(((( ديوانيـــــــــــــــــــة قبيلة الدواسر )))))

[معلومات العضو ابومبارك الدوسري]

المشاركة الأصلية كتبت بواسطة حسن مسرع الدوسري

شكرأ لك يبو بروووووووووووووووووووووووووووووووووك على ماتقدمه من اطروحات وافكار جديده
سجل إعجابي فيما تقدمه للأبد

جمرة وفا شبيتها لازرق العود/* /من شان تبقى ريحته فيك تختال
وشبيت نار سامرت نفحة النود/* /وولمت لك دله وصبيت فنجال







الصحفي القدير// أبوسعود

يعطيك العافيه ولاهنت على المرور

اللي يسرني واسعدني حيل

وهذا من ذوووقك يالغالي


تحيتي

خلف الدوسري

 

 

 

 

[معلومات العضو ابومبارك الدوسري]

المشاركة الأصلية كتبت بواسطة خـالد الودعـاني

مشكــور اخوي خــلف وماقصــرت وموضوع
تستحــق الشكر عليه وحـــبت خشــم
وهذي الروابط لعيونـــــك ولعيون الاعضــاء والمشرفين

http://khalidabdulrahman.net/pom/f1/30.ra

http://khalidabdulrahman.net/pom/f1/6.ra

http://khalidabdulrahman.net/pom/f1/18.ra



تقبلووو تحياتي واسمحوولي على القصوور

خــــــــالد الودعــاني

جمرة وفا شبيتها لازرق العود/* /من شان تبقى ريحته فيك تختال
وشبيت نار سامرت نفحة النود/* /وولمت لك دله وصبيت فنجال





خالد الودعاني

هلابك يالغالي ملاااييين

العفو عزيزي والله لايحرمني منك ولا من اللي مثلك

وما أعذرك أخوي لازم أشوفك ثاني مررة في الديوانيه واللي تجيبه ونستفيد منه

وألف شكر يالغالي علي هالأهدائات لابونايف

وتسلم يمينك


أحترامي وتقديري

أخوك

خلف الدوسري

 

 

 

 

[معلومات العضو ابومبارك الدوسري]

يا هلا والله بالي لفونا يا هلابهم

انا جايكم اليوم وجايب معي كلمات لبعض كلمات ماغني خالد عبدالرحمن

وأهدي الأولي لخالد الودعاني

خيوط الأمل

من عافته نفسك ترانا نعافه

أنا على شـفك وخذني على الكيف

من الوصــل تقصـــر عليك المسـافـه

أقـرب مـن المتكي على معنز الضيف

نفسٍ يمـوت بها الرجا.. يا حسـافه

أضعف من الشعره على مقطع السيف

واللي قضب خيط الامل..لا وشافه

حـظـه يقــوم أقـداذ مـن غير تكـليف

انت الـذي بـــرقــه عـلينـا كـشـــافـه

البـرق والـهـتـان جـــا عـقبـه الـطــيف


ودي تشوف الهم

ودي تشوف الهم وش لون سوى
في حال من حبّك على غير مصلوح

جـرحتني جـرح جديدٍ تلـوّى
على خفـوقٍ منك بالحيل مجـروح

وسـويت بي شيٍ ما ينتسـوّى
وأقـول يا سـيد المماليح مسمـوح

لـيتك بـزلاتـك علي تـروّى
يـوم ان حبي لك من الروح للروح

إن كان حبـل وصالنا ماتقـوّى
الله يعين عيون (سامر) على النوح

لا يا بعد من جابواآدم وحـوّا
خطاك مهما صار منسي ومدمـوح

ليتك دخلت بداخل القلب..جـوّا
حتى تشوف بعينك الجرح ..وتروح

 

 

 

 

[معلومات العضو ابومبارك الدوسري]

.,.



يقــآل::




! .. المعادن .. تنكشف .. وقت المصايب .. والنفوس .. أما زكايا .. أو عطيبه .. !

