قصيــــــــــده بجميع القبايل

[معلومات العضو شيهانه على كف صقار]

سـلام يالحضـار شـبـان وكـبـار
=تحيـة تظفـي علـى مـن حضرهـا
اخترت انا من صافي الشعـر الاثمـار
=وقطفت مـن زيـن المعانـي ثمرهـا
والشكر كـل الشكـر للنافـع الضـار
=محـي العظـام الباليـه فـي حفرهـا
الواحـد المعبـود للـذنـب غـفـار
=لـو الذنـوب كبـار لاشـاء غفرهـا
ونشكر هل الذمه مـن كبـار وصغـار
ا=للـى الياعاهـدو وفـاء ماعقـرهـا
وكـل القبايـل جانـا منهـم انصـار
=وعيـب علـى اللـى لابـدا ماذكرهـا
اولآد عطـا عـزوة الضيـف والجـار
=عوقت الخصيم اللى طمع فـي ديرهـا
مامنهـم اللـى بعـد ماعاهـدو بـار
=رجـال وفـوا بالطيـب محـد جبرهـا
وجونا الهواجـر لابتـن كلهـا خيـار
=افعالهـم بالطـيـب كــل ذكـرهـا
والمره اللـى للعـداء شـري ومـرار
=عدوهـم عيـنـه تـزايـد كـدرهـا
واولاد وائـل طيبهـم مالـه أحـكـار
=يثقل علـى العـدوان دايـم ضررهـا
والا الظفير اللـى كمـا شعلـت النـار
=لاجاء نهـار الكـون يعـرف ظفرهـا
وشمر هل العـادات عبـده وسنجـار
=اوساع الطعـون اللـى بعيـد نظرهـا
وجونا قحطـان منزحـت كـل غـدار
=قبيلـة خسـران منـهـو غـدراهـا
ودواسـر بالسـود يرعـون الاقفـار
=يـروع الـغـزاي شـوفـت اثـرهـا
وسبعان ذبح الكبـش لضيوفهـم كـار
=وافعالهـم بالطيـب مـحـد حكـرهـا
(((((( وترا بني خالد مضي عنهم ادوار
=اميرهم بيض الحباري حجرهـا ))))))
ولانى بناسي زعب يـوم الدخـن ثـار
=تسعيـن ليلـه زادهـا مـن وبـرهـا
وبنـي رشيـد مطوعـت كـل جبـار
=اقولهـا وعـنـد القبـايـل خبـرهـا
جانـا عداويـن علـى الطيـب ثـوار
=رجالهـم درب الصعـب ماعسـرهـا
وحرب العريقه يوم زوغـات الابصـار
=غاياتهـم بالهـوش نثـرت حمـرهـا
جانا مـن العجمـان وافيـن الاشبـار
=لاجـاء نهـار الكـون تافـي شبرهـا
وامطير حمران النواظـر هـل الثـار
=قبيـلـة يعـتـز منـهـو نحـرهـا
سهول لهـم بالطيـب جـولات كثـار
=وعدوهـم عينـه تـزايـد عبـرهـا
وجانا مـن الحضـران حمايـة الـدار
=اللـى يجيبـون الـدرر مـن بحرهـا
وحنـا عتيبـه لاعتـز كـل مـغـوار
=شيوخنـا ماتتـقـي فــي جبـرهـا
اليـا اعتلـوا فرساننـا قـب الامهـار
=ياقرد حـظ اللـى يجـي فـي نحرهـا
وكل القبايـل ساهمـت مابـه اجبـار
=ا لهم علـى سعـدون بيـض نشرهـا
وصـف القبايـل كلهـا فيـه بحتـار
=الضيق وقتـي قلـت انـا ابختصرهـا
مير اسمحولي ياهـل الطيـب والكـار
=وعتيبـه الله ينصـر اللـى نصـرهـا
وصـلاة ربـي عـد ماطايـر طــار
وعـداد نبـت البيـد وعـدة شجرهـا
=علـى نبـي بالبشـر راحــم بــار
الا اهـل الشـرك الخبيثـه حشـرهـا

 

 

 

 

[معلومات العضو دوســــــــري]

ودواسـر بالسـود يرعـون الاقفـار

=يـروع الـغـزاي شـوفـت اثـرهـا

تسلمين يالشيهانه على هالقصيدة الجزله

تقبلي مروري مع خالص الود والإحترام

 

 

 

 

[معلومات العضو دوســــــــري]

ودواسـر بالسـود يرعـون الاقفـار

=يـروع الـغـزاي شـوفـت اثـرهـا

تسلمين يالشيهانه على هالقصيدة الجزله

تقبلي مروري مع خالص الود والإحترام

 

 

 

 

[معلومات العضو دوســــــــري]

ودواسـر بالسـود يرعـون الاقفـار

=يـروع الـغـزاي شـوفـت اثـرهـا

تسلمين يالشيهانه على هالقصيدة الجزله

تقبلي مروري مع خالص الود والإحترام

 

 

 

 

[معلومات العضو فهدالمحيسن]

مشاركة رائعه

 

 

 

 

[معلومات العضو مبارك الخييلي]

صح ألسانك

اختي الكريمه شيهانه

أبيات جميله

عجبني فيها

قبيلـة خسـران منـهـو غـدراهـا
ودواسـر بالسـود يرعـون الاقفـار

وختاميه جميله أيضاً


وصـلاة ربـي عـد ماطايـر طــار
وعـداد نبـت البيـد وعـدة شجرهـا
علـى نبـي بالبشـر راحــم بــار
الا اهـل الشـرك الخبيثـه حشـرهـا


