سناد العز ( حصرية ) .,,

[معلومات العضو الغامضه]

السلام عليكم ورحمة الله وبركاته



متواضعهـ أتركها بين إيديكمـ


في والدي حفظه الله



أتمنى قبولها



\\


//

|
,

سناد العـز ياكـل الفخـر والطُهـر والطيبـة = بياض الثلج ياقلب ٍ نبـض مابينهـا ضلوعـه
سـلام الله يـازول ٍ تقلّـد كـامـل الهيـبـة = مياه الكوثر تبلتـس عـروق ٍ فيـه مزروعـه
عسى عمرك بعد عمري بدونك ويش أنا أبي به = يا أغلى من خلق ربـي وبالدنيـا فـرد نوعـه
شموخ الكون في راسه وكل الناس تهـذي بـه = طُغاة الأرض من زولة تصير أشبال مجزوعـه
ولامنّـه زعـل ياويـل منهـو عينـه تصيبـه = دعت أمه عليه اللي في وجهـه ينثنـي كوعـه
ياشيخ أُقسم بربي كل ماجـاء براسـه يجيبـة = ولد من كان لو من كان هو تلقاه فـي طوعـه
سكوته ترتبك منه / تموت إن جـاك تعصيبـة = وإذا هو رايق يفيض الحنـان بجـال ينبوعـه
رجُل يُجبـرك تحترمـه مـن ذوقـه وأساليبـه = يلين / لكنّ لغيـر الله.. ماقـد بيّـن خضوعـه
يخاف من الذي سواه .. لكـن ماشـي يهيبـة = أساساً كل وصوف أهل الرخامه منـه منزوعـه
ماهي بحاجه غريبة ياللي في ودك تعـذري بـه = مدام إن لابته تطعم دخيل ٍ مـات مـن جوعـه
نعم خطلان الأيـدي لابتـه اللـي تمـاري بـه = أهل ذيك الفعول اللـي لهـا الأقـوام مفزوعـه
موسمة العصي للي زبن بـه خـوف ٍ وريبـة = مقديـة الفعـول الوافيـة بحقـوق مشروعـه
وأنا من ظهر ودعاني حشـى ماصابتـه عيبـة = إذا تنزل جميع الخلـق يظـلّ يجاهـد طلوعـه
وكل اللي ذكرته صـدق أحـاول بـس تقريبـة = من الصوره الحقيقية لجل ماتكـون مصنوعـه
لأني مقصرة بحقـه ولـو أمـدح وأحكـي بـه = دخيلـك خالقـي يالله تغفـر ذنـوب متبوعـه
بتقصير الحروف اللـي تمـوت وماتوفـي بـه = ولايمكن بعد توصيف لو جـزء ٍ مـن طبوعـه
وأصلاً مستحيـل إن القصيـد إن زاد ترتيبـه = يوفي في جنابـة والحـروف تهـاب مفجوعـه
وسـلام الله يـازول ٍ تقلّـد كـامـل الهيـبـة = لشخص ٍ جيت من ظهره / عساني فدوة ضلوعه

وسوالمـ جميع

 

 

 

 

[معلومات العضو ابو زابن المسعري]

قصيده رائعه بكل ماتعنيه الكلمه

الله يصح السانك

الله يخليلك ابوك والله يخليك له

 

 

 

 

[معلومات العضو تفاكير]

شموخ الكون في راسه وكل الناس تهـذي بـه
طُغاة الأرض من زولة تصير أشبال مجزوعـه

ولامنّـه زعـل ياويـل منهـو عينـه تصيبـه
دعت أمه عليه اللي في وجهـه ينثنـي كوعـه

ياشيخ أُقسم بربي كل ماجـاء براسـه يجيبـة
ولد من كان لو من كان هو تلقاه فـي طوعـه

سكوته ترتبك منه / تموت إن جـاك تعصيبـة
وإذا هو رايق يفيض الحنـان بجـال ينبوعـه

رجُل يُجبـرك تحترمـه مـن ذوقـه وأساليبـه
يلين / لكنّ لغيـر الله.. ماقـد بيّـن خضوعـه



صح لسانك يالغامضة..

والنعم باللي هذي وصوفه


الله يخلي لك أبوك

ويخليك له...

 

 

 

 

[معلومات العضو الغامضه]

أبو زابن


صح بدنكـ ياخوي


ولاهنت

 

 

 

 

[معلومات العضو غازي المسعري]

قصيده رائعه بكل ماتعنيه الكلمه الله يصح السانك الله يخليلك ابوك والله يخليك له

 

 

 

 

[معلومات العضو بوحمد الحمد]

صح الله السانكـ على هذه الكلمات الجزله والرائعه

وبيض الله وجهكـ على هذا الاخيتتار الموفق

وان شاء الله ماتحرمينامن اي جديد

دمتي بكل خير

لكـي سلامي وتقديري

تقبلي مروري

 

 

 

 

[معلومات العضو الغامضه]

تفاكير

ووجهكـ أبيض ياخوي

صح بدنكـ والله يجزاك خير
لاهنت