البارحه معطيني الفجر انحره

**معلومات** **العضو** · 04-08-2012, 03:30 AM

(( مدغم ابو شيبه ))

الـبـارحـه معطـيـنـي الـفـجــر نــحــره
...وانـــا عـلــي مـــن اللـيـالـي مـاعـلـي

سمعني القمري على غصن شجـره
...صوتن شربني مـن علـوي لاسفلـي

تـدافــعــت مـشــاعــري عــلـــى ثـــــره
...غنى على الخالي وانا مانـي خلـي

باقي معي من وسعة الصدر شعره
...والنار تصلانـي علـى كبـدي صلـي

والـيـا ذكــرت العـفـو عـنــد الـمـقـدره
...تحاملـت نفـسـي عـلـى كـبـر زعـلـي

لازال فــي الدنـيـا مـسـاحـه وسـفــره
...المـبـتـلا فـــي غـيــر ديــنــه مـابـلــي

درسـن عطانيـه الـزمـن مــن دفـتـره
...خــلا مـزاجـي فــي التعـامـل مـايـلـي

مالي ومـال النـاس مـن حـب وكـره
...مـحــدن بـداخــل جـنــة الله بـعـمـلـي

الـطـيــب اخــاويــه لــوطـــال ســفـــره
...واشيـل حملـه فوقـي وفـوق جمـلـي

والـخـبــل لـوجـامـلـت رايــــه ونــظــره
...لاثـــر عــلــى رزقــــي ولامستـقـبـلـي

وان شفت في خشمـه نعافـه ونعـره
...حذفتـه بجلمـود صخـرن مـن علـي

تـجـمــهــروا يـالـعــالــم الـمـتـجـمـهـره
...واردوا عـلـى رســن يغـيـب ويمـتـلـي

لاحدن يصدق صورته في المنظره
...القـرد مالـه فـي عـيـون امــه حـلـي

لـو يقلـط الطـيـب عـلـى ولــد الـمـره
...مـاعــيــن الـــدلـــه ولاراس الــطــلــي

انــــا هــنــا وتــفــوح ريــــح الـعـنـبـره
...بحـرن مايـغـرف بالحـبـال وبالـدلـي

ادور الــلـــي يــرفـــع الــــــراس دوره
...مانيـب شـراي الرخيـص اليـا غـلـي

عن قطة الكشتـات خمسـه وعشـره
...تعوضنـي وقفـة عزيـزن مــن هـلـي

انـدى مـن كـفـوف البخـيـل المقـبـره
...تستـقـبـل الـمـوتـى وعــيــت تـمـتـلـي

**معلومات** **العضو** · 04-08-2012, 04:08 AM

صح لسانك ولسانه ولاهنت على النقل المميز

**معلومات** **العضو** · 04-08-2012, 05:32 AM

صح لسانك ولسان الشاعر /مدغم ابو شيبة

ولاهنت على النقل المميز

**معلومات** **العضو** · 04-08-2012, 06:27 AM

صح لسانك ولسان ابوشيبه

ولاهنت على النقل الراائع

تحياتي وتقديري

**معلومات** **العضو** · 05-08-2012, 04:34 PM

اخواني

مبارك بن شافي

محمد الشكري

شافي بن راشد

اشكركم على المرور المنور

تقبلووا ودي وتقديري

**معلومات** **العضو** · 05-08-2012, 07:14 PM

صح لسانك ولسانه ولاهنت على النقل المميز

**معلومات** **العضو** · 05-08-2012, 08:48 PM

سلمت يمينك يابرقن سرى والله يعطيك العافية

**معلومات** **العضو** · 07-08-2012, 07:43 AM

متصفح جميل وروقان واضح وجلي

صح كلك وصح متصفحك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يستحب قراءة سورتي الكافرون والإخلاص في سنتي الفجر والمغرب	بنت الذيب	:: القسم الإسلامـــي ::	21	27-08-2012 06:17 PM
مسجد في الرياض يكتظ بالاطفال في الصلاة الفجر والسبب ؟؟؟	قصةالامس	:: قسم القـــصص والروايـــات ::	5	10-05-2011 01:38 PM
أبشر يامصلي الفجر ..	صادق الود	:: قسم الصوتيات والمرئيات والصور بما يوافق الشريعة الاسلامية ::	6	23-01-2011 10:14 PM
بدعة الإمساك قبيل أذان الفجر ؟!‎	محمد بن حمد الشكرة	:: الخيمة الـرمضـانـية 1431هـ ::	16	03-09-2010 11:11 PM
بدعة الإمساك قبيل أذان الفجر ؟؟	علي العبدالهادي	:: الخيمة الـرمضـانـية 1431هـ ::	11	24-08-2010 12:41 AM

الذين يشاهدون محتوى الموضوع الآن : 8 ( الأعضاء 0 والزوار 8)

		منتديات صحيفة وادي الدواسر الالكترونية