تقبلي مروري

ولاهنتي

 

 

 

 

[معلومات العضو صبي آل عريمه]

اولآد عطـا عـزوة الضيـف والجـار
=عوقت الخصيم اللى طمع فـي ديرهـا >> اكيد عاازمية ولالك لوم لقدمتي ربعتس

ودواسـر بالسـود يرعـون الاقفـار

=يـروع الـغـزاي شـوفـت اثـرهـا مااقصرتي ولونه بيت واحد والدواسر كلهم قروه واعجبهم

من زينه كرره العضو الدوسري ثلاث مرات

وانا اكثر وااحد اعجبت فيه

والحقيقة عتيبة مالهم الا بياض وجيهم وعوايدهم السمان ومدتهم جزلة مهيب هزلة ~ ~

وهذي قصيدة الشاعر الكبير( راجح بن مشبب المقااطي العتيبي ) التي قالها مثنيا على قبيلة الدواسر

العظيمة ( خطلان الايدي ) والذي نكن له ولقبيلته عتيبة كل احترام وتقدير وهم

( عتيبة الهيلا ذباحة الحايل لطامة العايل)

خيار المبادي طلبة الواحد القيّوم
كريمٍ يجازي راع الإحسان بإحسانه
أساله بحظٍّ مع كبار الحظوظ يقوم
ولطفه وتوفيقه وعفوه وغفرانه
ومن بعد ذا بالعود الازرق وباليشموم
تفوح المشاعر بالتراحيب طربانه
واعبّربنظمٍ كنّه اللولو المنظوم
يقدّم ويسفط في مواجيب سفطانه
هلا مرحبا ترحيبةٍ تسعد المهموم
عدد من يزور البيت ويطوف باركانه
(هلا بالدواسر مزبن الخايف المضيوم) >> المهلي مايولي يابومشبب
كنوز الوفا كسّابة الطيب ميدانه >>> قومه والله طيبك يالقرم
أهل صرح مجدٍ راسيٍ شامخٍ مزموم >>> ماعليكم زووود ياعتييبة والله ماعقب ذي قصيدة
أشمٍّ رست في سبّع الارض سيسانه >> جعل الرخوم فداك وجعل يمناك مايجيها العطب يالذيب
تليدٍ شمخ من زايد وتغلب ليا اليوم >> ياوالله اللي نويت ارد عليك ونا بن ناصر
وهو كلّ بادي شمس يزداد بنيانه
رجالٍ ليا شطّت وجا فالعلوم علوم
سعد عين من هم فالملمّات مزبانه >> اشهد بالله انك رجل ومن صلب رجل
تناخو وفكّو كربة الجاني المحكوم
رهينٍ بحكم الشرع قد قطعت اكفانه
وصل خمسه وعشرين مليون فيه السوم
ولاحسّبو للمال زوده ونقصانه
وجوبه على وضح النقا مكرمٍ محشوم
بعد مااقنعوا بالجاه والمال ديّانه
هذا الماقف اللي ينتورّخ فخر ويدوم >>> يماال السلاامه ياحي الطيب يطربه فعل الطيب
للأجيال بالنوماس والمجد عنوانه
كبار المواقف مالها الاّ ظفر وعزوم
وفعلٍ يبين بحزّة الضيق برهانه
هذا اللي يبين الفرق به بين قوم وقوم
ويبقى بتاريخ العرب طيلة ازمانه
مثل ماحصل يوم الروابع غدنّ قسوم
وعيّا الشريف يكبّ زومه وطغيانه >> لله درك يابطل
بلاهم بجمعٍ كبر جمع العجم والروم
وحنّث على شيخانهم باغلظ أيمانه
يبا اللايذ اللي عقب جاهم هناه النوم
دخيل الوجيه اللي بلغ مبلغ امانه
بغو فيه وليا مار معميه زود الزوم >> مافيه حيلة عياا
مغوّيه شيطانه ومطغيه سلطانه
وعيّا على الهيبات كلّ ابلجٍ شغموم
شنار الحميّا بيّنٍ بين حجّانه
رسوا له بيومٍ هوله يشيّب المفطوم
عبوسٍ يغطّي الشمس عجّه ودخّانه
بدهم الفرنج وطعن كلّ اسمرٍ ملحوم >> والله الوصف وصف فارس بشوف العين
وحدبٍ شباها ينقح الراس بامتانه
وراسه تناهشته سباع الخلا والحوم
وجمعه مع فجوج الخلا طشّّ طيشانه
والاخرى بعد مالجار جاه اجله المحتوم
من جدار بيته ساقوا ديتْه جيرانه
خذوا نعم يوم النعم كايد وله مرسوم
وتتعب مدوّرة النواميس من شانه
أقوله وانا من لابةٍ مجدها معلوم
عتيبه هل العادات للمجد ترسانه >>> كفووووو كفووووو كفوووو وقول وفعل
يوم انّ الحروب شعارها بالفتن مشعوم
ونجد اتّلاطم باحمر الموت جيلانه
أخذناه بطشٍ لابحيله ولابسلوم >> عز الله ماااقلت الا الصحيح
ولاورث جدّانٍ مثبّت بحدّانه
هذا والفخر والطيب بين العرب مقسوم
وكلٍّ بطيبه حافظٍ ورث جدّانه
وصلاتي وتسليمي على المصطفى المعصوم
عدد ماهمل من رايح المزن ودّانه

هذي القصيدة من افضل ماقيل في الدواسر

لاابتي يابني عمي اررفعوها لاعدمتكم والبيض انشروها > الرااجح بن مشبب المقاطي العتيبي

لعنبوااا من قااال ان الريااجيل سوى