حيـــله بدويــه

[معلومات العضو نايف الخييلي]

كانت فتاة على حد من الجمال تدعى رشمه بنت العناد من أهل الجوف

عشقت منصوب بن رشيد آنذاك ويدعى دواس (راعي الصفرا) الذي ولاه ابن رشيد

إمارة الجوف وكان هذا الرجل ذو سمعة طيبه مما جعل رشمه تعشقه فتقدم إلى

خطبتها عدد من الرجال ولم توافق عليهم فقالت لها والدتها :لماذا لا توافقي على

رجل من هؤلاء الذين تقدموا لكي وجميعهم رجال لا يعيبهم

شيئا لعلكي تعشقين بأحداً آخر فقالت أنا أهوى وأعشق دواس فقالت يابنتي

ومايدري دواس بك وبجمالك قالت لا أدري.

قالت الوالده أنا عندي خطه تلفت نظر دواس لك قالت وماهي قالت غداً الصباح

تجملي في أحسن مالديك وإذا خرج الشايب (راضي ابن فاران)من بيته يريد

الذهاب إلى قصر دواس من هنا عانقيه وصبحي عليه بالخير وتمهلي قليلاً كي

ينظر لك وينقل ما رأه من جمالك إلى دواس فحصل هذا بالفعل فعندما دخل

راضي عند دواس وافشى السلام وجلس على غير عادته والرجال يتبادلون الكلام

ماعدا هو ساكتاً فقال له دواس أنت ياراضي عندنا ولكن يبدوا فكرك وقلبك ليس

كذلك فقال قصيدة يشرح بها جميع ما رأه وبعد أن أنهى راضي قصيدته قال

دواس حقاً ما تقوله بهذه الفتاة قال لم أقل ربع مافيها فذهب دواس وطلب يدها

من أهلها وتزوجها .


وقصيدة راضي ابن فاران هي :

قلبي غـدا وأنـا مـع السافهينـي = غـدا مالـه مـدور وعسـاس
الله من شيء نظرته بعيني = بايسر خـزام ودون قصـر بـن دواس
لولاه بنت قلت ياخيويني = ولا قول المهـا بـارض الاطعـاس
قلبي هبيل مطلبه كل زيني = شهوة بـلا عقـل جـداراً بـلا سـاس
وتر المنى هو تجرة المفلسيني = سـراب قيـض والملازيـم يبـاس
ولو المنى حطك بكور الهجيني = وقطع بك الديان من فوق عرمـاس
ونحاش عن الكفار والمسلين = بسهيله غيـر الضبـا مابـه أونـاس
واخذ من اشفات الغضي حبتيني = والثالثه مرصوعة تقعـد الـراس
اللي شواني والعرب سالميني = شوي اللهيب لحب صنعا بمحمـاس
اليا صرت مسكين ضعيف حزيني =وقمتي تجريني بمدموج الامراس
العين عين اللي تقود الفنيني = اليا صار له مع تالي الفـرق لسـاس
والراس ذيل اللي تكف الكميني = يامن سلطان الجبل قـاد الأفـراس
وأنا وردت وصدرهم عاقبني = من يمهم غـزوي تبشـر بالإفـلاس
ودي بشوفه مارهي ماتبيني = هي منوتي شوفت خياله مـع النـاس
بنت القروم وعزوته طيبيني = ومجاذبه بالطيب مـن كـل الأجنـاس
راحو فوات قيمة الأربعيني = وتسعين اللـي صوبـت غيـر دواس
يابنت حطي لك شهود وضميني = وجميع ماقلتي نحطه على الـراس
نجيب لك عقيل وموثقيني = وردي علي عقلـي بمـا قالـوا النـاس
تخلف ثقيلات القلوب الرصيني = ومن شافها يقضي من العقل والباس
اليا شافها اللي تايب له سنيني = يسفه وتنهـج توبـه عيـن المـاس

 

 

 

 

[معلومات العضو فيصل بن جزاء]

ابن العم والمشرف القدير

نايف الخييلي

لاهنت على نقل هذه القصه والقصيده الرائعه

بيض الله وجهك على مجهوداتك الطيبه

تقبل خالص التقدير والاحترام

 

 

 

 

[معلومات العضو نايف الخييلي]

