|
|||||||
27-06-2008, 09:53 PM
|
#1 | ||||
|
من ابرز شعراء الدواسر في وقتنا المعاصر
بسم الله الرحمن الرحيم
الايارفيقـي قـام يحتـار ظنـي فيـك=تشيل الحمل والا تعذر علـى الشاشـة رجال المواقف عند وقت اللزوم اتْجيـك=ولاكل من يبغى طريـق الوفـاء ناشـه تفكر بحاضرنا وأنـا عـارفٍ ماضيـك=من أدنى العرب والمال حطّك مع الباشة بعد ما أقبلت دنيـاك بالخيـر لاتطغيـك=ترى الحمّرة من قشرة الأرض معتاشـة سفهت الرفيق وبالخطا ساريٍ ساريـك=وخوي الطريق يبين لي عقب مطراشـه تغطرس بدون أسباب والحق مايرضيـك=وهـذا زمـانٍ منـه الأفكـار منداشـة أعاتب طموحي وارفع النفس عن طاريك=ونفسي على شرواك ماهيـب شوّاشـة على الهون والمنقود ياشين وش حاديـك=تسمّع كـلام النـاس والنـاس غشاشـة تواعد وتخلف واحدٍ في الوعد ناصيـك=لعله مهف اللي عن الطيـر منحاشـة والقصيده الثانيه لشاعر خالد بن مدعث
يـا ضلـع جعـل الغيـث يسقيـك نـوه=مـن مزنـةٍ غــرا مطـرهـا رهــاواه ضـلــعٍ اذا زاد الــدهــر زاد قــــوه=مـا جـاه مـن طـول الليالـي رخـاواه ضلـعٍ اذا سقـت الـقـدم فــي عـلـوه=جلست لي فـي مجلـسٍ لـه طـراواه عقب البطـى شوفـة فياضـه وجـوه=يبعـد عـن القلـب الشقـي الشقـاواه بـيـنـي وبـيـنـه خـــوةٍ وأي خـــوه=خـوة قسـا مـاهـي بـخـوة فـضـاواه أليا انزعجـت مـن الزمـان المشـوه=لقـيـت فــي عـالـي نـبـاه الـهـداواه وان بـار فـي الرفقـه قليـل المـروه=فـي قمتـه شفـت الـوفـا والحـفـاواه صديـت بـه يـوم الـدهـر زاد ســوه=وعـن عالمـه قطـع العلاقـه نجـاواه نـاس علـى الهفـوات فيهـم جــروه=تركض لجمع المال ركض الفـلاواه نظـراتـهـم لـلـمـال كـثــره وشـــوه=الـمـال مقـيـاس الـغــلا والـعــداواه رجـــلٍ بـلـيـا مـــال كــــل عــــدوه=وراعي الكنوز الطايله فـي النبـاواه والمـال كـم شيّـخ مـن النـاس بــوه=لو كان ما يسوى مـن القـدر مـاواه والـقـل كــم لــوى مـــذارع فـتــوه=وهو من هلا الردات وأهل الصخاواه يضحـك علـى الطيـب ردي الربـوه=طـيـور شـلـوا بيـدتـهـا الـصـعـاواه مـن الحـسـد قــام يـحـذف ويتـفـوه=وبيتـه لصلـفـات الهبـايـب مـفـاواه ناس مشـو علـى الطريـق المشـوه=صلـى بهـم مـن لا يعـرف التـلاواه ممشى الفتـى فـي خايـعٍ سـال تـوه=قفـر عليـه مـن الحـبـاري حــراواه يبعـد عـن الأنــذال ويـشـب ضــوه=ويـحـط منـزالـه بــراس الـعــلاواه يبـرد بهـا صــدره ويـرفـع سـمـوه=ويـشـوف للدنـيـا طــراه وحــلاواه القصيده الثالثه لشاعر عبدالله البجّاد
لي في قديم الشعر بـاع وجديـده=ارتبـه بأسلـوب راقـي وخبـره
