قصةممتازة/ الشايب والبنت

[معلومات العضو فهد الدواسر]

قـــصـــة الشــــايـــب والبـــنـــت






بدايه



القصه عن شايب اسمه حمدان وهواوي ( قلبه خضر :ما يشوف بنت الا ينفتن... ومشهور بانه حبّيّب



وكان فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي

واشوف ردة فعله كيف تكون .



راحت له وسلمت عليه كيف حالك يا شايب رد السلام والله بخير الله يعافيس

وفجأه عطته ظهرها ومشت ولا استإذان ولا شي .....

ولع الشايب من حركتها ...

ثم قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه ...

يقول الشايب :


يا بنت اخذي خاطري وارحميني *** لا تجرحين العود بعيونك السـود

غضي نظرك وغطي الوجنتينـي *** لعل يومٍ جدد الجـرح مـا يعـود

يوم انتهى مع مرمسات السنينـي *** جتني صواديفه على غير مقصود

باول شهر عشره نهـار الثنينـي *** حمدان مروا به على جنازة حمود



البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره

وعلى باله ما خذ راحته في التغزل .

ردت عليه وهزأته

تقول البنت


يا شايب الرحمن وينك وويني *** عزي لحالك قدمك الباب مسـدود

قلبك عطوف وجاه قلبٍ متيني *** والبنت ما تشفق على مغازل العود

حبل الرجا مقطوع بينك وبيني *** مثل الغليث اللي رعا قلبه الـدود

اقفى شبابك والعرب مقبلينـي *** يا عود ما يرجع من العمر مفقود



حطمت حمدان يوم قالت له انك عود وان الشباب ما يرجع وان ما فيه امل تعطيه وجه ..

حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

يا بنت صدي بالعيون الظليله *** لا صد عنـك الله نهـار القيامـه

مالي ومالك يالفروع الطويله *** لو فيك من رسم البـداوه علامـه

يابنت ما لي بالثمانيـن حيلـه *** اهدف كما تهدف على البير قامـه

اقفى شبابي والدهر شفت ميله *** يالله حسـن الخاتمـه والسلامـه

اعطيك موجز والبضاعه قليله *** واخذت لك من صافي الماء سنامه

بعد فتره مرته مره ثانيه ورمت عليه السلام واستفزته وراحت وخلته وولع الشايب..

وقال ليه ما ابين لها في كم بيت انها بتشيب مثلي واني رجال طيب وان الناس تنصاني

ومعروف بالكرم واني ما ابي منها غير التحيه والترحيب ...


يقول حمدان


يا بنت ما جاس الكبر والخشونه *** وعادت شباب اليوم يجفل من الشيب

ياسرع ما وبلك تمزع مزونـه *** يالفاتنـه يـا ام الثمـان الرعابيـب

يا بنت ما بيني وبينـك مهونـه *** كلمة شرف نبي تحيـه وترحيـب

الله مـن عـودٍ ثقيلـه طنونـه **** ينصاه راع المشكلـه والمواجيـب

على الكرم والدين نفسه حنونه *** تلقاه بالاجـواد شـرق وتغاريـب



جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه

وقالت مثل ما جيتي بابياته ترجعين بأبياتي ...

العجوز مسكينه قالت طلعيني ولا ابي منكم شي الله لا يعودكم انتم واوراقكم


ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف


تقول البنت

العود عود وطايحـاتٍ سنونـه *** من كثر ما يرقد على جرة الذيب

عودٍ مهرقل والعرب ما يبونـه *** ياعود ما لك في طويل المراقيب

اقفى شباب العود راحت حتونه *** مثل اليتيم اللي بكا ما له مجيـب

جداه ينثر دمعة ٍ مـن عيونـه *** غريق موجٍ ما لقا له مقاضيـب

فعلا الشايب قلبه أخضر

 

 

 

 

[معلومات العضو أبن فرجان]

يعطيك العافية على هذة القصة والأبيات يافهد الدواسر

 

 

 

 

[معلومات العضو فهد الدواسر]

المشاركة الأصلية كتبت بواسطة أبن فرجان

يعطيك العافية على هذة القصة والأبيات يافهد الدواسر

الله يعافيك ومشكوور على مروورك

 

 

 

 

[معلومات العضو ابو فهد الغييثي]

يعطيك العافيه على القصه والقصيده

ولاهنت على كل حال

تحيااااااااااتي

 

 

 

 

[معلومات العضو فهد الدواسر]

ولا انت ومشكور على المرور

 

 

 

 

[معلومات العضو ناصر بن فهد]

آلله يعطيك الف عآفيه يا فهد على القصه الرآئعه


وآنا اشهد أن الشآيب قلبه خضر

 

 

 

 

[معلومات العضو معجب الناهشي]

شكرا على النقل اخوي فهد

 

 

 

 

[معلومات العضو متعب الشكري]

يعطيك العافيه على القصه والقصيده

ولاهنت على كل حال

تحيااااااااااتي

 

 

 

 

[معلومات العضو ابوعبدالله الخييلي]

يعطيك العافية يا فهد على هالقصة الجميلة والمميزة.....

 

 

 

 

[معلومات العضو حماد الدوسري]

قصة وقعيه وقصيده جميله من اطرفين :

أشكر خوي فهد جزيل شكر على طرح هاذا:

الموضوع ورجو تقبلون من هاذي البيات في الشيب:

للشاعر : حماد الد و سرى

يقول من يسهركما يسهر الذيب *** ويجيب من زين البيوت الحكيـــــــمة
يحكم عليها قبل حكم المعازيب *** ويقدم الأبيات مثل الو ليـــــمه
أما يقال أحسنت يا فاعل الطيب *** ولا يقال لأعادها من عزيـــــــــمة
ترى الشعر للمستمع بعضه أمصيب *** وبعض الشعر مثل الفياض الوخيمة
مثل الهوى راعيه ما يبغي الشيب *** مايدري أن الشيب قد روحشيمه
الشيب يرفع صاحبه في المواجيب *** ويحطله عند المعازيب قيـــــمه
الشيب كم تعب أطروش ومناديب *** في حزتاً تخفى لوجيه الكيمه

 

 

 

 

[معلومات العضو ابومبخوت الدوسري]

يعطيك العافيه يافهد الدواسر على هذه القصة الجميلة لاهنت تحيـــاتي وتقديـــري

 

 

 

 

[معلومات العضو دغش محمد الصخابرة]

يعطيك العافيه يافهد على هذه القصة الجميلة لاهنت

تحيـــاتي وتقديـــري

 

 

 

 

[معلومات العضو ابو عمر الشمري]

لاهنت يا فهد

 

 

 

 

[معلومات العضو فهد الدواسر]

الاخ ابو عمر مشكور على المرور

 

 

 

 

[معلومات العضو قلب القلطه]

يعطيك العافيه يافهد وقصه رائعه اتمني لك التوفيق