المشاركة الأصلية كتبت بواسطة فيصل بن جزاء

ابن العم والمشرف القدير

نايف الخييلي

لاهنت على نقل هذه القصه والقصيده الرائعه

بيض الله وجهك على مجهوداتك الطيبه

تقبل خالص التقدير والاحترام

ابــو جـــزاء

مرحبــا تراااحيب المطــر شــرفني مــرورك الجميل . ووجــهك ابيض يالغالي


تقبــل ســلامي الخاص لكــ

 

 

 

 

[معلومات العضو سعد المقابله]

((ان كيدهن عظيم ))

لاهنت يالغالي

 

 

 

 

[معلومات العضو يحيى الودعاني]

لاهنت أخوي نايف وبيض الله وجهك

قصة طيبة جداً

خلك على هل وزنه

 

 

 

 

[معلومات العضو العماني]

لاهنت يابوفهّاد على السالفة الطيبه وودك ان منصوب ابن رشيد خطب البنت للشايب ابوقلب اخضر اللي حرقت قلبه البنيّه

تقبل تحياتي،،

 

 

 

 

[معلومات العضو صالح الجعيدي]

الأخ العزيز/ نايف الخييلي ،،،

لاهنت على إيراد القصه والقصيده الرائعه ،، بيض الله وجهك على مجهوداتك الطيبه.

مع خالص التحية و الاحترام ،،،

 

 

 

 

[معلومات العضو ابن وتيد السباعي]

من كان له حيله فليحتال

اقووووووووووووووول انشهد انها عاشقته

لاهنت يالقرم على هذه القصه الاكثر من رائعه

دائم وانت مبدع جعل عمرك طويل.

 

 

 

 

[معلومات العضو ابومبارك الدوسري]

المشرف القدير // نايف الخييلي

يعطيك العافيه ولاهنت يالغـــلا

علي هالقصه والقصيدة

وتسلم اناملك اللي أختارت

تحييييييييييتي

خلف الدوسري

 

 

 

 

[معلومات العضو المـزوون]

حيــلة بــدويــه ... ههههههههههههههههههههه واللـه وضبطت حيلتهاا ..

قصــه حلووو .. والقصيــده احــلى .. وارووع .. يعطيــك العافيه .. خيي .. نايف الخييلي .. وسلمت يمناك.. ولاهنت ..


تقــبـل ..مروري .. مع التحيـــه ..


المـزوون ..

 

 

 

 

[معلومات العضو نايف الخييلي]

المشاركة الأصلية كتبت بواسطة سعد المقابله

((ان كيدهن عظيم ))

لاهنت يالغالي

ومن قال مايهــان

وشــرفني مرورك الجميــل

 

 

 

 

[معلومات العضو نايف الخييلي]

المشاركة الأصلية كتبت بواسطة يحيى الودعاني

لاهنت أخوي نايف وبيض الله وجهك

قصة طيبة جداً

خلك على هل وزنه

ووجـــهك ابيـــض يابن العـــم


مرورك الجميل أعتز به وحيـــاك الله يالغالي

 

 

 

 

[معلومات العضو نايف الخييلي]

المشاركة الأصلية كتبت بواسطة هايف العماني

لاهنت يابوفهّاد على السالفة الطيبه وودك ان منصوب ابن رشيد خطب البنت للشايب ابوقلب اخضر اللي حرقت قلبه البنيّه

تقبل تحياتي،،

ارررحـــب يابــو مبــارك

وعـــز الله انــك صــدقت الشايب على هالقصيــده اللى قالها ودكــ انه هو اللى خذهــا

 

 

 

 

[معلومات العضو نايف الخييلي]

المشاركة الأصلية كتبت بواسطة صالح الجعيدي

الأخ العزيز/ نايف الخييلي ،،،

لاهنت على إيراد القصه والقصيده الرائعه ،، بيض الله وجهك على مجهوداتك الطيبه.

مع خالص التحية و الاحترام ،،،

ووجـــهك ابيض يالغالي

ومن قال مايهان يابن العم صالح الجعيدي .. مرورك على الموضوع يشــرفني ويسعدني


لكـ مني تحيــه خاصــه

 

 

 

 

[معلومات العضو نايف الخييلي]

المشاركة الأصلية كتبت بواسطة ابن وتيد السباعي

من كان له حيله فليحتال

اقووووووووووووووول انشهد انها عاشقته

لاهنت يالقرم على هذه القصه الاكثر من رائعه

دائم وانت مبدع جعل عمرك طويل.

يا مرحــبا والله بابــن وتيـــد

هــذا الموضوع المبارك اللى شــرفني بمــرورك المشــرف واللى أعتز به يالسنافي

وحيـــاكـ الله يالغالي