مراجل الشات والشاشات

[معلومات العضو عامر النتيفات]

اعضاء وزوار هذا المنتدى الشامخ
السلام عليكم ورحمة الله وبركاته
لن اطيل المقدمه ويكفي طول القصيده..

محك الرجال وطيبهم ساعه الشدات=ولا في الرخا لاشك كل الرجال جبال
هذا مطلع ابيات القصيده وماهو آت =تفاصيل تبغي صبر منكم وطوله بال
بحط النقط من فوق الاحرف وجيب ابيات = من اقصى الضماير صافيات كما الشلال
هدفها هدف سامي وتحمل عبر وعظات =تخص وتعم وتشمل الشيب والاجيال
ومن شان ماجي في متاهات وشكالات = وخلي على شعري لبعض العرب مدخال
ترا القصد من تعميها الفود والحيطات= ولا هي تخص اهل المراجل بدون افعال
وانا شاعر لي منهجي وحسب حسابات=لكل العرب والقاف ماجيب فيه هزال
اصون الشعر ورفع مقامه عن النزلات=وداريه عن نقادة الهرج والعذال
ولاهرج هروج ماعليها سند وثبات =وهرج بدون ثبات نقص على من قال
لي حقوق ولغيري حقوق علي لزمات= ومن لايقدر مايقدر ولو بريال
والاشعار قول مابنت مجد جت وهبات = من الله حسنها حسن ولا القبيح اذلال
شعور ومشاعر صادقات لها حزات = اذا جات زانت كان ماجات ماتنقال
وطراة القصيد ان فاد ولا جلب راحات =ولابارك الله في قصيد يجيب شكال
وما نلفظه مكتوب حسنه مع السيات =عسى الله يعفو يصلح الحال والاحوال
وترا للظروف احكام والوقت له ميلات =وبعض المواقف تجبر الهجس للطوال
ولا احد يلوم الهاجس ان ضاعت الهقوات=الى طول القيفان ياطيبين الفال
بيوته تدافع غصب وان ردها هيهات= تعود ولو عادت تسبب قلق للبال
لهذا عذروني وان حصل نقص اوخلات= ترانا بشر والكامل الواحد المتعال
مضى الجذب والتمهيد للقاف والجيات =تراها البيوت اللي تهم وعليها القال
والابيات لو طالت فمدام محكومات =تراها تشد العقل وتروق العقال
نعيش بزمان مختلف عن زمان فات=به العولمه عمت وطمت وجت بخبال
وعلى رغم ماجتبه من اضرار مختلفات =لزوم نسايرها ولكن بدون اخلال
اخلال يخل بديننا ينقص الطاعات= ويقضي على تراث مشرف قديم وتال
من اسبابها بعض العرب رزوا الرايات= وحطولهم مجد مزيف وقدر عال
يحسبون نيل المجد كتب على الشات =وتمجيد ذات ومدح جد ورزة خال
عسى الله يصلح حالهم يرحم الاموات= وتخشر معاهم في المراجل كرام سبال!!
ولا هم خذوها كلها مابها شكات !!=حسب ظنهم واقوال ماترجح الميزان
يقولون قول يسلب العقل والنظرات= على النت ولا في اتصال على الجوال
ايلين اثروا بهروجهم وكسبو شهرات =بصوله وجوله في المواقع وفي المحفال
يبون المراجل بالحكايا وهي صعبات=عليهم عسيره لو بغوها فلا تنطال
ترا المرجله والعز والمجد والطالات =مكفين عنها وتركوها لهن جمال
تبي تضحيات وجهد وفعال مشهودات=ولاكم خسرت وكم تبقى من الاموال
ورجل طليق حجاج ينفق لها بسكات= يقول ويطول ولا التفت للمديح ومال
ماهي بالتمني والترزز وبكتابات=ولابالهروج اللي تلمع ونظم امثال
ولا ارحب تراحيب المطر وبرك الساعات= ونعم وقرم ونشمي وبن عم غال
وشرفتنا لاهنت ياشاعر الجزلات =وصح الله السانك على الجزل وهو حثال
وحنا الذين مااحد مثلنا سادات=وحن عون من حده زمانه وجار ومال
وش اقول وخلي من هروج راحت جات =خليه من الواقع مليه خيال عيال
السنة فصيحه والعبارات معسولات= والاجسام تلمع مثل لمعة سراب اللال
الى شافها الضميان يفرح وهي لمعات=تبارق على الخالي بصحصاح فج خال
خذو حذركم ياايها الناس من رزات = ترزز على الشاشات وان صك جال جال
تطيح اقنعتهم ساعة الضيق والوقفات= وتكشف وجيه الزيف ومجادهم تنهال
يحسبون ماللوقت شده ولا دورات= ومن ادناة هزه بينت ماحوت لاشكال
لاحد ينخدع والحر تكفيه تلميحات= يراجع حساباته ويفهم بدون جدال
وانا قلت من واقع ودزيت برقيات= بليا عناوين تصل للعرب في الحال
وبعض المواقف لو قست وجلبت ضيقات=تراها تفيد الرجل والله لهاحلال
ودنيا ال بن ادم فانيه والعمر فترات= وصكات بقعا لانوتت جات دون مهال
ياكم طيب متعافي مهتني بسبات=ويصبح مريض لو بغى المشي مايحتال
ياكم غافل داله وغرقان في اللذات=تفاجيه وتخلي حياته شقى وحمال
تقلب وفي لحظه تخلي الفرح ضيقات= بقاها على حال على طول هذا محال
ومن زان وقته شان لا يضمنه لحظات= كذا طبعها والناس نازل وذا رحال
ياربح الذي لامات كنه بقى ما مات= وذكره يخلد والولي وسع المنزال

