يرخص المال دام الراس مرفوعي ,,

[معلومات العضو إبن دوسر]

( بسم الله الرحمن الرحيم )

عطهم المال كان المال يرجونـه=يرخص المال دام الراس مرفوعي
مانبي منكم إن جا اللازم امعونـه=واصلٍ خيرنا ماهوب مقطوعي
ولا نبي عشرةٍ ماهيب مضمونه=كل يومٍ لها ترتيب وطبوعي !
وش نبي بالردى لوه زهى لونه=ذاك مكروه ومذمومٍ ومفضوعي

وهذي إضافيّه في زميلي ( ابو سفيان ) .. :

عز الله انّه قرم هذا الكريمي=رجل ٍ سنافي له يمينٍ نديّه
دايم على مر الدواير مقيمي=شبره طويل وخاطلات يديّه
حلالها لا قيل وين الحكيمي ؟=فهو لها حلحيل ذيك القويّه
مارافق أهل الغدر قلبه سليمي=وفي طاعة الله صابر بسنيّه

اتمنى ان تنال على استحسانكم ..
انتظر آرائكم ,, اخوكم / محمد الدوسري ,,

 

 

 

 

[معلومات العضو مبارك الخييلي]

قصيدة جميلة وراقية


صح ألسانك وبيض الله وجهك


كل الشكر لما خطت أنامل يديك من أبداع وجعلك دايم الدوم سالم


لاهنت


تقبل شكري والتقدير

 

 

 

 

[معلومات العضو سالم بن صمهود]

محمدالدوسري
صح الله لسانك ولكن عندي استفسار القصيدين هل كلهن يخصنك؟ القصدة الاولى قويه والثانيه لك عليها

 

 

 

 

[معلومات العضو إبن دوسر]

خالد الخييلي / اررررحب والله يالقرم , مرورك وردك يشرفني يالغالي
عساااك دايم بخير ,, الله لايهينك .

سالم بن صمهود / هلااااا بك يالقرم , والله ومرورك شرف وردك يشرفني والله ياسالم
والله يالغالي الثانيه قصيدة مدح , اضفتها في الموضوع ,, لا غير وهي لي طبعا ً !

ولكن ياحبذا لو تصحح القصيدة ,, بهذا الشكل :
عطهم المال كان المال يرجونـه=يرخص المال دام الراس مرفوعي
مانبي منهم إن جا اللازم امعونـه=واصلٍ خيرنا ماهوب مقطوعـي
ولا نبي عشرةٍ ماهيب مضمونـه=كل يومٍ لها ترتيـب وطبوعـي !
وش نبي بالردى لوه زهى لونـه=الردى لو زهى ماهوب مطموعي

<< تكون افضل من ناحية الوزن ايضا

والقصيدة الثانيه بدل (وفي طاعة الله صابر بسنيّه) إلى
(وفي طاعة الله صابر واهنيّه) ,, تكون اجمل

والله لا يهينك ولا يهين من بيعدلها
ولك كل الشكر على الزياره ,, والله اسعدتني
كان تذكرني بالخير ياراعي الخير , اخوك/ (كرباج).

 

 

 

 

[معلومات العضو هادي الغريري]

أبن دوسر صح لسانك ياذيب



ولاهنت على الأبيات الرائعه



كل الود..

 

 

 

 

[معلومات العضو بنت الذيب]

ابن دوسر

صح لسانك

ابيات رااائعه

يعطيك العافيه

ونتريا الزود من صوبك


بنت الذيـب

 

 

 

 

[معلومات العضو زايد الزايدي]

صح لسانك يالقرم

وبيض الله وجهك

مبدع وننتظر جديدك

احــترااامي وتــقــديري

 

 

 

 

[معلومات العضو إبن دوسر]

المشاركة الأصلية كتبت بواسطة هادي الغريري

أبن دوسر صح لسانك ياذيب



ولاهنت على الأبيات الرائعه



كل الود..

هلا بك ياهادي , صح بدنك وبيّض الله وجهك
الله لايهينك على المرور والرد الجميل ,,
كل الود لك اخي الغريري ,,

 

 

 

 

[معلومات العضو إبن دوسر]

المشاركة الأصلية كتبت بواسطة بنت الذيب

ابن دوسر

صح لسانك

ابيات رااائعه

يعطيك العافيه

ونتريا الزود من صوبك


بنت الذيـب

هلا بك يابنت الذيب , صح بدنك الله لايهينك
مرورك وردك اروع يالغاليه ,, مشكوره
لا تحرمينا من طلاتك ,,

 

 

 

 

[معلومات العضو أبوعبدالرحمن بن سلمه]

لا هنت يا الذيب قصيدة جميلة