ناجيت به محـي العظـام الهميـده=الملك له والعفـو والكبـر كبـره أسألـه فالدنيـا حـيـاةً سعـيـده=والعفو لامـن القلـم جـف حبـره الآدمـي عمـره للاقدارصـيـده=لكن حبال امله مع الطـول جبـره باسه بعض لأحيـان كنـه حديـده=لـه رأي واحـلامً عديـده ودبـره واحيان يسند راسـه براحـة إّيّـده=اضوق عليه الكون من ثقب الأبره والقافله تمشي مـع الـدرب سيـده=جـردً مغاتيرومجاهـيـم وبــره هـذا وزبـدة ماحوتـه القصيـده=من طاول اطول منه ماطال شبـره واللي تمسك في صحيـح العقيـده=واللي تجرع مر غيظـه وصبـره وهو محتسب اجره يضاعف رصيده=لاستبشرن اوجيـه ووجيـه غبـره
|
||||
|
|
|
|
27-06-2008, 09:58 PM
|
#2 | ||||
|
رد: من ابرز شعراء الدواسر في وقتنا المعاصر
لاهنت وبيض الله وجهك وكفو باللي ذكرتهم
|
||||
|
|
|
|
27-06-2008, 10:04 PM
|
#3 | |||||
|
رد: من ابرز شعراء الدواسر في وقتنا المعاصر
اقتباس:
والمعلومه ان حسين من الكبر ا تم تعديله المعلومات عندي تقول انه من ال بريك شكرا على التنبيه والمعذره ان كان فيه اي خطأ
|
|||||
|
|
|
|
27-06-2008, 10:10 PM
|
#4 | ||||
|
رد: من ابرز شعراء الدواسر في وقتنا المعاصر
مافيه خطاء يابن العم وانت ماقصرت ووجهك ابيض وعلمك غانم
|
||||
|
|
|
|
27-06-2008, 11:42 PM
|
#5 | |||||
|
رد: من ابرز شعراء الدواسر في وقتنا المعاصر
اقتباس:
بس بودي مايكون سرد اسماء الشعراء فقط الفكره شاعر وقصيده لو نعد شعراء الدواسر اكيد هم كثر ولا نستطيع حصرهم وانا عند ماقلت من ابرز شعراء الدواسر لأقصد انهم ابرزهم غيرهم اللي فيه بركه ولكن انا قلت من ان شالله تكون الفكره واضحه للجميع
|
|||||
|
|
|
|
28-06-2008, 01:01 AM
|
#6 | |||||||
|
رد: من ابرز شعراء الدواسر في وقتنا المعاصر
|
|||||||
|
|
|
|
28-06-2008, 01:59 AM
|
#7 | ||||
|
رد: من ابرز شعراء الدواسر في وقتنا المعاصر
لاهنت على القصائد الرائعه من شعراء مميزين
|
||||
|
|
|
|
28-06-2008, 02:32 AM
|
#8 | ||||
|
رد: من ابرز شعراء الدواسر في وقتنا المعاصر
ابشر بعزك يالغالي وبرتب لهم قصايد وبنزلها
|
||||
|
|
|
|
28-06-2008, 02:55 PM
|
#9 | ||||||
|
رد: من ابرز شعراء الدواسر في وقتنا المعاصر
اقتباس:
وان شالله دايم وانت بخير
|
||||||
|
|
|
|
28-06-2008, 02:57 PM
|
#10 | |||||
|
رد: من ابرز شعراء الدواسر في وقتنا المعاصر
اقتباس:
شافي مرورك اثراء المتصفح شكرا لك
|
|||||
|
|
|
|
28-06-2008, 02:58 PM
|
#11 | |||||
|
رد: من ابرز شعراء الدواسر في وقتنا المعاصر
اقتباس:
ياسلام عليك فيصل ننتظرك وعساك على القوه
|
|||||
|
|
|
|