 

 

 

 

[معلومات العضو ابومبارك الدوسري]

أبيات أعجبتني

لاتتصل / ماني على . الصـوت شفقـان ******** وفـر، كلافـة عنـوتـك. واتصـالـك


اللي زعل يبقى على طـول / زعـلان ******** ومشكور ماقصـرت يكفـي سؤالـك؟؟


مامشي ورى المقفي لو كـان ماكـان ****** اعز نفسي ، صـوب/ رغبـة وصالـك


صحيح أحبـك مولعـاً فيـك هيمـان ******** وصوتـك يسافربـي/ لـ عالـم خيالـك


لكن حبـي لـك لـه اربـع أركـان ******** من دونهـا عنـدي، قصيـرهـ حبالـك


عزي ؟ وفهمك ؟ كلمتي ؟ وزود حنان ******* وايضاالوفا وأبشر بقلبـي وفالـك


وأنكـان ناويهـا صـدوداً وهجـران ******** لابـوك، لابـو/ الحـب لابـو هيامــك


ماقد سمعـت بـذل أنسـان لـ انسـان ******** منـي خـذهـ/ لاتسمعـه، دوك جـالـك


لاتحسبني شخـص بالسهـل ينهـان ****** منهـو نواهـا محاولـه صـار هالـك


لاتتصل ماني على الصـوت شفقـان ******* وفـر كلافـة عنـوتـك / وأتصـالـك


اللي زعل يبقى على طـول زعـلان ******* ومشكور ماقصـرت يكفـي سؤالـك ؟؟

 

 

 

 

[معلومات العضو ابومبارك الدوسري]

؛؛

؛

أستمتع بهذه الديوانية..وبما فيها من جمــال..!

 

 

 

 

[معلومات العضو ابومبارك الدوسري]

لقد تعلمنا في المدرسة ونحن صغار

أن السنبلة الفارغة ترفع رأسها في الحقل ,وأن الممتلئة بالقمح تخفضه

فلا يتواضع إلا كبير , ولايتكبر إلا حقير

[ علي الطنطاوي ]

 

 

 

 

[معلومات العضو ابومبارك الدوسري]

لاتجعل الماضي يعيقك ، سيلهيك عن الأمور الجميلة في الحياة
,,,
,,
,

ماذا ستفعل حينما يكون الشخص الوحيد القادر على مسح دموعك
هو من جعلك تبكي ؟

سؤال لاينتظر اجابه

 

 

 

 

[معلومات العضو ابومبارك الدوسري]

ذكـاء صبي وغباء شعـب

--------------------------------------------------------------------------------

ذات يوم اراد رجل عجوز ان يجدد حرث ارض حديقة منزله في احدى القرى الفلسطينيه


ليزرع فيها البطاطس ففكر بإبنه الوحيد الذي اعتقلته القوات اليهوديه منذ شهور لانه


كان العون الوحيد له في مثل هذه المواقف بعد الله تعالى


فما كان منه ألا أن كتب رساله لابنه يعبر فيها عن اشتياقه له وتمنيه ان يكون بجانبه


ليعاونـه في زراعـة الارض


بعد ايام تلقى الاب رساله من ابنه يحذرهـ فيها من ان يحفر حديقـة المنزل لانه دفن


اسلحه فيها بعد يومين داهم الجنود اليهود منزل الشيخ واتجهو نحو الحديقه وقاموا


بحفرها بحثا عن السلاح الذي جاء ذكرهـ في الرساله ولكن لم يجدو اي شيء فخرجوا


من المنزل بعد ان قدموا خدمه حرث الحديقه للشيخ دون ان يشعروا بعد ايام استلم الشيخ


رساله من أبنه يقول فيها الان يمكنك يا ابي ان تزرع البطاطس هذا اقصى ما يمكنني ان


اقدمه لك فارجو ان ترضى عني ;


للـــه درهـ من فتـى

 

 

 

 

[معلومات العضو ابومبارك الدوسري]

من سوآلــف الـشـرهــآن

--------------------------------------------------------------------------------

شخصياً انــآ من أكثر المتــآبعين للرآوي محمد علي الشرهــآن وقريت له عدة قصص وحكــايــآ وحبيت أنقل لها لأحبتي


