يا للي تعذل القلب لا تقصاه!

[معلومات العضو الركن "أبوعبدالله"]

الاخ العزيز الشامخ
وش اكتب...... وش اقول..... وش اعبر.......
كلمة تعبر عما اريد
(ما في الحكي فايدة) قصيدة رائعة من شاعر رائع
تقبل تحياتي

 

 

 

 

[معلومات العضو نايف بن مسرع]

الشاعر الرائع (الركن أبو عبدالله ) شكراً على المرور والتكرم بالتصفح وشكراً على الإطراء ،،،، وترانا فاقدينك وبانتظار إبداعاتك.. وسلمت

 

 

 

 

[معلومات العضو عبدالله الرقاص]

الشاعر نايف بن مسرع

لله درك

رائعه من شاعر ولا اروع

حضور غير عادي

حضور مشرف دليما

هنا
يقولون حلمك يم غيرك تسير اخطـاه
كثير الحلوم ومطلبك صعب تحظا بـه
وكلن على بيره يحسّب لطول ارشـاه
لزومن تفوق وموقفك تحسب احسابـه
وانا قول ياللي تعذل القلب لا تقصـاه
كفا به صوابن بان في القلب مضرابه
وخله يسج بحلم ليل(ن) عليْ مسـراه
يقرب بعيد(ن) واقشر الحظ ما جابـه
أسامر نجوم الليل واسلى مع ذكـراه
واخاوي نسيم الشوق وآقف على بابه
أزاور لطيف الروح واجيه في ممساه
واقضّي معه وقت من الليل يسلا بـه
إلى من تبين يخجل الليل مـن قمـراه
ولا منه سلهم يسلب العقـل باهدابـه
ولا من تبسم ياخذ القلب حمر اشفـاه
وبياض الثمان بحمرة الورد تزها بـه
وجديل(ن) يقضه يدفي الردف لا ثعاه
وحياة الشقاوي تبتهـج لا تلـوى بـه
أضمه واقول إياك والحـب لا تنسـاه
وحذرا تبوح السد والسـر يـدرا بـه
ألا يا عذولي ليش قلب العنـا تنهـاه
وقلبك خلي(ن) من عنا الحب واسبابه
أبحلم..واسافر..واتبع الحلم لين اقصاه
واسلي خفوق(ن) مسلك الحب ما عابه
وبرحل بعيد(ن) عل حلمي يجي والقاه
وباترك كتاب الحب للناس تقـرا بـه


ابداع بلا حدود

صح السانك بلايييييييييييييييييييييييييييييييييييين

تسلم روحك وقلبك

تقبل تحياتي

 

 

 

 

[معلومات العضو نايف بن مسرع]

الشاعر الرائع ( عبدالله الرقاص) تشرفت بمرورك ، وأثلجت صدري بجميل تعليقك.

مرورك يا طويل العمر شرف ، وثناءك مفخرة لكل شاعر ، ووجودك دافع للمزيد.

تقبل أجمل تحية من أخوك ( نايف )