28-06-2008, 11:57 PM
|
#12 | ||||
|
رد: من ابرز شعراء الدواسر في وقتنا المعاصر
ومن ابرز شعراء الدواسر المعاصرين 1-الشاعر / فراج بن فهد الشكره الدوسري.. 2-الشاعر / نايف بن مسرع المسعري الدوسري.. 3-الشاعر / بدر بن نايف الرجباني الدوسري.. 4-الشاعر / سالم بن صمهود الغييثات الدوسري.. 5-الشاعر / معيوف بن مبارك المسعري الدوسري.. 6-الشاعر / بدر بن صقر العجالين الدوسري.. 7-الشاعر / ماجد بن رويه الدوسري.. 8-الشاعر / خالد بن حليس الخييلي الدوسري.. 1-الشاعر / فراج بن فهد الشكره
يـا أبومناحـي جعـل تفـداك الأنـذال=هيضتنـي وأنشيـت قــافٍ جـديـدي ويوم أبدع أبياتي علـى روس الأقـذال=أمـا طـرب وألا غضـب ياعضـيـدي لا أبحث عن الشهرة ولا أطرد ورى المال=يكفينـي إصغـاء الرجـال لقصـيـدي " صح الله لسانك " مـن أعمـاق عقّـال=أعدّهـا مثـل الذهـب فـي رصـيـدي ولعـل بيـتٍ يرفـع الـوزن مثـقـال=لاعرضـت أعمالـي نهـار الوعـيـدي هذا وأنا في حـال والنـاس فـي حـال=كـلٍ علـى ليلـى يـجـرّ النشـيـدي من عادني طفلٍ مـع جمـوع الأطفـال=وأنـا طموحـي فـي حياتـي بعيـدي ومدّيتنـا لأحلامـي حـبـال وحـبـال=مير انقطـع بـي كـل حبـلٍ جويـدي واليـومٍ عاينّـي علـى يابـس الجـال=ياكثـر مـن حولـي وكنـي وحـيـدي بدون قاصـر فـي المشاكيـل الأبطـال=عصبـة بنـي عـمٍ غلاهـم وكـيـدي لاشـك مـاكـل المواضـيـع تنـقـال=وبعـض القضايـا شرحهـا مايفيـدي تهشّم العبـرة بصـدري وانـا أختـال=أكنّـهـا لـوهـي تقـطّـع وريــدي الدمـع مهمـا كـانـت أسبـابـه إذلال=ألا لـولـي الـعـرش رب العبـيـدي وأنـا عذابـي وقفتـي فـوق الأطـلال=قبـل الغـروب بسـاعـةٍ ماتـزيـدي كـل الأماكـن والـزوايـا والأشـكـال=يلفّهـا الحـزن العمـيـق الشـديـدي شعرت بالرهبـة ومـرّت علـى البـال=الذكريـات اللـي زمنـهـا سعـيـدي واليـوم ياويـن السـعـادة والآمــال=تحطّمـت وأضحـت سـرابٍ ببـيـدي هذي هـي الدنيـا علـى مـرّ الأجيـال=مادامـت لـحـيٍ عـلـى مايـريـدي مـواكـب الأيــام نــازل ورحــال=أحـدٍ نـزل وأحـدٍ نـوى بالشـديـدي وأيامـي أخـذت كـل غـالـي ولا أزال=وتلدّ لي وتقول : " هل من مزيـدي ؟! " ما أقسى من الدمعة علـى خـد رجـال=ياكـون صمتـه والضمايـر وقـيـدي لاواهني مـن يرحـل بزيـن الأعمـال=ياساجـدٍ فــي لـيـل وألا شهـيـدي ولاواهني طفـلٍ مـع جمـوع الأطفـال=تضحـك لـه أيامـه وعيشـه رغيـدي 2-الشاعر/ نايف بن مسرع المسعري