مرة من المرات دعيت إلى حفل وقالوا لي يا أبو خالد، وش عندك آخر الأسبوع هذا، قلت والله ما عندي شيء،
قال: نبيك تجينا في مكان ما بعيد (من ديره إلى دير)
قلت: طيب على شان؟
قال: فيه حفل مهم وترى اللي بيحضرون في الحفل شخصيات كبيرة ونبيك تشارك مع اللي مشاركين في الحفل تشارك معهم يعني بشيء من محفوظاتك ورواياتك من الشعر الشعبي، قلت: إن شاء الله خير متى تبون؟ قال: الأربعاء والخميس والجمعة تحضر عندنا،
قلت: طيب، فعلاً جهزوا لي تذكرة وكل شيء وتجهزتع قلت من هم اللي بيجون في الحفل قال يبي يجي في الحفل ناس كبارية وشخصيات وناس أهل مقامات عالية ولازم تجهز
آه يوم دريت أن الموضوع كذا قلت لازم أجيب شيء يواجه مقامهم فوالله استرجعت وحاولت أتذكر السوالف الزينه والذربه واللي شواهدها قصيد، قصيد جزل وزين خاصة من القديم لأن أنا أكثر اللي أحفظه كله من الشيء القديم،
والله وتجهزت وكل شيء وآخذ بشتى معي وأطلع للمطار وأروح الحاصل يوم إني وصلت المطار تلقاني واحد في المطار وداني أول شيء للأوتيل وقال خلك هنا الين نبي نزهمك إلا جاء مسيان الحفل يبدأ في الموقع الفلاني قلت طيب وصف لي موقع الحفل قال تغد هنا وارتح وإلا منك خلصت تجي لموقع الحفل شفه في المكان الفلاني فعلاً يوم جاء مسيان بعد صلاة المغرب والبس البشت واتزهب واجيك لموقع الحفل ويوم جيت والاهم حاطين بيت شعر كبير بيت الشعر هذا مثومن والاقدام بيت الشعر من الجهة اليمين موقفين فرس عليها دشن ومجهزه هالفرس كأنها من خيل الأولين وعلى اليسار بجنب بيت الشعر هذا بعير عليه سفايف وخروج وراكبه واحد شكله يبين كأنه مظهر حياة بادية أو شيء من التراث القديم، وصافين في بيت الشعر صحينات مثل الصياني الصغيرة بس أنها صغار عليها تمر واقط محطوط يعني كل شيء تراث قديم وفيه واحد عنده دلال،
صفة دلال رسلان وجنبه واحد معه ربابه يحميها على الضو ويرجعها ويجربها قلت هذا موقع الحفل جيت وسلمت عليهم ولقيت الشمرف على الحفل اللي قال لي تعالى وقلت بيائك شعار غيري يعني ناس معهم شعر لأني أنا من الحفاظ أنا نيب شاعر قال إيه فيه يبي يجي ناس، جاء راعي الربابة قعد يجهزها ويدوزنها ويحضرها وتحضر قال لا بعد شوي يبي يجي فيه عرضه وما عرضة قلت عجيب وناس يلعبون بالسيوف وناس لابسين مرودنات قلت بدأ الحفل لكن أطالع الجمهور هالي جايين لأنه في مكان عام وكلن يدله هالحفل ذا تقريباً يمكن الدخول أنه برسوم أو بشيء لكنه معلن عنه على أساس أنه يصير الحفل هذا كله من التراث ها وبدأ الحفل وأطالع إلا فيه ثلاثه لا ينات ثلاث صفوف صف هنا وصف هنا عريض في الوسط كراسي أول شيء كنب وبعدين كراسي عايديه ولكن الميكروفونات موزعه هنا يمين ويسار بحيث اللي يتكلم من هنا يسمعونه اللي في الجهات الثانية كلها،
