الموعضه والحكمه للشاعر حمود بن فهد بن ضاوي المساهره المخاريم

[معلومات العضو شافي القويسي المخاريم]

يقول في الحكمه:

ليا طرقت الباب و الباب مصكوك=حاول بكل الطرق حتى تفكه
و لا تقول الحض عاثر و مبروك=ربك هو القادر بفكه و صكه
و إن ما عطاك الله ترى الناس ما عطوك=الله هو الرازق و لافيه شكه
و لا تشتغل بالناس تاجر و صعلوك=جنّب عن الجاهل و من فيه دكه
و اصبر على الجيران لو انهم آذوك=جار البلد معروف ما منه فكه
قال المثل و العالم اللي به انبوك=قصير بر و لا قصير البلكه
بينك و بينه خلّوا الزاد مشروك=الباب دون الجار بالك تلكه
وصل القرايب يلزمك لو ما جوك=ذا واجبٍ يلزم مثل حج مكه
و عز الثنين اللي من الصغر ربوك=و صل الفروض الخمس و المال زكه

يقول في الموعضه

يالعبد كان انك عن الدين صديت=و الله ما تلقى الوفق و السعاده
مهما جمعت من الملايين و ابليت=ترى حياتك كلها في نكاده
متشتتٍ فكرك ورا المال تشتيت=و رزقك يجي من غير نقص و زياده
خلك بذكر الله ليا اصبحت و امسيت=و اذكر صباح الموت و لاّ هجاده
و اذكر ليا منك على اللوح شليت=ما ينفعك يا كود حسن العباده
و اذكر ليا من داخل القبر حطيت=و يمناك حطت تحت خدك و ساده
و اذكر ليا من داخل القبر خليت=و منكر ليا جاك و يش الإفاده
لا نافعك حيٍ ولا نافعك ميت=واللي زرع لابد يجني حصاده
و اخلاف ذا ياللي لك اسجد و صليت=عبدك تقبل دعوته و اجتهاده
يا رب تغفر زلتي كان زليت=طالبك حسن الخاتمه و الشهاده

الشاعر حمود بن فهد بن ضاوي المساهره المخاريم الدوسري

((من قصص و أشعار و سامة عصا الجار)) المؤلف الشاعر محمد بن باني المخاريم

 

 

 

 

[معلومات العضو محمد مبارك]

قصائد من ذهب

صح لسان الشاعر حمود المخاريم

و جهد تشكر عليه اخوي شافي

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة محمد مبارك

قصائد من ذهب

صح لسان الشاعر حمود المخاريم

و جهد تشكر عليه اخوي شافي

يعطيك العافيه على المرور

 

 

 

 

[معلومات العضو محمد الولامين]

صح لسان الشاعر / حمود بن فهد بن ضاوي المساهره المخاريم الدوسري



عز الله انه جزل صح لسانه مليار ولا هان على ماقدم


ولا هنت يابومبارك على مانقلت

وبيض الله وجهك

ولا هان بن باني على الكتاب

 

 

 

 

[معلومات العضو من الاد المنيعي]

صح لسانه نصائح من ذهب صحيح
الله يعطيك العافيه يا شافي

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة محمد الولامين

صح لسان الشاعر / حمود بن فهد بن ضاوي المساهره المخاريم الدوسري



عز الله انه جزل صح لسانه مليار ولا هان على ماقدم


ولا هنت يابومبارك على مانقلت

وبيض الله وجهك

ولا هان بن باني على الكتاب

تسلم على المرور اخوي محمد

 

 

 

 

[معلومات العضو ابوالعجايب]

دائم مبدع

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة من الاد المنيعي

صح لسانه نصائح من ذهب صحيح
الله يعطيك العافيه يا شافي

ومن يقول ولا هنت على المرور

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة ابوالعجايب

دائم مبدع

لاهنت على المرور

 

 

 

 

[معلومات العضو السمو]

لا تطري الفرقى عسى الله يخليـك
فرقى الحبايب منكوي منه صـدري

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة السمو

لا تطري الفرقى عسى الله يخليـك
فرقى الحبايب منكوي منه صـدري

يا صاحبي شكرا عسا الله يعافيك
منور الصفحه ببيتك وانا ادري
ادري بخلك دايمٍ هو معنيّك
مثلي وان خلي منقص في قدري



هههههههههههههههههههههههههههه

 

 

 

 

[معلومات العضو ابن شمسان البدراني]

مشكور يا شافي وتسلم لـنـا يـديـك
واللي يبا الفرقى عسى يروح بدري

 

 

 

 

[معلومات العضو ابن فادر]

الاخ شافي القويسي

لاهنت على النقل الرائع

تحياتي لك

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة ابن شمسان البدراني

مشكور يا شافي وتسلم لـنـا يـديـك
واللي يبا الفرقى عسى يروح بدري

لاهنت على مرورك

 

 

 

 

[معلومات العضو شافي القويسي المخاريم]

المشاركة الأصلية كتبت بواسطة ابن فادر

الاخ شافي القويسي

لاهنت على النقل الرائع

تحياتي لك

لاهنت على المرور الجميل