الصــــــــــــــــداقه

[معلومات العضو صبي قحطان]

الصديـق اللـي موثقنـي مـعـه طـيـب الصـداقـه=رفقته سلعة غـلا ماأنقـص ثمنهـا مـن غلاهـا
والله انــه راس مـالـي والـعـلاقـه .. الـعـلاقـه=مـع هـل الـطـالات تـزمـي مـاتـردى مستـواهـا
والـردي لـو بـان لـك حبـه وضحكـه واشتياقـه=مع مرور الوقت يكشف لك عن البير وغطاها
الـردي مثـل الهزيـل اللـي تــردى فــي سبـاقـه=خطـوتـه فــي تـالـي المضـمـار هــذا منتهـاهـا
لانخيـتـه تقـصـر شـبـوحـه ولا فـيــه انـطـلاقـه=وإن نصيـتـه فالـلـوازم حلـتـه طـافــي سـنـاهـا
الـــردي بالـطـيـب وده مـيــر مـاعـنـده لـيـاقــه=يمنعـه عمـا يبـا ضعـف العزيمـه وش وراهــا
ورفقة الطيـب سـواة العـود الأزرق واحتراقـه=الـرجــال تـمـيـزه فـالـطـيـب ويـطـيــب لـحـاهــا
إن لقيـتـه تهتـنـي بــه طـيـب وأخــلاق ولبـاقـه=وان تركـتـه مالحـقـك بهـرجـة ضـايـع جـداهـا
وإن نصيته معتني لـه شفـت فالوجـه اشتياقـه=يضحـك حجاجـه وداره تحتـفـي بالـلـي نصـاهـا
والمنـافـق لــو يـحـاول بالجـهـد يخـفـي نفـاقـه=الـرجـال تمـيـز الهـرجـه وتــدري وش وراهــا
لــو يـضـم الـصـدر بالكفـيـن ويـطــول عـنـاقـه=لا تبـاعـد بنـدقـه لاأقفـيـت تـجـذب مــن خبـاهـا
والله ان الرجـل يمشـي فالـخـلاء يتـبـع نيـاقـه=خيـر مــن رفـقـة رجــال ماتمـيـز فــي خطـاهـا
فـي زمـان عـلـم العمـيـان فـالـروس الحـلاقـه=وانقلـب ميـزان بقعـاء عقـب مـادارت رحـاهـا
وأصبح الطيب وشوفه فالزمان أغلـى شفاقـه=لـلـرجـال الـلــي تـمـيـز فـالـرجـال ومحـتـواهـا
وإن نشدتـه عـن سبـب تقديـم غيـره وإنفهاقـه=قـال هرجـة مـن يعـد الحـق مثلـي مــن يبـاهـا
مجلـس مايحتفـي بــك طيعـنـي وإخـتـر فـراقـه=لو تعيش مع الذياب اللـي تجـاوب فـي عواهـا
يـا بلـشـت بـواحـد يـجـرح ضمـيـرك بالحمـاقـه=ومتحـزم لـه بنـاس مــن عمـاهـا فــي عمـاهـا
مثل حزب البعـث مـع صـدام فـي نكبـة عراقـه=جامـلـوه ويــوم حـلـت نكبـتـه قـالــوا عـسـاهـا
ينفتح لك من سبب هرج الـردي تسعيـن طاقـه=والحشيم يصون نفسه والقـدم يحسـب خطاهـا
وإن نشدته عن سبب طش الجماعه والرفاقـه=قـال ربـع اليـوم تزعـل مـن خلاهـا فـي خلاهـا
النصيفـه مــن رجــال الـيـوم صايبـهـم إعـاقـه=لـو تفلسـف فالمجالـس نظرتـه يقـصـر مـداهـا
مايفـيـدك والـسـبـب عـقـلـه مـعــزم بإنـغـلاقـه=لو تشوف المخطيه يبغـاك مـا تكشـف غطاهـا
لا هـرج هـرج الفشيـلـه والعمـايـه والطفـاقـه=الـعـزاء بعقولـهـا والله يـعـوض مـــن ربـاهــا
والحقيـقـه كــل طـيــب طيـبـتـه بـــذرة عـمـاقـه=والعـمـوق الطـيـب تـعـرف ويـفـرق مستـواهـا

الشاعر / سمران القثامي

 

 

 

 

[معلومات العضو ابو زيد الغييثي]

لاهنــت ياصبي قحطان على النقل

وجعل يمناكـ مايجيها العطب

وصح اللسان / سمران القثامي


أخوكـ / ابو زيد

 

 

 

 

[معلومات العضو فهدالمحيسن]

لاهنــت ياصبي قحطان على النقل

تقبل مني وافر التقدير والاحترام

 

 

 

 

[معلومات العضو مبارك الخييلي]

لاهنت وبيض الله وجهك



صح ألسانك وصح ألسان قيلها


وجعلك سالم على كل حال


تقبل شكري والتقدير

 

 

 

 

[معلومات العضو سلمان فهد الدوسري]

لا هنت يا صبي قحطان

على النقل الجميل

 

 

 

 

[معلومات العضو صبي قحطان]

أشكر الأعزاء اللي تشرفت بمرورهم الجميل ..
وبيض الله وجيهكم جميعا .

دمتم بخير ،،

 

 

 

 

[معلومات العضو ابن قرنين]

والله انه راس مالي والعلاقه .. العلاقه مع هل الطالات تزمي ماتردى مستواها

تســـــــــلم يا صــــــبـــــي قـــــــحطان على الأبداع والنقـــــــــل

المميــــــــز ....وبيض الل وجهك يالسنافــــــــــــي

وصح لسان الشــــــــــاعر

تقبل مروري وخالص تحياتي أخــــــوك
ابــــــــــن قـــــــــــــــــــرنـــــــــــــين

 

 

 

 

[معلومات العضو ابو زابن المسعري]

بيض الله وجهك ياصبي قحطان وجعلك تسلم والله يصح السانك والسان الشاعر,

 

 

 

 

[معلومات العضو صبي قحطان]

بيض الله وجه كل من تشرفت بمروره .

ولكم أصدق تحياتي ،،