مافيه شك إن كل رجـل لسانـه=لاجت مواقيف الرجـال حصانـه كلن تجي الابيات مـن منظـوره=والمستمـع قدامـهـا بـآذانـه شاعر له الجمهور يسمع منصت=وأهل الجزيل تقول: صح لسانـه وشاعر يجي ويروح محدن يمـه=مالـه لـزوم ولالشعـره خانـه السوق حامي والبضايـع واجـد=بس الذهب يفرق بـزود أثمانـه والتاجر اللـي مايجيـب الغالـي=ليته قعـد وارتـاح فـي دكانـه الشعر ديوان العرب مـن مبطـي=لكن وضعـه فـي زمنّـا هانـه أول مع الفرّيس واهـل الحكمـة=فـرايـدٍ لايومـنـا رنـانــه واليوم موضه من حساب الموضه=عاثـوا بعرشـه قـوم يالادانـه وظيفة اللي مالقـى لـه شغلـة=كلن علـى ليـلاه جـرّ ألحانـه وأكيد ماللـذوق وأهلـه حاجـة=في بيت شعر(ن) ماتعـز أركانـه وقصيدة(ن) تنظـم بليـا معنـى=سحاب صيف(ن) ماتخال أمزانـه وفي ليلة(ن) رفعت راسي فيهـا=اخترت من سوق القصيد اسمانه نـوادر(ن) ماسقتهـا لسـواكـم=يامستقـر الطيـب ياشيخـانـه نوادر(ن) باسم الدواسـر توسـم=وبأذكارهـم وامجادهـم مزدانـه من شاعر(ن) لااستل كلن شعـره=الخيل خيلـه والسنـان سنانـه اليوم خيل الشعـر لـه روضهـا=وأمس(ن) تهاب الخيل من جدانه حقايق(ن) ماهي سوالف مجلـس=ياجاهل التاريخ.. عانه...عانـه يقمح صبي(ن) ماوقف موقفهـم=ويقمح حفيد الجود لامـن خانـه سلام ياهل العـز ياهـل الهيبـة=ياهامـة التمجـيـد ياعنـوانـه سلام ياربعـي عصابـة راسـي=يانصرة المضيوم خيـر أعوانـه يامكرمين الضيف ياعز الخـوي=يامهمليـن الجـار ياصـوّانـه دواسـر(ن) وسلومنـا شاهدنـا=....بين الرجال وكل رجال وشانه دواسـر(ن) ماتنحنـي هامتـنـا=إلا خضـوع لربنـا سبحـانـه دواسر(ن) لاعـال عايـل علْنـا=ولاذاق سطوتنـا لعـن شيطانـه وساع(ن) مضاربنا وخطلن يدينا=وياويـل منهـو حطنـا ديانـه حنـا هـل الهومـات ياجاهلنـا=سـور البـلاد موسعـة حدانـه تاريخنـا مهـوب تـوه يـبـدا=سبعة قرون تشـع فـي ديوانـه سبعة قرون وكل قرن(ن) شاهـد=أرض العرب بامجادنـا رويانـه أرض(ن) سكنّاها ونعم المسكـن=ولاهيب ترضـى غيرنـا سكانـه سيل(ن) تحدر من حدود الـوادي=برقه سيوف... وهيجنـا ودّانـه حتى ملكنا أغلى المدايـن عنـوة=والمُلك يثبـت دامنـا سيسانـه لكن: ياهل العـز واهـل الطالـة=وش ينفع الرجال: كانه... كانـه من كان ورثه من جدوده ثـروة=لازم يصون المال هـو واخوانـه مادام هذي هي فعايـل جدودنـا=كلـن يحـط الطايلـة نيشـانـه هـذي يمينـي حطهـا بيمينـك=رجل(ن) يشيد وصاحبه بوزانـه وش صار قبل شهور في نشرتنا=وبموجز الاخبـار بـان إعلانـه تباشـرت كـل البـلاد بشوفـه=وكلـن يلـد لدارنـا بأعيـانـه واليوم ماله حس مالـه طـاري=تكفون ياهـل المجـد ياتيجانـه تكفـون لايفـرح علينـا حاسـد=تكفون ياهـل الحـق ياميزانـه وتكفى يامير الجود راس الشيخة=ياعـز نجـد وهيبتـه سلطانـه