يوم صلينا العشاء أطالع يوم بدو الناس يجون ويتجمعون لكن كان فيه بروفات قصايد تلقى بالمسجل وكان راعي الربابه يجربها شوي والناس هذولا يجتمعون لكن المكان فيه انضباط وفيه أمن وفيه كل شيء أطالع يوم برقت ولا والله تقريباً سبعين بالميه من الحضور أكثرهم نسوان وخاصة اللي في الصفوف الأولى عليه عجز كبار لاحظتهم أنا يعني قليل في الشابات وذا متأخرات ووراء كل مثلاً أربعة خمسة بينهم إما رجال وإلا والد وإلا شاب مثل القيم، المهم بدا الحفل يوم درينا يوم جوحقين العرضه وبدت العرضه وقاموا يلعبون بالعرضه ويهزعون وكل شيء خلصوا وجا واحد والقي له أبيات غزلية قصيدة قام راعي الربابة هذا يغني أغاني مسحوب وما مسحوب من كل شكل، الحقيقة أنا عندها جيت لرفيقي قلت له يا خوي تعال وين أنت تقول أن اللي يبي يجي أعيان وشخصيات وناس يعني كباريه هل حين ما نيب أشوف إلا نسوان هنا قدامي أكثرهم تقريباً قال إيه يا رجال ميخالف أنت لا تصير عاد مره عكر قلت وش قون: قال: أترك القصائد المطوله واللي تعلق بالتاريخ دور لنا شيء يضحك والا شي يفرفش يوسع صدورهن ولا تزود بالحيل يعني شيء خفيف ولا عليك منهم،
قلت بس يا خوي أتت قايل لي كذا وأنا اللي أنا حفظه غير مايناسب المقام ذا قال: لا لا يبي يسهل الله سكت والا أني عاني من ديره جاي لديره صعبه المسالة أقول لا بعد أطالع راعي الربابه هذا ولاه بعد مثلي يغني أغاني ما تناسب المقام ذا كل اللي هو يغنيها الحان عسره الله يفهمونها أهل الربابه وأهل القصيد الكايد الثقيل يعني مثلاً يغني صخري ومسحوب وهجيني وما أدري ويش والربع اللي حضرين يبون شيء على النغمة الخفية وعلى الرتم الخفيف خلص هذا وحطو الغاز مدير يوش قال هل حين ترى حنا نبي نقدمك قلت أجل لا تقول اسمي قل مع فقرة شعبيه وبس قال: طيب يوم أني برقت والله وطالعت وإلا أكثر الحضور مثل ما ذكر تعجز كبار الواحده ما تقوم إلا عاضه برطمها من العافية وكبار ومتفرقات يمين ويسار معهم البيبسي وهالحال وهالفيشار
قال: ترى نبي نقدمك هالحين، قلت: طيب لا تقول شيء قل مع فقرة شعبيه وبس قال طيب حطولي طاولة وحطوا عيها كاس ماء وحطوا جنبها ميكرفون جيت أنا وتقدمت قلت السلام عليكم ورحمة الله وبركاته يا أخواني ويا خالاتي أنا أبقدم لكم سالفة وقصيدة أن أعجبكم الحمد لله، وإذا ما أعجبتكم ترى ما هوب عيب لا قلتوا اذكر الله والا رح لا هلك ترى مانيب زعل قالوا يطب دام هذا علمك الساعة المباركة الله يحيك أنا الحقيقة يوم برقت وإلاها العجز الكبار السن اللي قدام وذا يعني لو يجيب مثلاً قصيدة أو سالفة فيها غزل أيي استحي أجيبها قدام هذ ولي وأنا قدامهم وجه لوجه فتحمدت من ابصاري ولقيت أن ما فيه أحسن من هالسالفة وها القصيدة قالوا سمعنا قلت الساعة المباركة هالحين يا خالاتي،
بعض كبار السن من أفراد المجتمع إلا من الله سبحانه وتعالى رزقه ووسع عليه أو مثلاً محصل له مكسب جيد في بيعه في صفقة جيدة يبيع ويشتري جعل الحلال واحد والا مثلاً شاري له أرض كبيرة ووزعها وباعها وحصل فيها خير أو مثلاً جايه ورث أو أنه جايه حلال عنده حلال واجد وهو كبير هالحين كبير كل أعماله اللي هو سواها في هالسنتين التالية ونعم صحيح أنه ساهم في مشروع المدرسة الفلانية هذا مشروع خيري و(كثر خيره) صحيح أنه ساهم في بناء المسجد الفلاني ونعم شرى لعياله سيارات (كثر خيره) و(بيض الله وجهه) طلع نسيبهم من البيت الطين اللي هو كان فيه تعبان وحطه في فليله صغيره وذفه ولابقه (بيض الله وجهة وكثر خيره)
