قصيدة مجاراه لدكتور الشعر/ سعد بن جدلان في مبخوت ابن هذال

[معلومات العضو محمد أأبوعبود]

يالله لا إلــه إلا أنــت يالـقـادر المتـعـال=عبدته جهـر وأمنّـت بـه قبـل مـا آشوفـه
أنـا فـي ذراه و مـن ظلالـه علـي ظــلال=وهبنـي رجـاه وشـد قلبـي علـى خـوفـه
أعـوذ بجنابـه مـن مقـام الصغيـر الــذال=ومن شمسٍ تبيـن اليـوم والصبـح مكسوفـه
وعسى شايعتنـا فـي عيـون الرجـال جـلال=وعسـى عايبتنـا خافيـة غـيـر مكشـوفـة
أنـا والليالـي كــل يــوم لـنـا مــوّال=مـوالٍ ينبينـي عــن الـوقـت وصـدوفـه
أسوق الرجاوي ليـن تآقـف علـى الأطـلال=و من وصّل حدود اليأس مـا الحقتـه حسوفـه
ماكـل يسـد الحـال تشـرح لـه الأحــوال=العـربـان بالعـربـان ماهـيـب مكـلـوفـة
أمّـا يشـرح الرجـال ظرفـه علـى رجــال=و لاً يسكـت الرجـال لا يـشـرح ظـروفـه
عسى الله يبيّض وجـه مبخـوت إبـن هـذّال=عـز الله العزيـز إنـه ملكـنـي بمعـروفـه
لا ضـاقــت نـصـيــت المسعري مكرم الهشّال=طويل الذراع اللي تباشر به ضيوفه
حميـد النبـا زيـن الطبيعـة وسيـع الـبـال=يشيـل الجنـاب الدمـث فـي راحـة كفوفـه
شرهـات المدايـح رايمـات الجنـاب الـعـال=قـدم الزايـدي مثـل البعـاريـن مصفـوفـه
إذا ان المكـارم عنـد ربـي لـهـا مـنـزال=فهـي بينـه وبيـن الكريمـيـن منصـوفـه
....................................
قصيدة مجاراه ل محمد بن عبدالله الودعاني
في مبخوت ابن هذال ويقول فيها :
سبقني ابن جدلان في مدح ابوهذال
.....وصح الله لسان ابن جدلان وحروفه
وصح الله بدن مبخوت اللي عشانه قال
.....يشيل الجناب الدمث في راحه كفوفه
سلام يامبخوت ياطيب الفال
.....ويامرحبا واعداد نجم نشوفه
ياسترهن ياعونهن لاحذفن الشال
....ويا شبه حر نادراات وصووفه
ياللي بطيبك سابق كل رجال
......في الطيب ابوهذال محد يطوفه
يامزبن اللي جاك يشكي عليك الحال
......ويبين لكم وضعه بشرحه ظروفه
ياجعله فدا ماطاك اللي يشح المال
.....واللي يتصدد عنك ويكثر حلوفه
..........................................
هذي الابيات اللي قدرت عليها من قائلها ولها تكمله ولاكن رفض يعطيني تكملة القصيده
ويستاهل الزايدي ( مبخوت ابن هذال ) الناموس والعلم الغانم وياليت اللي يقدر يوصلها له يوصلها وسلامتكم .