سلمان لاكبرت بنجـد(ن) قالـه=الله يخلـي لنجـدنـا سلمـانـه حر(ن) شهر كلن يعرف وصوفـه=وتشـرّ بـه للكايـدة جنحـانـه سلمان تكفـى مالهـا إلا نـادر=يالول فعـل الطيـب يامرجانـه واليوم يوم الشعر مهوب أمسـه=أطلقت من جزل القصيـد عنانـه نـوادر(ن) ماسقتهـا لسـواكـم=يامستقـر الطيـب ياعنـوانـه والتاجر اللـي مايجيـب الغالـي=قوموا عليـه وسكـروا دكانـه! 3-الشاعر/ بدر بن نايف الرجباني
يامرحبا فيهـا مـن الـدر والمـاس=وفيها من علـوم المراجـل علامـه تضفي على اللى يلبس الدرع والطاس=واللى يشـرف فـى قدومـه مقامـه يامرحبـا ترحيبتـن ترفـع الـراس=فهل الوفا والطيـب واهـل القرامـه الجمع طيـب والمواصيـل نبـراس=والحمـد لله يـاوصـول السـلامـه ربعي ونوماسي على كـل مـرواس=وفى كل منبـر نحتفـل فـى نظامـه جيتو هـلا والبـاب مافيـه تربـاس=من كل حدب وصوب يااهل الشهامـه يااهل الوفا والجود والعـز نومـاس=واهل المواقـف والفخـر والزعامـه فى جمعكم نفرح علـى كـل مقيـاس=وعيبن على اللـى مايثمـن كلامـه واليـا توحـد صفكـم قلـت لابـاس=لابـاس ياجمعـن يصـد الجهـامـه من زايد وتغلب دواسر علـى سـاس=اهـل البشـوت الضافيـه والعمامـه عدوكـم غـادى بالاريـاق يـبـاس=وصديقكـم فيكـم يحقـق مـرامـه خصامكم من حرتـه يطبـخ الفـاس=وزبانكـم يرقـد وزانـت حـلامـه وحدودكم بالسيف والرمـح حـراس=وادياركم فـي نجـد ماهـى تهامـه سلومكم تعرف وتدرى بهـا النـاس=وتبقـي لكـم لحـد يـوم القيـامـه على ضهور الهجن مع قب الافـراس=الصـف واحـد مايشـج التحـامـه الوضع تالى الوقت بالحيـل حسـاس=يبغـي التكاتـف يارجـال الكـرامـه يبغي التوحـد والتـلازم بالاحسـاس=ونكب كـل الجهـل ويـا الخصامـه رجل الدواسر معـه للمعضلـه بـاس=يشوفـه الخصـام تسعيـن قـامـه يعنى على درب الجزيـلات عرمـاس=ماهـي دروب النقـص ولا الرخامـه الدوسـرى للطيـب والجـود دراس=مثـل البحـر لاهـاج زاد التطـامـه متميز ومعروف فـى كـل الاجنـاس=اعنيبـه الطيـب واكـب الهـلامـه اعنيبه الوافي على الطيـب غطـاس=بحر المراجـل لادخـل فيـه عامـه ما للغدر فينا علـى رمـح جسـاس=فينـا سـوات الزيـر عـم اليمامـه ولانقبل الخاين ومـن كـان بـلاس=والى طبوعـه مثـل طبـع النعامـه لنا الرجـال ورجلنـا حـر قرنـاس=مافيه جمـع الا رجلنـا فـى امامـه فالحرب سجلنـا علـى كـل كـراس=وفالسلـم سوينـا السلامـه حمامـه يشهد لنا منو كتـب فـوق قرطـاس=واللى حضرنـا فالوغـي والخصامـه انا نخوض المـوت ماصابنـا يـاس=الموت ولا النصـر رفـرف اعلامـه هذى عوايدنـا زحازيـح واشـواس=سيوفـنـا مارجـعـت فنـثـلامـه سيوفنـا