لكن ها إلا أوفي له مده قام يخمبق ويمين ويسار وش لون؟
ها ينسى طويلة العشرة أو عيليه الأوله اللي صابرة عليه هاك الحين يوم فقره وغثاه ويون أنه هاك الحين يتمنى أنه يركب الحمار هالحين معه شبح ناظر وش طوله ينسى هالعلوم هذي كلها ويروح مثلاً ويلقى له مثلاً بنت عانس عند أهلها وإلا يطير لأحد هالدير القريبة ويجب له بنت وهو في الكبيرة راح قام على روحه تصبغ ولبس له صديريه وما أدري ويش وتزين وكل شيء واطمر وراح لحداها لدير،
همن جاب له مره بنت ما هي في سنه حطها لها في شقه وهذا صحيح أو يعني متبهج وحليل وزين لكن الا أو فاله مده وتبين عليه الأمور من ناحيتين أوشيء نسى طويله العشره أم عياله اللي صابرة عليه هاك الحين يوم أن (أنا أبيهم حتى يستانسون هذولي) وصابرة عليه يوم فقره يوم أنه فقير يوم أنه مثل ما ذكرت يتمنى يركب ونيت وهالحين معه شبح ويوم أنها كاك الحين إلا ضامه الرجال تمرط ذهبها وتقول خذ يا بو عيالي لا يضيمونك الرجال رح بعهن وتخرج وسدد اللي عليك
كل هذي الأمور نساها وحتى أم عياله اجاويد يقولون لها يا أمنا أصبري جزاك الله خير يمكن ما يستمر قالت اللي فيه ما لا فيه وتحمق عاد هي وتطلع من طورها ومسكينه الضعيفة جاها الضغط وجاها السكر وقامت ركبها توجعها وكل شيء يوجعها وعيالها مساكين يركضون بها يوم يودونها لأحد يعالجها ويوم يودونها لاحد يقرأ عليها ويوم يقولون فيك نفس ويوم بلشت الضعيفه وضايق صدرها توجس هالحره كل هالسنين هذي وفي النهاية يأخذ عليها واحد ماتسوى (على ما قال)
الحاصل لكن ربك بالمرصاد وما يغفل،
يوم أو في له مدة بعد ما جابها واستانس واليوم دلت تبلشه مامداه يتم شهر إلا وهي موذيته جب أخواني جب ذاك حط ذياك اكتب البيت باسمي أنت هالحين بديت تصخن ما ادري ويش كذا الين أنه ضعيف عاد من ها لامور ذي وقام راح أول ما هذا للصيدليات ودلا يأخذ علاج وما ادري ويش ويروح للطبيب العربي ويعطيه يوم سكر ويعطيه يوم عسل ويوم علاجات وذا لكن ما تستمر الكبير كبير ما فيه فائده عقب مده ما دروا عياله إلا يوم أنهم اتصلوا عليهم المستشفى الفلاني قالوا ترى أبوكم طايح عندنا وتعالوا الحقو على أبوكم أنه تعبان وأنه حتى براطمه يابسه وطاح دلا ما عاد يقوم إلا على لحيته من ضعف العزم
(تصدقون أقول الكلام هذا) يوم دريت تاقف وحده في الصف الثالث من ذا الحريم اللي في الصف وتاقف واقفه طولها قالت: جعله ما يقوم خله ويتلتلونها بنات جنبها يمكن بناتها اقعدي يمه عيب الحكي قالت هالرجال الحبيب هو اللي يقوله هو الصحيح (تعنيني أنا) راحوا له عياله ودلوا يعالجونه الين فتح عاد أن الأديب أو الشاعر قال في هالحادث أو في ها الموضوع بيتين من الشعر تحبون اسمعكم يا خالاتي قالوا آية أيه سمعنا أها يقول الشاعر علىمثل ذا السالفه

