الذيب

[معلومات العضو omar-wd]

.
الذيب
.
.

الذيب ماهرول عبث والشمس دنّت للمغيـب=والشعر حانت حزته والنـار مـن شبابهـا
وليا ادلهمت ساعة المعنى على الفكر النجيب=نارد مواريـد القـروم ولانحسـب حسابهـا
من راس شهمٍ لا وقف ماله عن السده طليب=مطلوب راسه جزلةٍ توفي حقـوق اصحابهـا
فعل اليمين اللي على الطالات لايمكن يعيـب=طنخ القروم اللي على الشدات يضرس نابها
وكلٍ على وضح النقا يارد على جم القليـب=اما سقا له مضميـه والا حضـر مشرابهـا
غنيت قافي والعرب غنت طواريـق اللبيـب=موروث شعرٍ ضمتـه بصدورهـا وكتابهـا
صورة زمانٍ لو مضت ماشطبوها بالصليـب=عاشوا زمنها واحتموا مسروجهـا وركابهـا
قافٍ على مر الزمن لو طال وقته مايشيـب=نقشه على عوج الضلوع اللي تطول أرقابها
من روس قومٍ ماهفت يوم الملاقا والحريـب=راس الفتـى مايندفـن والمرجلـه ماجابهـا
العيب مشيٍ بالرداء والحق لايمكـن يغيـب=والروس يرقـى عزهـا مايرتخـي لذنابهـا
والرجل يحفظ عزته بين الجماعه والغريـب=يعرف مداخيل القدم من قبل يطـرق بابهـا
والحلم ميزة عاقلٍ غيـر الثمينـه مايجيـب=والصمت هيبـه للفتـي والنـاس مايغتابهـا
والدين وعلوم الوفاء والصبر وحقوق الطنيب=والعز ويديـن الكـرم للمرجلـه واحزابهـا
ودرب الردي لاتتبعه لو كان من دمك قريـب=احشم شوارب لحيتك عن لحيتـه واشنابهـا
من عاش جاهل ماحيا لو كان حضه مايخيب=الشجره اللـي بّلاثمـر تنبـت ولا يدرابهـا

منقول