فالحـق والشـرع غـراس=وخيولنـا منهـا تثـور العسـامـه واديارنـا تبطـى لنـا مابـهـا داس=غير الصديـق وضيفنـا واحترامـه يسوقنى عند الفخـر كـل هوجـاس=النـور جـلاى الكـدر والضـلامـه ربعي الدواسر مرويت حد الامـواس=فالسيف خاضو نجد واخـذو سنامـه واستوطنو عاليه واخذو بـه الكـاس=فى وقت نجدات الرجل مـن حزامـه وفكو دخيلـه بعـد ماكـان محتـاس=في ساعتـن عيـت تشيلـه عظامـه فالمواقـف الحسـام للنـار قـبـاس=في يـوم بيـن نصرتـه وانهزامـه ودية قصير الدار والجـدر والسـاس=سلمـن غـدل للحـق والاستقـامـه سلمن خذا للفـوز مقعـد ومجـلاس=وايضا خذا كاس الفخـر والوسامـه ووسم العصي يبعد من الوجه الاتعاس=عند الطريـد اللـى مـدور غرامـه ياخذ فى دار الدوسرى ضحك وواناس=وتطيبلـه عنـد الدواسـر الاقـامـه دار الفخر روضه بها حمر الاطعـاس=ياجعل تسقي مـن صـدوق الغمامـه قصورها روضه بها زين الاغـراس=الخيـر جعـل الله يطـول دوامــه واذوادها ترعهـا ولا صابهـا بـاس=ترعـا السهـل ولا بـراس العدامـه هذى علوم الصـدق ماهـى ترمـاس=القـول يقفـا افعالنـا فـى تمـامـه واليا انتقلنا الجوخ ماغيـره البـاس=وسط الديـر نقطـف ورود الخزامـه فالغلب فينا طبـع غيـر التغطـراس=مـن فعلنـا قصـر المعانـد هدامـه واليـا انتشرنـا فالبلاديـن عسـاس=فالمملـكـه وكويتـنـا والمنـامـه وساحل عمان وفى قطر قلب واحساس=وابـو ظبـي ودبـي دار الفخـامـه نعبي المعاميل ومع النجـر محمـاس=والضيف يبشـر فالشحـم والكرامـه وصلاة ربـي عـد ماهـب نسنـاس=على نبـي الحـق هـادى السلامـه 4-الشاعر/ سالم بن صمهود الغييثات
زين ممشى الجمس يوم الليل ضاوي=جعـل مـن ورده ربـي مايهيـنـه زين مرواحه معى خط(ن) خـلاوي=ينعش المجروح والنفـس الحزينـه منوة اللـي قـده لطلعـة شفـاوي=ثبت الرخصـة وربعـه محترينـه واحسايف راح فـي وارد عـراوي=غطتـي واكبرهالـي مـن غبيـنـه دورولـي جمـس بوديـه سمـاوي=واربع اميـه حجـم ماطورالمكينـه المنـاوي ماتفيـد اهـل المـنـاوي=حالف(ن)اشريـه لوقيمتـه ديـنـه لعنبومال(ن)يـردمـن الـهـقـاوي=التعـب لـي والغـنـاة لوارثيـنـه بابذلـه فـي لازم القلـب الغنـاوي=والعمرلابديـطـونـه سـنـيـنـه بدمايطـوي لـيـال العمـرطـاوي=جيزعمـري جيزناس(ن)سابقيـنـه كم رحل شخص(ن)له امال ورجاوي=الامـل وينـه وهوهلحيـن ويـنـه 5-الشاعر/ معيوف بن مبارك المسعري