يا ناس محدن على الشيبان هذي يشير
اللي رزقه الولي بنعمه ضافيه


قولوا لبعض العواده يتركون الهدير
خلوه يرتاح وام عييله كافيه


أشوف من جاه تثمينه بيوم يطير
يلفي علىديره سكانها حافيه


ناس تجيب المره للعود باللي يصير
لو حالته من سنين الكبر متلافيه


وإلا لفى جاب له عذرا شناح نظير
عذرا تسود الجمال بجسمها وافيه


يقول بارك لنا في ها لغزال الصغير
ولا قول جعله مبارك جيت اللافيه


يا فلان عز الله أنك بالعذارى خبير
هذه تسود الجمال وشوفها عافيه


مير البلا إلا تجمعتوا بنوم السرير
والعود طالع تركيه لمبته طافيه


واتركيه اللي طفا ما ينو جدله سبير
ولا نشغل فيه من علاته الخافيه


مسكين يامن توهق له بوضع خطير
وراه ماارتاح والأيام متقافيه

 

 

 

 

[معلومات العضو ابومبارك الدوسري]

ومما قاله الشيخ عبد الله بن خميس في قبيلة الدواسر
وقبيلة الدواسر من القبائل البدوية يتتبعون مساقط الغيث ومراعي الماشية ويقطنون المناهل في القيظ ويملكون الأبل والخيل والماشية ويعطون البداوة حقها وحاضرة من ناحية أخرى لهم النخيل الهائلة الكثيرة والمدن والمزارع والبث والحرث
:يقول شاعرهم سعد بن مدوس الفصام
حضر ليالي القيظ وان جاء المخاضير
***** بدو نطرد بالوسامي زهرها
نهد بالكلب السلوقي وبالطير
***** ونسجها من برها اليا بحرها
بخيل الى شدوا تباري المظاهير
***** من جاء يبينا جظ لاشاف اثرهاب

 

 

 

 

[معلومات العضو ابومبارك الدوسري]

ألقاب الدواسر

وداية جارها من جدارها :

وذلك أن أحد المستجيرين بالدواسر سقط عليه جدار فقتله فلم يكن من مجيره الا أن ساق ديته لأولاده وفاء بحق الجيرة مع أن الجيرة لاتتطلب ذلك
قال بن لعبون على لسان الدواسر
حنا هل الوادي وحنا المناعير
وحنا ودينا جارنا من جداره
وسامة عصا الجار
قال ابن بلال اليامي

بني زايد اللي تنطح الضد في الميعاد
***** دواسر تمكن في عداها مضاربها
هل العرف وأهل السيف والمنسف المتاد
***** وهل جيرة ياسم عصا الجار صاحبها

مقيدة الجمل :

وذلك انهم يركبون المزين البنات الجميلات على الجمال مع تقييدها بالحديد ويسوقونها أمام الجموع نهار القتال وذلك لشحذ هممهم للصبر في القتال كما هي العادة عند جميع القبائل العربية ومنذ العصر الجاهلي وحتى منتصف القرن الثالث عشر
قال الخفيف العجمي مادحا الدواسر بعد مناصرة الدواسر لهم في وقعة الرضيمة

وجينا بخطلان اليدين آل زايد
***** ربع تراثع في الأحدة ركابها


خطلان الايدي :

أي طوال الأيدي في الكرم والشجاعة
يقول بن لعبون
خطلان الأيدي كالأسود الهزابير
***** مقابس للحرب وان شب ناره

 

 

 

 

[معلومات العضو الجوهره]

السلام عليكم ورحمة الله وبركاته

الصراحه أخ خلف، مجهود تشكر عليه وفكره تستحق الثناء وكنت أتمنى رؤية المزيد من الأعضاء.

عموما مشاركتي الأولى التي أنقلها لكم متعلقه بالقهوه وفناجينها، بمعنى أصح كل فنجان واسمه أو نعته عند العرب وأهل البادية خصوصا وأتمنى أن يحوز اختياري على رضاكم.

بسم الله نبدأ:

الفنجـال الأول ( الهـيف ) : وهو الفنجال الذي يحتسيه المعزب أو المضيف قبل مايمد

القهـوة لضيوفه.....
قديما : كانت تسري هذه العادة عند العرب ليأمن ضيفهم من أن تكون القهوة مسمومة....

