قصيدة الشاعر جريم محمد المصارير

**معلومات** **العضو** · 02-09-2010, 03:38 AM

بسم الله الرحمن الرحيم
هذه القصيدة للشاعر/جريم محمد شافي المصارير
قالها بمناسبة افتتاح مركز المصارير بوادي الدواسر

بديت بسم اللي له الناس ترجيه= الواحد المعبود علام الاسرار
منجي نبيه يوم ينادي يناجيه=من بطن حوت وسط غبات الابحار
من بعد ذكره يبدع القاف واهديه=لبو محيا مكرم الضيف والجار
مبروك ختم حقق العز راعيه=ختم الشرف لاهل الشرف عز وكار
مركز شرف كل حضر يفتخر فيه= كل فرح به واصبح اليوم مستار
في وسط بيت كل من جاك ناصيه=يلقى الشحم واللبن وعلوم الاخيار
قصر مشيد ماتزعزع مبانيه=لآهل الكرم واضح كما ضلع سنجار
طيب يابو محيا تنومس مماشيه=لعل عمرك من طويلين الاعمار
يفداك نذل خايبات مجانيه=ساسه ردي وعند ربعه كما الفار
المدح في الطيب كما كنز نشريه=مدحه ينومسنا من اصغار واكبار
خل الحسود يموت غله ويفنيه=خله يولي جعل مأواه للنار
جدك عقيد القوم ياجهل فيه=له ضربت(ن) خلى العدوى منه يحتار
احزام ابو شبنان فعله يباريه=فعله عليه شهود في كل الأقطار
مضرب رمحه للعدو في ثناديه=من كف حر بالشجاعات مغوار
وشكت حصانه وانسدح جنب راعيه=ثم ارتكز في الارض شبرين مقدار
وفنجال ابن عبود متحدي(ن) فيه=شربه طليفيح وقدام الانظار
يوم جاك ابن عبود وبليس مغويه=ما يدري انه ساق روحه للأقدار
وكلآ بفعله يذكره ما يخفيه =وحنا هل العشر الذي فعلها صار
يوم السبيعي عند ذوده يراعيه=اقفو عليها في ضحا العيد واحتار
هذي فعايلنا ولاهيب تمويه=هرج صحيح واضح مابه اغبار
هذا كلام الصدق والكل يوحيه=وتشهد على قوله شيوخ لها كار
وهرج بليا فعل خسران راعيه=على الفاضي كما الجرف ينهار
وصلوا على اللي بالشفاعات نرجيه =لاجاء نهار فيه تشخيص الأبصار
نبينئ اللي طاهرات مواطيه=الشافع النافع الطاهر البار

وسلامتكم

وسامحونا على الاقصور

**معلومات** **العضو** · 02-09-2010, 03:51 AM

يعطيك العافيه على لقصيده

وصح لسان الشاعر جريم محمد المصارير

لاهنت وبيض الله وجهك

**معلومات** **العضو** · 02-09-2010, 08:05 PM

شاكر مرورك وشرفني تعليقك يا فاارس الفرعه

**معلومات** **العضو** · 02-09-2010, 09:55 PM

بيض الله وجهك على هذا النقل

و اعذرني على تنسيق الابيات

أخوك / ابو زيد

**معلومات** **العضو** · 03-09-2010, 02:05 AM

بيض الله وجهك يابو زيد على التنسيق وعلى مرورك

**معلومات** **العضو** · 03-09-2010, 04:04 AM

صح لسانك ولسان جريم ولاهنت على النقل

**معلومات** **العضو** · 03-09-2010, 04:10 AM

بيض الله وجهك وصح لسانك ولسان الشاعر

تقديري ,,

**معلومات** **العضو** · 04-09-2010, 05:26 PM

بيض الله وجيهكم وشرفني مروركم

**معلومات** **العضو** · 18-09-2010, 02:51 PM

صح لسان الشاعر جريم بن محمد المصارير

ونعم في ربعنا آلاد الحبيبي

بيض الله وجهك يا ابو حصين

**معلومات** **العضو** · 18-09-2010, 04:09 PM

صح السانك وجريم المصارير
لاهنت يابوحصين

**معلومات** **العضو** · 24-09-2010, 03:01 PM

لاهنتو على مروركم الطيب
تقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية