تحيات مبارك بن ناصر ال حنزاب صاحب الردية التي جرت بينه وبين الشاعر حسين بن ضيف الله الدوسري مبدها ابعث مكاتيبي لروس الرياجيل ---- هل المعرفة والسلوم القديمة, يشرفني مشاركتي في هذا المنتدى الاكثر من رائع واهديكم هذه الابيات



حياتنا فيها التعب والمصاعيب
الرابح اللي سالم ٍ من غثاها

فيها ردي ٍما يعرف المواجيب
وفيها رخوم ٍ ما يذري ذراها

وفيها كلاب المجزرة والمغاريب
وفيها الجعر اللي تسحّب اجواها

وفيها عفون ٍ يلحقون المشاهيب
ما همهم غير يتكدر صفاها

وفيها اللي لا دارت عليك الدواليب
يثبت وجوده والظروف احتواها

وفيها اللي لاصكت عليك المغاليب
يشفي غليلك من عدو ٍ بلاها

وفيها فلان مجرب ٍ كنه الذيب
يحذف على سحم الضواري عشاها

أليا عوى ردت ضلوع ٍ محاديب
لجت مع الغيران قوة صداها

يضوي ولو زادت حروس المعازيب
يضوي هجاد ويتخير غلاها

اخذ الوصاه من واحد ٍ له تجاريب
وصّيته ما هو يدور وراها

لوتجتمع لك البشر تنوي الطيب
ما ينفعونك والولي ما هداها

ولو تجتمع لك تنوي الخبث والعيب
فلا تضرك والولي ما بغاها

عند الله المعبود كل المطاليب
هو الكريم اللي بخيره كساها

عن واجب الله لاتوخره وتغيب
أحسن صلاتك فالفروض وضحاها

 

 

 

 

[معلومات العضو العماني]

صح الله لسان الشاعر مبارك بن ناصر ال حنزاب على القصيدة الجزله من راس جزل

وبيض الله وجهك يابن جنزاب على ايراد القصيدة الجزله والاختيار الرائع

وسجل اعجابي بمواضيعك

تقبل تحياتي،،

 

 

 

 

[معلومات العضو فارس الدواسر]

صح لسانك

 

 

 

 

[معلومات العضو ابن حنزاب]

مشكور يا هايف ولاهنت والله يوفقك ان شاء الله

 

 

 

 

[معلومات العضو ابن حنزاب]

صح بدنك يا فارس الدواسر

 

 

 

 

[معلومات العضو متعب الخييلي]

يعطيك العافيه يا ابن حنزاب علا ها النقل وصح السان الشاعر مبارك ابن ناصر جزل ما فيه حيله

 

 

 

 

[معلومات العضو ابن حنزاب]

مشكور يا خوي متعب وصح بدنك كرر لك الشكر الجزيل لك ولربعك الخييلات الكرام