حديثا : جرت هذه العادة ليختبر المعزب جودة وصلاحية

القهوة قبل تقديمها إلى الضيوف خوفا من أن تكون "صايدة" فيلحقه

حق كبير يقدمه لضيوفه , وإلا فيلحق به العـار ويصبح مثارا

للسخرية عند الآخرين...


الفنجـال الثاني ( الضـيف ) : وهو الفنجـال الأول الذي يقدم للضيف وهو واجب

الضيافـة , وقد كان الضيف قديما في البادية مجـبرا على شربه...إلا في حالـة العداوة

أوأن يكون للضيف طلب صعب وقوي عند المضيف فكان لايشربه

إلا بعد وعـد من المضيف أو المعزب بالتلبية...وقد كان من عظائم

الأمـور أن يأتي إنسان إلى بيتك ولايشرب فنجالك إلا بعد تلبية طلبه...

فأنت حتما مجـبر على التلبيـة وإلا لحق بك العـار عندالنـاس....


الفنجـال الثالث ( الكـيف ) : وهو الفنجـال الثاني الذي يقدم للضيف , وهو ليس مجـبر

على شربه ولايضير المضيف إن لم يشربه الضيف...إنما هو مجـرد تعديل كيف ومزاج

الضيف , وهو أقل فناجيل القهـوة قـوة في سلوم (عادات)العرب...


الفنجـال الرابـع ( السـيف ) : وهو الفنجـال الثالث الذي يقدم للضيف.....وهذا الفنجـال

غالبـا ما يتركـه الضيف ولايحتسـيه...لأنه أقـوى فنجـال قهـوة لدى عرب الباديـة...

إذا أنه يعـني أن من يحتسـيه فهـو مع المضيف في السـراء والضـراء , ومجـبر على الدفـاع

عنه بحـد السـيف ،وشريكه في الحـرب والسلم يعادي من يعاديه ويتحالف مع حلفـاؤه ,

حتى وإن كان من بين حلفائه من هم أعداء له في الأصل أعداء للضيف....

فقد كان هذا الفنجـال عبارة عن عقد تحـالف عسكري ومدني وميثاق أمني مابين الضيف

والمضيف . .


القهوة الصـايدة: هي القهوة التي لحقها الأذى من طعم غريب أو جسم غريب أو كأن يعملها

شخص على نجاسة.....الخ ، وقد كان البدو الأولين يعرفون ويميزون القهوة الصايـدة

وقلـة من الأشخاص في وقتنا الحالي كذلك،،،

وقد كان هذا الوضـع يحمل النـاس أمورا شداد ويواجهون الموت والدمـار بسببه ، فلذلك

كانوا يتحاشـونه ويحترصون منه أشـدالحـرص .....

أما شرب أكثر من 3 فناجـيل فعادة يعملها أهل وذوي صاحب القهوة وأفراد قبيلته وأنسبائه

وذوو الدم،،،

بقي أن نذكر أن هناك فنجـال ( لاأعلم اسمه) ولكن من يطلب شخص ما بدم أو ثأر أو

ماشابه....إن كان شيخ القبيلة أوكبير في السن أو إمرأة.....يجمع شباب القبيلة

وفريسها...ويصب القهوة في الفنجال ويرفعه عاليا على رؤوس الأشهاد وأمام الجميع

ويقـول : هــذا فنجـال فـلان بن فـلان.....من يشربـه؟؟؟

أي من يأخذ حقنا أو ثأرنا أو دمنا منه؟ ....فيقوم أحد فرسان القبيلة ويقـول :

أ نا له ويأخذ الفنجـال ويشربـه....ويذهب في طلب هذا الشخص ، ولايعـود

إلى قبيلته إلا بعد إحضـار البينة على أنه انتقم لصاحب الفنجـال من

الشخص المطلوب وإلا فله أحد خيارين :

إما أن يجلي من قبيلته ولايعـود لها أبد لما لحقه من ذل وعار وصم بها جبينه...

وإماأن يعود محملا بالخزي والعار , ويصبح مدعاة لسخرية أفرادالقبيلة ....صغيرها

وكبيرها...رجالا ونساءا ، ولايتزوج منها ولايخرج للحرب مع فرسانها ...