 

 

 

 

[معلومات العضو نواف الرجباني]

صـــــــــــــــــــــح اللســـــــــــــــــــانك

وبيــــــــــــــــض الله وجـــــــــــــــهك على القصيده الجزله


تقبل مروري

 

 

 

 

[معلومات العضو بنت الشايب]

صح لسااانك ياعامر

قصيده رائعه وجميله

دمت بكل احترام

 

 

 

 

[معلومات العضو محمد الولامين]

عامر النتيفات


صح لسانك يالذيب على ماقدمت


وبيض الله وجهك على ماقدمت من ابداع


في انتظار جديدك

 

 

 

 

[معلومات العضو سالم بن صمهود]

الشاعرالمبدع والبحرالمتلاطم عامر النتيفات

صح الله لسانك وبيض الله وجهك ورحم الله والديك على هالقصيدة الكافية الوافيه التي حاولت اقتبس منها فوجتها كلها تحتاج اقتباس

 

 

 

 

[معلومات العضو أبونواف الدوسري]

أخي عامر النتيفات

بارك الله فيك وصح لسانك على هذه القصيده...

وفقك الله ورحم والديك...

 

 

 

 

[معلومات العضو العماني]

الشاعر الكبير والمبدع عامر النتيفات

صح الله لسانك ملايين على هذه القصيدة الجزلة والجميلة والتي عبرت عما يجوش في خواطر الكثيرين ، وشهادتنا دائما فيك مجروحه يابوعبدالرحمن

دمت مبدعا

تقبل تحياتي،،

 

 

 

 

[معلومات العضو ابو فهد الغييثي]

عامر النتيفات


صح لسانك على القصيده الجزله


وبيض الله وجهك على ماقدمت من ابداع

تحياااااااااااااااااااتي

 

 

 

 

[معلومات العضو محمد بن الأشيب الغريري]

الشاعر الفحل/ عامر النتيفات

بيض الله وجهك على القصيدة الشامخة المعبرة
صح لسانك ملايين ولا يسدون

قصيدة جزلة من شاعر جزل
تحمل الكثير من المعاني

لاتبطي بالجديد



تحياتي القلبية

 

 

 

 

[معلومات العضو ابو زيد الغييثي]

اررررررررررررررررحب تراحيب المطر

المتألق والمبدع الشاعر / عــامر النتيفات

مــن طول الغيــبات جاب الغنــايم

صح اللسانك ملاييييييييييييييين

واعتلاا شاانكـ ولا فض فوك

ابيات يقف لها احترما ًً من جزاله و رصانه

الشهاده فيك مجروحه فأنت أحد اقطاب

وأركان الشعر فلا تحرمنا من جديدك

ولا من ابداعاتك التي عودتنا عليها

في بدايات هذا المنتدى رغم انقطاعك إلا انه

لك بصمه وصوت مدوي في اصداء هذا المنتدى

وأكرر لا تحرمنا من ابياتك جديده سواء ام من الارشيف

محبك / ابو زيـــد الغييــثي

 

 

 

 

[معلومات العضو عامر النتيفات]

الاخ العزيز نواف الرجباني
صح بدنك وشاكر ومقدر مرورك هنا
وتقبل تحياتي وتقديري

 

 

 

 

[معلومات العضو معزي]

صح السانك ياعامر على هذي المعلقه

 

 

 

 

[معلومات العضو عامر النتيفات]

اولا المعذره على التاخير

الأخت العزيزه بمت الشايب
اسعدنا مرور وتواجدك
لك كل الشكر والتقدير

 

 

 

 

[معلومات العضو عامر النتيفات]

الغالي محمد الولامين
تاشهر مبارك عليك يالغالي
والله لايهينك على المرور الذي شرفتنا وسعدتنا به
لك كل الود والتقدير

 

 

 

 

[معلومات العضو راشد المسعري]

عامر النتيفات صح لسانك يابو عبدالرحمن على القصيدة الجزلة وأنت شاعر ومن نوع نادر يابو عبدالرحمن ولكنك مقل دائماً !!! صح لسانك يامبدع وبيض الله وجهك على القصيدة الجزلة. وتقبل ودي وتقديري ،،،