من اعلام الشعر النبطي..الشيخ الجواد حجرف الذويبي

[معلومات العضو عاشق سراب]

	(¯`·._(* من اعلام الشعر النبطي *)_.·°¯) الشيخ الشهم الشجاع حجرف الذويبي هو حجرف بن عياد الذويبي من شويخ "بن عمر " ومن مشاهير رجال قبيلة حرب .. وما ان يذكر الذويبي .. حتى يذكر الكرم المنقطع النظير بين كل القبائل فقد كانت له شهرة لا تجارى بالجود والكرم فهو يعطي كل ما يملك ومن روائع ما رواه الرواه عن كرم هذا الرجل الفذ حكاية لها قصيدة اشتهر بها حتى طغت هذه القصيد على بقية اشعاره بالانتشار بين الناس .. فقد بلغ الكرم بحجرف حداً كبيراً لدرجة أنه يخرج من كل مايملك صفر اليدين أكثر من مره وفي كل مره كان قومه يجمعون له له المال ويعطونه اياه فتره فينفقه ويعود كما كان .. وفي احدى المرات اجتمع راي عشيرته على تلقينة درساً لكي يمسك يده .. فتعمدوا الرحيل وتركوا شاعرنا وليس لدية مايرحل عليه فاخذت ام اولاده تعذل عليه وتكثر اللوم فضاق واعتلى راس جبل وهناك راى ثعباناً اعمى امام جحره يفتح فمه فياتي طير من السماء ويحط في فمه فيلتهمه الثعبان ويعود لجحره راضياً وكانت هذه آيه من آيات الله وخير دليل للذويبي على ان الله عز وجل لن يتركه فالكريم حبيب الله .. ان رب هذي الحيه لن يتركه فقال هذي القصيده وهي يقول بن عيّاد وان بات ليله=رزقي على اللي ماتحاصى فعايله قال الذويبي والذويبي حجرف=مثايلٍ من لبّة القلب قايله ماني بولد هدلاٍ ليا قلّ كيله=جرف باهل بيته وضاقت محايله انا ليا ضاقت عليّه تفرجت=ماني بهلباجٍ همومه تكايله يرزقني رزاق الهوايش بجحرها=لاخايلت برقٍ ولاهي بحايله يارزق غيري ياملا مايجيني=لاجم هيافا معتلينٍ رحايله ولاني على رزقي بخبلٍ لغيري=ورزقي يجي لو كل حيٍ يحايله تشب نارٍ يجذب الضيف ضوها=وان خبتت زدنا حطبها سقايله والله مانكره ضيوفٍ ليا لفوا=صعلوك والا من معالي حمايله وحلّيت في داري خلاوي لحالي=وترى الفرج مضمون والرب قايله وذبحت انا سبع الركايب لاهلها=في حزةٍ عيّا على الزاد كايله ربعي قبايل حرب ياقل مالي=لاركبت غبر السنين وشحايله اللي وقد بمراح تسعين عاقر=وشكرت انا منها جزايل فعايله وربعي قبايل حرب حرابة الدول=كم دولةٍ راحت فخرها فشايله طهمان ياشه يوم شاف الحرايب=رماح وسيوف تلظى فتايله وياشة طيره قام تسعين ليله=ثم انهزم للترك يشكي بلايله وهذي قبايل حرب ياجاهلٍ بها=كم دولةٍ راحت توقّد غلايله وفضنا على نجدٍ وناسٍ ونيسه=الى انتحى جنوب والا شمايله يشهد لنا وادي الرمه مع جوانبه=هذي عدوده باقياتٍ مثايله نوبٍ نحدّ الغير ونوبٍ يحدّنا=واللي خذوا منّا خذينا بدايله تسعين قريه ماخذيناه بالثمن=كسبٍ بالايدي يوم الايدين طايله لي لابةٍ فرسان تدري بها العدا=ندبها قومٍ على الدرب عايله ويومٍ بوادي الدوم لاعاد ماجرى=اليوم يجري من معالي مسايله وعينيك يازادي الرمه علك الحيا=حوراً ترّزم شربها من ثمايله ترعى بامان وكنّ ابازيد قدمها=السيف باليمنى وبها الغيض شايله وبالمساء بعد أن فرغ حجرف من قصيدته عاد لبيته وإذا هو محاط برعية إبل كاملة فظن أنهم ضيوف واحتار من أين يأتي سبحانه له . . . عقلها في الصباح ورحل عليها وتبع قبيلته التي تعجبت من حال الذويبي فأين كان وأين أصبح ولما عرفوا القصة لم يعودوا ثانية لمعاتبته على كرمه ، تحيــــاتي عاشق سراب

 

 

 

 

[معلومات العضو عبدالرحمن الشرافي]

والله مانكره ضيـوفٍ ليـا لفـوا=صعلوك والا من معالـي حمايلـه

الله الله .... أشهدنه شييييخ

ربعي قبايل حـرب ياقـل مالـي=لاركبت غبر السنيـن وشحايلـه

كفووووووووووو والله بـــ حرب


المبدع ابن العم / ابو راكان


الله يبيض وجهك

ولاهنت لاهنت لاهنت


على هذا الابداع المتواصل والجزل

وشكر خاص على الاختيار الرائع للشاعر الجواد / حجرف الذويبي (( رحمه الله ))



وتقبل مني فائق الالتحية والتقدير

اخوك الصغير / عبدالرحمن الشرافي

 

 

 

 

[معلومات العضو عبدالله أبن مصلح]

الغالى / عاشق سراب
قصيده قمه , لانه كريم وكرمه ماهوب لناس من دون ناس هذا والله الرجال اللى على , حجل واحد .
بيض الله وجهك يالقرم
اخوك / سعود

 

 

 

 

[معلومات العضو عاشق سراب]

	(¯`·._(* أخي الغالي*)_.·°¯) ابوسالم نورت وشرفت من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو عاشق سراب]

	(¯`·._(* أخي الغالي*)_.·°¯) سعود نورت وشرفت من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو نايف الخييلي]

يرزقني رزاق الهوايش بجحرهـا= لاخايلت بـرقٍ ولاهـي بحايلـه

بيــت شهيــر ومعناه كبير لشيــخ معروف


فالله يعطيــكـ العافيــه ياخوي عاشــق ســراب

 

 

 

 

[معلومات العضو عاشق سراب]

	(¯`·._(* أخي الغالي*)_.·°¯) نايف الخييلي نورت وشرفت من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب