![]() |
#1 | ||||
|
![]() تحيه طيبه لكل من عانق متصفحي بجميل حضوره
صبا نجد اشعلت نار القصيد وضج بالمرباع=هزيم الشعر وفياض الورق ضاقت بودانـه
وهبّت من شماله ريح خير وجالها ذعـذاع=تسوق الغيم بأمر الله من الـرذراذ غرقانـه تلمّه تجمعه حتى لعج برقـه وحـن ومـاع=عطى ربٍ له المنه كريـم وجـل سبحانـه بكت عين السحابه وإنتثر دمعٍ سقى له قـاع=تغيّر وجه الأرض وسيّل الـوادي وشعبانـه وقال اللي يخيله تـو ماغيّـم وهـل بسـاع=يا رزق الله زهى لون البرد بأطراف غدرانه وحالوا له بدو من عام الأول طرشهم ماراع=عقب ماجاء الخبر كلٍ شعى ذوده وحيرانـه وانا مثل البشر نفسي لها لاجاء المطر مرتاع=تحس إنه تِذكّرهـا زمـانٍ طـال نسيانـه تطيب من الجروح المدميات وتنوي المطلاع=تبي روضٍ تساوى نبت زملوقـه وبركانـه ويفرح خافقٍ من جور وقته والشقـا ملتـاع=من الفرحه قعد يكفخ يطير إطيـار شيهانـه تولّم للهجوس اللي تجيه افراد قبـل أجمـاع=هواجيسٍ حداها الشوق من عامين حيرانـه طرت له بنت شيخٍ لاطرت منها شكى جزّاع=غلاها مرمسٍ به والجفـا والبعـد عنوانـه عنود الريم تلعا جيد عنقا والعيـون وسـاع=تراخى رموشها لاسلهمت كسـلا وخجلانـه تناشا من جسدها ريح مسكٍ خالطـه نعنـاع=غذا شعرٍ بدى لون الذهب من جملة ألوانـه سقتنى من غلاها كأس فيه من الغرام أنـواع=شربته مهتـوي والكبـد ولهانـه وضميانـه رغم كل الغلا مانيب لامسـرف ولا طمّـاع=وهي بنت الحموله ماشكت فرقاي لـفلانـه حفظها الله جزاها خير سري عندها ماضاع=وأنا كني نسيتـه ليـن هـل الغيـم ودانـه
|
||||
|
![]() |
![]() |
#2 | ||||
|
![]() صح ألسان الشاعر
|
||||
|
![]() |
![]() |
#3 | |||||
|
![]() اقتباس:
صح بدنك طال عمرك وبيض الله وجهك الله يسلم لك غاليك ومغليك الله يعافيك ويبارك فيك تشريفك العطر زاد متصفحي توهجا لك مني عاطر التحايا وارقها حفظك الرحمن ووفقك لما فيه الخير والصلاح سلمت ولا هنت احترامي وتقديري
|
|||||
|
![]() |
![]() |
#4 | ||
|
![]()
|
||
|
![]() |
![]() |
#5 | ||
|
![]()
بكت عين السحابه وإنتثر دمعٍ سقى له قـاع=تغيّر وجه الأرض وسيّل الـوادي وشعبانـه
روعة القصيدة تاتي من عذوبة ورقة التعبير وسلاسة الكلمات
سلمت يداك ياغلا نجد على النقل وصح لسان الشاعر
|
||
|
![]() |
![]() |
#6 | ||||
|
![]()
صح بدنك طال عمرك وبيض الله وجهك
الله يسلم لك غاليك ومغليك الذوق نستمده من هل الذوق بارك الله فيكم كل الشكر لحضورك الراقي لك مني فائق الاحترام والتقدير وفقك الرحمن لما فيه الخير والصلاح سلمت ولا هنت
|
||||
|
![]() |
![]() |
#7 | |||||
|
![]() اقتباس:
يا هلاااااااا ومرحباااااااااا بهالطله الله يسلمك ويبارك فيك صحت ابدانك وعلى طاعت الرحمن اعانك حضورك له ما يميزه غاليتي دمتي في حفظه ورعايته لك مني ارق التحايا واعذبها ممزوجه بعبير الورد الفائح الشذى منوووووووووووووووووره
|
|||||
|
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||