مرحبا ترحيبي لسيد العشيره

[معلومات العضو ابن مخيول]

هذا اول موضوع اكتبه بعد ما رجعت من الكويت واعتذر عن انقطاعي في المنتدى واشاالله يعجبكم الموضوع

يقول صاحب القصيده وهو خييلي من اهل الكويت:هذه القصيدة كتبتها في ولدي اللي مسميهة تميم على ابوي ويوم شفته تهيضت وقلت القصيده


مرحبا(ن) تعداد شوقي في غيابـك *** ياصغيـر ماتـوازن فـي مسيـره
مرحبا (ن) لحـد مايرضـا جنابـك *** مرحبابـك والمشاعـر مستثـيـره
جعل عين (ن) سرها لحظة غيابـك *** تحت نور الشمس ماتلقى البصيـره
جعـل عينـي مايعكرهـا ذهـابـك *** جعل فعلك في الملا يلقـى جهيـره
ياتميّـم زم نفسـك فـي شبـابـك *** عزها عن كل نفـس(ن) مستطيـره
عـز نفسـك والمعالـي ادق بابـك*** ماتدورهـا تجـي تحتـك كسيـره
ياتميّـم واسمـك اجلـى مازهابـك *** لو يسمى به ردي طـال الشهيـره
كيف وانت اللي سمي سيف المهالك *** للردي ولكـل مـن يطمـع بخيـره
جدك اللي لو لحق عصر المعـارك *** كان تاريخ العـرب غيـر مسيـره
وفي عمامك تدري وش يعني عمامك *** نـاس ماتتبـع قوانيـن الجزيـره
عندهم خصم الخوي في الحال هالك *** والخوي يلقى السند في كـل ديـره
رجال تشري العـز والعليـا كذالـك *** ودك بقانـون والا بشـي غـيـره
وفي النسب في لابتك ياطيب فالـك *** لابتـك فيهـا الطلايـب مستجيـره
هم هل الشرفا صلاطيـن المعـارك *** هم عذاب الضد في وقـت المغيـره
للتقـى الجمعيـن والغلبـا تـدارك *** رجحو الميزان بسيوف(ن) شطيـره
كاسبين الطيب من عصر الممالـك *** حايزين العـز وعلـوم(ن) كبيـره
وفي خوالك سعد عينك في خوالـك *** هم هنات العيـن للعيـن الضريـره
العميري لانوى فـي هيـه يشـارك *** صاحـت الشيخـان يالله الستيـره
ياتميّـم والمعالـي ودهــا بــك *** ضمهـا لـك لاترجعهـا كسـيـره
ضمها لـك وانـت تفعـل مابدالـك *** كل رجل(ن) مايلاقـي الا مصيـره
هذى قولي يـوم هيضنـي غيابـك *** كني اتعس من مشى وسط البصيره
ويوم شفتك افرح الخافـق وصالـك *** مرحبا(ن) ترحيبتي لسيـد عشيـره

 

 

 

 

[معلومات العضو أبونواف الدوسري]

أخي أبن مخيول

الحمد لله علي سلامتك ولا هنت علي هذه القصيده

وصح لسان أبو تميم عسي الله يحفظ تميم له وأخوانه

آمين

تقبل تقديري وأحترامي

 

 

 

 

[معلومات العضو ابن مخيول]

ابونواف الله يسلمك من الشر واشكرك على ردك السريع

فــهــاد الــخــيــيــلــي

 

 

 

 

[معلومات العضو ابومبارك الدوسري]

ابن مخيول

شكـــري وتقديـــري لك يالغالــــي

على اتحافنـــا بمثـــل هذه القصــــائد الجميلـــه ..


وبصراحــه قصيـــده روعه ..



تقبل مروري ..

اخوك

ابومبارك الدوسري

 

 

 

 

[معلومات العضو ابن مخيول]

والله انت الرائع يا ابو مبارك وانشا الله الخير جاي


فــهــاد الــخــيــيــلــي