أحد على الميﻻت صبار وبعير::: وحدن تميل إن كان ماميلتها

[معلومات العضو انا ابو نايف]

هذي القصيده حبينا مشاركتكم
بها وهي ل مصيبيح بن متعب

من باب خيره على الغير ﻻخير
في مدة يمينه ومصافحتها
إيبعد اﻷدنين ويقرب الغير
حيله على ربعه ومحاربتها
اللي مثل هذا وشكله على سير
المهلكه ربي يجر إعجلتها
ﻻصار ماهو لربعه مخاظير
ﻻخير في زرعه وﻻ في ثمرتها
دايم مفاليهم لناس مشاطير
دايم على اﻷدنين تظهر نعتها
الله يرزقنا الحيا والمخاظير
بأرضن قنوف الصيف ماعقبتها
أرضن مساس ومقبلن للمغاتير
يحبها العساس ماهملتها
فيه أم سالم ترفع الصوت وطير
في برها مستانسه يابختها
ون بعد المنزال عن كل خنزير
اللي سواد قلوبها ماخفتها
ول يازمانن ظاهرن فيه تقصير
كل العقول النيره ﻻحظتها
أحد على الميﻻت صبار وبعير
وحدن تميل إن كان ماميلتها
والله يكافينا إشرور المقادير
اللي نقص في خيرها وبركتها
والشجره اللي ظلها مال ياعمير
شف الوجيه اللي تظلل تحتها
من قاصي العربان ياليت به خير
كان النفوس اللي بها مكربتها
والدارﻻشانت من إنعيب ياعمير
إنعيبها وﻻنعيب إلحمتها
وصﻻة ربي عد ريش العصافير
صلو على المختار ياسامعتها

 

 

 

 

[معلومات العضو حمد ابن فهد]

اللهم صلي وسلم على سيدنا محمد بيض الله وجهك وصح الله لسانك للجزالة والمعاني القيمة يابونايف

 

 

 

 

[معلومات العضو انا ابو نايف]

من بان خيره على الغير ﻻخير
في مدة يمينه ومصافحتها
((((( تنويه. )))))
من باب خيره على الغير لاخير. (غلط)
تصحيح
من بان خيره على الغير ﻻخير
في مدة يمينه ومصافحتها