على طاري السياسي والرياسي=انامانـي رياسـي وسيـاسـي لاكنـي شاعـر مجنـون جـدا=ويعمي نون عدوانـي حماسـي اوردها علـى حـوض المنايـا=ليا من شفت في الوضع التباسي والـى قالـو مهايـط ماعليـه=مدامي واثق(ن) من قدح راسي ليا صارك كفـو ماهـو يعيبـك=ليا من شخت في كبار الكراسي ترى ماهو يعيب الى الضعافـه=ليامن طحت ما طحت متواسـي وانا عنـدي طموحتـن كثيـره=والا البس ثوب ما يطلع مقاسي طمحت اني اجي شاعر وفلتـه=وجيت الشاعر الي مـا يقاسـي علومي تطرب الصاحب وتعمي=عيون اهل الحركات الخساسـي وطمحت اخذ على هاذي وهاذي=ما يطمعه الآسد في الافتراسـي ومامن شاعر لامـن نضرنـي=يجي فيـه ارتباكـه وانتكاسـي والى من شفت لي بيت صلح لي=احدر به واقول انـه اقتباسـي ترى هاذا هو الموجـود حالـن=معا الشعار صعبيـن المراسـي وترى الشعار لامنهـم تحاكـو=تقول انهم طويـلات المراسـي حليميـن وكريمـيـنٍٍٍ مطـنـخ=شجيعيـن تـدوس ولا تداسـي ومامن شاعـر لامـن نصيتـه=هروجه بس والباقـي نحاسـي ليا منـك سمعتـه قلـت هـاذا=من الناموس في الراس التماسي مايخجل من كلامه شـان فالـه=وهو احقر من صغار البساسـي وفيهم من جمع شعر ورجولـه=صليب عضام والميقاف قاسـي هاذا ودك على راسـك تشلـه=وتطلع به طويـلات الرواسـي وتقول اكبر شرف بنك صحيبي=ويقول اكبر شرف بنك مقاسـي 6-الشاعر/ بدر بن صقر العجالين
مدامنا ماشين فـي درب الأجـواد=مع الردا ذا اليـوم نعلـن تحـدي ما همني العالـم ولا هـرج نقـاد=مـدام رجلـي فالمراجـل تعـدي أبوي رباني على كيـف مـا راد=ألين صـار البـدر حـرن يهـدي هده في ذا الدنيا ووافـاه صيـاد=يفرد مخاليبـه يصيـد ويصـدي وأنا على كـل المواقيـف معتـاد=من صغر سني خابر(ن) مستعدي بعض الكلاب اليوم تنبح ولا فـاد=خلها تنابح مثـل ماهـي تـودي حنـا رجـال(ن) للبطـولات رواد=غصبن عن الي علمهم في تـردي نفعل ليـا قلنـا وحنـا للأمجـاد=يوم الردي بالقـول فعلـه يعـدي حنا على وضح النقا برق رعـاد=واللي تخفى عادتـن لـه نسـدي ستر العـذارى والحميـه لنـا زاد=مانطرد علوم العرب لـو تضـدي ياهيه يلـي خابـر الكـون رقـاد=لا يا صحيبي كامل العلـم عنـدي أبشرك أعرف تـرا كـل الأفـراد=لكن بعض الناس ماهـوب قـدي ترا العظيم اللي له الكـل حسـاد=طبعه بوسط الناس طبع التغـدي الحر لامنه نـوى الصيـد هجـاد=لكن أشوفه فالجيف صـار مقـدي شفت الشجاع اللي غلب عدة أعداد=يكفي لحالـه فالجماعـات يبـدي الليـث ماهـو للهزيـلات طـراد=مثل الضباع اللي تـروح وتـردي ياليت لـو إنـا نعـود للأمجـاد=نبغى الحروب الماضيه تستـردي خلنا نشوف النار بالعيـن تـزداد=في وسط دار اللي من الدار شدي والموتر اللي مقلع(ن) دون عـداد=في سرعته صار أختلاف وتحـدي المشكله روح عن الناس وش عاد=لكن صغير العقـل خلفـه يعـدي 7-الشاعر/ ماجد بن رويه
