أجرمت يالبنان في نظمك القاف!!!

**معلومات** **العضو** · 03-01-2007, 12:16 AM

قصيدة منقولة للشاعر مشعي بن بريكان تتكلم عن شاعر المليون ولجنة التحكيم الغير عادلة بخصوص نقدها لقصيدة الشاعر: لبنان الدوسري فإليكموها:-

"لبنان" عيـبٍ مانظمتـه وتلقيـه=اجرمت يا "لبنان" في نظمك القاف
كصايـدك صعـبٍ علينـا نغنيـة=حتى تصير القاف في نطقها كـاف
"لجنة"خبيرة مـن عجبنـا نزكيـة=كل واحدٍ منّا يشرشـح ولا خـاف
كيفي ونفـذ كـل شـيٍ وسويـه=ورفعة عقالي كل شخصٍ لها شاف
ماهمني ماقيل فـي ذمتـي هيـه=حنّا اتفقنا نجعـل الشعـر ينعـاف
يالجنة المليـون ذالنقـد صفيـه=نقدٍ بلا معنى ترى منطقـه جـاف
"يافاقدة" ذا النقـد تكفيـن خليـه=ماظن فاقد يصبح اليـوم صـرّاف
"الذيب" خلاكـم وهـذي حراويـه=انا اشهد انه"ذيب"للمهزلـة عـاف
"لبنان"واجب كـل شاعـر ايحيـه=انصاف يبغي منكم اليوم انصـاف
"لبنان" شاعـر وافيـاتٍ معانيـه=حتى ولو صابه من اللجنة اجحاف

الجدير ذكره إن الشاعر : لبنان الدوسري تأهل للمرحلة الثانية من هذا البرنامج بفضل الله أولا ثم شاعريته ثم بدعم أبناء القبيلة ومحبيه ونتمنى له التوفيق في المرحلة القادمة ونقول:- الله معك يالبنان وحنا معك و(فالك التوفيق) يالبنان.

**معلومات** **العضو** · 03-01-2007, 03:00 AM


	صح السااااااااااااااااااااان الشاعر 0 وتسلم يمينك ياماجد 0 وعز الله انه جاب الي بالخاطر0 وولد عمنا بيض وجيهنا بقصيدته وتواجده0 وان شاء الله يواصل للاخر0 مشكوووووووووور يالقرم ولك وافر الشكر والتقدير0

**معلومات** **العضو** · 03-01-2007, 05:21 AM


	ابن العم / ماجد الدوسري الله يعطيك العافيه على نقل القصيده وصح لسان الشاعر وانشاءالله ولد عمنا لبناااااان يكون رقم ( 1 ) في شاعر المليون وهو اهل لـذلك

**معلومات** **العضو** · 04-01-2007, 05:03 PM

كصايـدك صعـبٍ علينـا نغنيـة=حتى تصير القاف في نطقها كاف

ههههههه

اخوي و شاعرنا الكبير/ ماجد الدوسري

الله لا يهينك على نقل هذه القصيدة الجزلة والمعبره

وانا بإعتقادي ان هذه القصيدة تتكلم بلسان اي واحد يتابع البرنامج

وبعدين واخيرا..

اللعبه مكشوفه هم يبون الجائزة لشاعر اماراتي

وفي تصريح سمعته البارح للساعر / لبنان ال منّيع

يقول انه من بداية تسجيله وهو غير راضي عن مستوى الللجنه

وذكر ايضا انه يهدي فوزه للسعوديه عامه

وللدواسر بشكل خاص

وتقبلوا تحياتي

**معلومات** **العضو** · 24-01-2007, 12:37 AM

صح الله لسان الشاعر مشعي بن بريكان ولاهنت اخوي ماجد على ايرادها بيض الله وجهك

تقبل تحياتي،،

**معلومات** **العضو** · 24-01-2007, 11:26 AM

صح لسان أبن مشعي

ولاهنت علي نقل القصيدهـ

تحيتي

**معلومات** **العضو** · 24-01-2007, 02:32 PM

صح لسانك

ومشاركة جميلة تشكر عليها

**معلومات** **العضو** · 28-01-2007, 08:54 PM

للرفع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية