بانت سعاد00

[معلومات العضو محمد فراج الدوسري]

إلي نسى جاهي بنسّيه وجهي=وعلمّه إن القرابه لها جاه
بذّات من مثلي بيامر وينهي=على السرايا والشواريد بحماه
وشهي العزايم يا ولد قِنّْ وشهي=كلٍ عل شكله وكلٍ على ماه
سيفي على حدين ما نيب شرهي=إلاّ لقبّات المراجل تعداه
ودّه بحقراني وودّه بسفهي=والحق مايشهد به الفعل وعداه
بانت سُعاد وبيّنت لي وبرهي=لو قلبها المتبول تيّم أبحداه
انا على الصدّات مانيب كرهي=مير إن حبل الوصل ما أقطع رشاه
أدخل على الله ما أعرّيك وجهي=وما يستحق الجاه إلا هل الجاه

 

 

 

 

[معلومات العضو (*)الريم(*)]

السلام عليكم والرحمة

الشيخ محمد الدوسري

صح لسانك ... واعتلا شانك بصراحه حلوه القصيده مررررررره لا هنت ولا هانت قوافيك

احب نوعية الشعر اللي به اقتباس مثل البيت اللي على ما اعتقد فيه اقتباس من

شعر كعب بن زهير في مدح الرسول عليه الصلاة والسلام .. بارك الله

ودام عز الدواسر

الريــــــــــــــــــم

 

 

 

 

[معلومات العضو فهد الغريري]

الشاعر العزيز : محمد فراج الدوسري

صح الله لسانك وسلمت يمناك على هذه القصيده

قصيده جزل من راس جزل

وتقبل ارق التحايا


اخوك / فهد الغريري

 

 

 

 

[معلومات العضو الذيال]

أخوي محمد الله يعطيك العافية :

بذّات من مثلـي بيامـر وينهـي=على السرايا والشواريـد بحمـاه
وشهي العزايم يا ولد قِنّْ وشهـي=كلٍ عل شكله وكـلٍ علـى مـاه

اسمح لي بإبداء رأيي أن المكتوب أعلاه ( غير واضح المعالم لمن يتذوق الشعر ويحبه ويغور في معانيه وأوزانه ) !!

أدخل على الله ما أعرّيك وجهـي=وما يستحق الجاه إلا هل الجـاه

كما أستمحيك عذراً في القول أن البيت السابق هو بيت القصيدة وهو بيت رائع بكل ما تحمله الكلمة من معنى ................ وصح الله لسانك
والله يعطيك العافية على قبول تعليقي المرفق به عذري عن أي قصور
ولك محبتي ،،

 

 

 

 

[معلومات العضو العماني]

الشاعر محمد بن فراج الدوسري

صح الله لسانك ولاهنت على الأبيات الرائعه

تقبل تحياتي،،

 

 

 

 

[معلومات العضو رعاد]

انا على الصدّات مانيـب كرهـي
مير إن حبل الوصل ما أقطع رشاه


صح الله لسانك ولاهنت على الأبيات الرائعه