يامرحبا بالطيف وبراعي الطيـف=الطيف غالي والمشاعـر شديـده جيت وهلابك يابعد كل من شيـف=بكفوفـه الحنـا وينثـر كـديـده جيت وهلابك من علا طلعة السِيف=لي حد بيتـك والقصايـد جديـده الشوق قاتل والبلد فيـه تخويـف=والعين فاضـت والنوايـا سديـده والربع راحوا والوعد بآخر الصيف=يديـم نـو ٍلاطلبـتـه يـزيـده ترقا بهالنفس الحزينه مشاريـف=لعيون من تسوى جميـع البديـده بنت النعيم اللي مسا عطرها كيف=لاهل العقول الملهمـه والرشيـده من عامها لاول وهي تنزل الريف=وتكره حضـاره ماعداهـا تبيـده كاس الزعامه جابته دون تصنيف=شان الرفيعـه لاهـوت ماتريـده 8-الشاعر/ خالد بن حليس الخييلي
لاسامح الله شاعـرًا مـا هجاهـم=المشركين اللي أطعنونـا بالاعـلام العـز للاسـلام مهمـا حـداهـم=للمعذره .......والعز كله للاسـلام لابارك الله في الـورق اودهاهـم=ولا بارك الله في دهاهـم والاقـلام اهل الجريده ما خلصو من رغاهم=تعرضو للمصطفـى اهـل اللاثـام الشعب معهـم والحكومـه معاهـم=المجرمين اللي على روس الاجرام مـا عـاد نبغـى لتفاهـم تفاهـم=أكبودنا نجحت من اعـوم واعـوام يـارب دمرهـم وعجـل فناهـم=وحطهـم مابيـن ثايـر وهــدام مبطـي وحنـا باحثيـن ً خفاهـم=حقير يا شعب التفاهـه و الاوهـام اقـل شـي انهزهـم بالـدراهـم=ودموعنا تذرف على سيـد الأنـام اطهر بشر في الارض اكبر خطاهم=وكبر خطاء انا انتفاهم بلا حسـام لاصـار حنـا مـا لعنـا ثواهـم=بنموت ما ِكنٌا عزيزيـن وحشـام وهذا اللي اعرفه اتمنى اني أفدتكم..
وآسف إذا لم اذكر بعض الأسماء..
|
||||
|
|
|
|
29-06-2008, 10:36 AM
|
#13 | ||||||||
|
رد: من ابرز شعراء الدواسر في وقتنا المعاصر
الله يعطيكم الف عافيه جميعآ
|
||||||||
|
|
|
|
29-06-2008, 02:58 PM
|
#14 | ||||
|
رد: من ابرز شعراء الدواسر في وقتنا المعاصر
لاواهنـي مـن يرحـل بزيـن الأعمـال=ياساجـدٍ فــي لـيـل وألا شهـيـدي
|
||||
|
|
|
|
29-06-2008, 03:00 PM
|
#15 | ||||
|
رد: من ابرز شعراء الدواسر في وقتنا المعاصر
بنت الشايب كذلك الشكر لك
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 10 ( الأعضاء 0 والزوار 10) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قبيلة الدواسر ومحاولات التأليف عنها | مسفر بن محمد الشرافي | :: قسم تاريـخ قــبـيـلة الــدواسـر :: | 40 | 29-05-2012 02:11 PM |
| التغطية المصورة لحفل المسابقة الشعرية الأولى لموقع قبيلة الدواسر الرسمي | الإداره | :: قسم المسابقة الشعرية السنوية للموقع الرسمي لقبيلة الدواسر :: | 17 | 11-12-2010 11:09 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 04:28 AM