ودمتم كما تحبون


الجوهره

 

 

 

 

[معلومات العضو ابومبارك الدوسري]

الجوهره


الله يعطيك العافيه

ويارب يسعدك ويوفقك

على الطرح الممتع والجميل وترا ما أسمح لكـ ِ الديوانيه ديوانيتك وياليت أشوفكـ أكثر هنا مو مثل اللي يقراء ويطلع



لــــ / جبران خليل جبران:

الخير في الناس مصنوعٌ إذا جُبروا
و الشرُّ في الناس لا يفنى و إِن قبروا
و أكثر الناس آلاتٌ تحركها
أصابع الدهر يوماً ثم تنكسرُ
فلا تقولنَّ هذا عالم علمٌ
و لا تقولنَّ ذاك السيد الوَقُرُ
فأفضل الناس قطعانٌ يسير بها
صوت الرعاة و من لم يمشِ يندثر

...

 

 

 

 

[معلومات العضو ابومبارك الدوسري]

لمحه عن تاريخ الريــاض الغاليــه

تاريخ الرياض
الرياض جمع روضه وأرض المكان وأروض أي كثرة رياضه كما في الصحاح واشتق الاسم من طبيعة الموضع المنخفض الذي تلتقي فيه مياه السيول فنبتت الأرض رياضاً خضراء تنتشر فيها رائحة الورود، ومن هنا جاء اسم مدينة الرياض عاصمة المملكة العربية السعودية التي قامت على أنقاض وبقايا مدينة حجر اليمامة التاريخية، والتي يعود تاريخها إلى زمن قبيلتي طسم وجديس البائدة، وقد شيدوا فيها حصوناً وقصوراً، روي أن بقاياها شوهدت في أول القرن الرابع الهجري، ثم استوطنت المكان قبائل حنيفة، وانتشرت في الوادي وازدهرت مدينتهم في الجاهلية واتخذها العرب سوقاً يغدون إليه للبيع والشراء والشعر والأدب، ويقول ياقوت الحموي في كتابه معجم البلدان إن اسم حجر يرجع إلى عبيد الحنفي حين احتجر ثلاثين قصراً وثلاثين حديقة وسماها حجراً وكانت قبل تسمى اليمامة.

ومع ظهور الإسلام في الحجاز وانتشاره في الجزيرة العربية وفدت القبائل من اليمامة إلى النبي صلى الله عليه وسلم تبايعه بالإسلام، وأسلم بنو حنيفة ثم ارتدوا بعد موت النبي صلى الله عليه وسلم مع من ارتد من قبائل العرب، فقاتلهم أبو بكر الصديق رضى الله عنه حتى أذعنوا ورجعوا للإسلام وثبتوا عليه، وكانت مدينة حجر في وقت الخلافة الراشدة قائدة لإقليم اليمامة، ومع انتقال الخلافة الإسلامية خارج الجزيرة العربية وظهور أقاليم إسلامية غنية قل الاهتمام والعناية باليمامة ومدنها وقراها فاضطربت الأمور فيها سياسياً وأمنياً مما أثر على استقرارها ونموها وتطورها.

ومع العصر الحديث في القرن الثامن عشر الميلادي برزت مدينة الرياض على ما تبقى من أطلال مدينة حجر وما حولها من قرى وأراض وبساتين.

وبالقرب من الرياض نشأت مدينة الدرعية التي ناصر أميرها الأمير محمد بن سعود رحمه الله الدعوة الإصلاحية، التي نادى بها الإمام المصلح محمد بن عبد الوهاب رحمه الله لإعادة الناس إلى الدين الصحيح الذي جاء به النبي صلى الله عليه وسلم، وكان عليه الصحابة والتابعون، ونبذ ما أحدث في الدين من شرك وبدع وخرافات وتعطيل للواجبات ووقوع في المحرمات، ونهضت الدرعية وأقبل الناس عليها من كل صوب للعلم والدين والجهاد، ونشبت بين الدرعية والرياض عداوة وحروب لمدة ثمانية وعشرين عاما،ً حتى أذعنت وأميرها للدعوة الإصلاحية، وأصبحت تابعة للدرعية عاصمة الدولة السعودية الأولى التي امتد نفوذها وسلطانها إلى معظم الجزيرة العربية وأطراف العراق والشام.