ذرب الكلام الى حصل له مجالي

[معلومات العضو محمد بن محسن بن حشفل]

اخواني اعظاء هذا المنتدى الراقي يسرني التواصل معكم مجدداً بهذه القصيدة للشاعر ناصر بن محمد الخضران مسندها لي وردي على قصيدته عسى ان تنال اعجابكم وتقديركم ،،، يقول ناصر في قصيدته

خلوني اعبر عن اللي جرالي=واللي جرالي في حياتي تهاويل
جربتنا جور الدهر واليالي=وجربتنا الغربه وعسر المحاصيل
وجربتنا خوة كثير الرجالي=واخذيت منهم كاملات التفاصيل
وشربت كدر ومن قراح ٍزلالي=واخذيت درسي من حياة البهاذيل
وكم ذقت من مر ٍوكم ذقت حالي=ودنياك هاذي درسها صعب بالحيل
وجلست احسب وش بقى وش غدالي=اسنين راحت مع سنين ٍمقابيل
ولاشك عمرك يافتى للزوالي=اغنم زمانك عاد عندك بعد حيل
واحرص على طاعة عزيز الجلالي=اللي خلق جيل ومفني بعد جيل
وللوالدين حقوق كبر الجبالي=والضيف والعاني وبعض الرجاجيل
والجار لا ترضى عليه الخمالي=والصبر محمود العواقب عن الميل
وكل على كيفه وهذا مقالي=وقبلي رجاجيل ٍوقالوا تماثيل
وعرفي يكفيني وهو راس مالي=ولااقول انا العاقل وغيري مهابيل
وماني مسمعها حد ٍكون غالي=نقده حكيم ولايدور مداخيل
مثل ابن محسن حيثه اللي طرالي=يدرك معانيها عسى تعجبه حيل
تمت وصلوا عد منشي الخيالي=على نبي له على الخلق تفضيل
نقيت هرجي حيثه الي بقالي=هرج عن الزلات منقي بتفصيل

وهذا ردي على قصيدته واقول

ذرب الكلام الى حصل له مجالي=يصير زين ٍفي هروج التعاليل
في مجلس ٍفيه الجلوس استوالي=خص ٍمع جمعة ربوع ٍمشاكيل
لاسيق به من كيف صفر الدلالي=فنجال بن ٍخاثر وسطه الهيل
ابدى بمردودي لمنهو بدالي=قول ٍيشوق اهل المعرفه الى قيل
وناصر علومه بالوفاء ساقهالي=وانا لها متني صبور ٍعلى الشيل
عزى الله اني طبت واستر بالي=من يوم حللت لمعانيه تحليل
افرح بطولات الرفيق الموالي=جعله من اللي يكسبون التنافيل
يابو محمد ياعديم العيالي=ما للردى صوبك طريق ومواصيل
معنز ٍمجناك بابو ٍوخالي=متوسط ٍبين الرجال الحلاحيل
جربت ثم جبت النصايح جزالي=سمان ماحصلت فيها مهازيل
لاكن شد احبالها لاتمالي=وانا بعد عندي لها زود تكميل
نسيت وحده والسوالف طوالي=باذكرك تجمل بها القول تجميل
رفقة جليس السو شين القبالي=دور لها مع طيب الناس تبديل
بعها لسايمها بنصف الريالي=بيجيك من يشري خدوش ودعابيل
ومن الطمان اطلع على كل عالي=ترى مقر العز عسر المناويل
على ضعيف الراي صعب محالي=وعلى صليب الراي دربه تساهيل
من لا ورد مسقاه ورد النهالي=ماشرب من جم القراح الشهاليل

 

 

 

 

[معلومات العضو فارس الكلمه]

صح الله السان ناصر الخضران



وماقصرت يابو محسن وصح السانك مليون ولايكفون



اخوك/فارس الكلمه

 

 

 

 

[معلومات العضو عبدالله الدوسري]

جمل الله حالكم





و استر فالكم






صح الله لسانك و لسانه يا ابو محسن




تقبل كل الود،،،

 

 

 

 

[معلومات العضو فرحان فهد ال فرحان]

جمل الله حالك يابو محسن وتستاهل من يطريك ويثني عليك ويراسلك ويطلب رايك

لانك رجل اثبت نفسه برجولته ومعاني قيفانه التي تطرب من يستمتع بها سبك وحبك

تحياتي وتقديري
اخوك ابو فهد

 

 

 

 

[معلومات العضو سالم بن صمهود]

الشاعر المبدع دايما محمد بن حشفل

صح الله لسانك ولاهو غريب الابداع عليك ياذيبان وصح الله لسان الشاعر ناصر وعزالله انه عرف من يسند عليه

 

 

 

 

[معلومات العضو الهول الودعاني]

صح لسان الشاعر ناصر
وصــــح لسااانك يا محمد بن محسن وبيض الله وجهك

 

 

 

 

[معلومات العضو محمد عفاس الغييثي]

صح الله السانك ولسانه


تقبل مروري وتحياتي

 

 

 

 

[معلومات العضو بوحمد الحمد]

صح السانكـ مليوون والسسان شاعرها

ولاهنت على القصده الطيبه

امتعتنا بهذا الابداع

لكـ سلامي واحترامي

دمت بكل خير وود وسلام

تقبل مروري

 

 

 

 

[معلومات العضو العماني]

شاعرنا الكبير ، شاعر الجزالة والمعنى ، ابومحسن

صح الله لسانك ملايين ولسان الشاعر ناصر بن محمد الخضران ، وبيض الله وجيهكم

ولاهنت يالقرم على هذه المشاركة الرائعه

تقبل تحياتي،،

 

 

 

 

[معلومات العضو راعي الأجرب]

ومن الطمان اطلع على كل عالي****ترى مقر العز عسـر المناويـل

على ضعيف الراي صعب محالي*****وعلى صليب الراي دربه تساهيل


الشاعر الكبير محمد بن حشفل


لاهنت وبيض الله وجهك على هذي القصيدة الجزله

وصح الله لسانك ملاااااااييييين يالقرم وعسى عمرك طويل

تقبل فائق احترامي

 

 

 

 

[معلومات العضو محمد بن محسن بن حشفل]

اخواني اللي اطلعوا وعقبوا على هذه القصيده لكم مني وافر الشكر والعرفان ودمتم سالمين

 

 

 

 

[معلومات العضو مبارك الخييلي]

صح ألسانك وجعل يمينك سالمه لما نقشته من أبداع


وفقك الله


تقبل شكري والتقدير

 

 

 

 

[معلومات العضو نايف الخييلي]

صح لسانك وصح لسان ناصر الخضراني قصيد ومساجله جزله