قصائد منوعه عن المقناص

[معلومات العضو ابو حسين الدوسري]

الشاعر خالد الفيصل ياصقر واهنيـك لــك جـنـاح تطـيـر=لى طرى لك نزعت وطرت يم الهوا بين قلبي وبينك فـرق والله كبيـر=لى كفخت انطلقت ولى كفخت التوى انت حايم وانا بالقاع دوبـي اسيـر=في صحاري زماني ذيب ليلي عوى فوق جوك سحاب وحدر جوي هجير=القدم فوق رمضا والخفوق التـوى الحذر يا صقر لا يشبكونـك اسيـر=ويل صقرٍ يتله مربطـه لـى نـوى برقعته اللّيالي فـوق وكـرٍ قصيـر=عقب صفقه جناحه بالهوا لى اهتوى كل حرٍ الى ضاق انتهـض للمطيـر=حومته بالسمـا ساعـة لقلبـه دوا واعذاب الجناح اللّي يجـره كسيـر=كّلما فزّ مكسور النواهـض هـوى دار الشمال وسرني يوم داره= بعد البطا وانا اتحرا لهـا دوم عقب الرطوبه والندا والحراره =هب البراد وبشر الوسم بغيوم في موسم نرجي بشاير اخباره =نفرح ليا جتنا مكاتيب وعلوم الشاعر الشيخ عبدالعزيز سعود الصباح بكره ليا ذعذع بـراد الصفـاري= القيض راح وقربت هدة الطيـر قرب هداد مصخـرات الحبـاري =اللي لهن عند اهل الصنف توقير بأتلى شهر عشره وذيك المحاري= يا كثرهم دوار بـرق الدواغيـر الشاعر شبيب المطيري يا مرحبا بسهيل جتنا لياليه =عسى علينا كل عام يعـود وقت نحبه والصقاقير ترجيه =ونعد له في كل يوم اعدودي الشاعر سمير الهرشاني يا زين هد الطير في وسط غابه =اما طلوع الشمس والا الطفيليل ان شاف له جول تدراج عثابه =جايع وشفقان على شوفهن حيل الشاعر سمير الهرشاني وهذه الأبيات تعبر عن وقت الصيد حاليا واوضاع الصقاقير يا بو خليفه خل عنك الجماهيـر=درب الصقاره والقنص سد ريعه يا دعيج مافي البر كود الخواضير=هن وام سالـم قوعهـن قطيعـه الشاعر مرشد البذال اليوم قل الصيد من كل الاوطان= زود على قل الطيور وغلاهـا آخر زمان ناقل الطير تعبـان= يبحث خفايا صيدة مـا لقاهـا الشاعر سمير الهرشاني يا بو سعد يوم المقانيص والصيد =رحنا وجينا والمقانيص حلـوات واليوم منع وقل الصيد وتلايد =قدقلت في ما فات مامن طهامـات الشاعر عايش الجويسري الشاعر حمد السعيد يالطلح ما مرك مع الصبح صافي =طير غدالي امس والشمس حيه اتلا العهد به راح يطرد مقافـي =خابريبه اومى في جناحه هنيـه ردالشاعر الطلح لا والله إلا مرنا العصر وافي =كنه غلام مستغيـرن بهيـه اقبل علينا ثم اخذ بإنحرافي =يوم الحباري وقعن له سويه هدية السامر شاعرنا حمد السعيد لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر حيث يقول يالبازعي طيري طلع مثل راعيه =زولٍ وفعـلٍ والمـواري تشابـه بالطلع موقف ما لقي من يماريه =عساه يسلم سيدي يـوم جابـه له ماكرٍ في بر فـارس محاريـه =كني اشوفه يوم خاطـوا قطابـه صفاة وجهه مع شدوده توديـه =ضمن الحرار ولا وراها طلابـه النادر اللي يوم عزمـت اسميـه =سميته السامر واشوفـه زهابـه ليـا قفيتـه شفـت دقٍ محنيـه =وليا نطحته من عيونـه تهابـه كن الثريا في قواطـي مواميـه =ابيض نحر كنه يشع الضوا بـه هجرٍ قصيرالساق جبره ثناديـه =وله عاتقٍ يعطي شموخ ومهابـه ليا مسح وجهه ونهض مواطيـه =يطري علي اللي عزيـزٍ جنابـه به من طبوعه مشبع اللي حواليه =وماخذ من طبوعه ليان بصلابـه وجهه ليامن صاد يشبه محاليـه =لا بشر بضيفٍ وردد هـلا بـه لا تل سبقه قلت يا طيـر لبيـه =واقفى وكني كاسبٍ بـه ثوابـه وجاهن وهو كن المنايا تباريـه =زيزوم قـوم وفزعـوه القرابـه اللي معه بالطلع ما عـاد يمديـه =ياصل مطاليعه وهو ما درى بـه من عادته برق الدواغر مداميـه =في صيدته الطير غمقٍ صوابـه ليا ضرب ما وافق الضرب يفريه =كن بيمينه من سيوف الصحابـه ينقى كبير العرف ما هو يخليـه =من خيشة قدمـه نهبهـا نهابـه يا سعد عين اللي قنص عانيٍ فيه=طيرٍ وماخذ من طبـوع الذيابـه لا صارت الدعوى عناد ومشاريه=إخذه وكنك ماخـذٍ معـك لابـه الطير احبه حيل من حب راعيـه=عبد العزيز اللي عزيـزٍ جنابـه الطير عساف البارحه جفني بحلـو الكـرى عـاف=ودموع عيني مثـل وبـل الشخاتيـر انحاس بالي يـوم ضيعـت عسـاف=اللي غدا يطـرد صفـوق المغاتيـر اقفت به الربدا على الحـد بأطـراف=شمالـي البتـرا بعـرق المظاهـيـر قمت اجدع الملواح في كل مشـراف=باح العـزا منـي ولاجانـي الطيـر وانا على طيـري كثيـر التحسـاف=اللي يصخر هـارب الربـد تصخيـر ومن سو حظي ضاع في وقت الأنكاف=ولا عاد من فرصـه نـرد المداويـر الشاعر سلمان بن دغيم . يا زين جمعتنا علـى شبـة النـا=رنـارٍ سناهـا لــدلال المباهـيـر امكرمـات وسطهـن بـن وبهـار=وسوالفٍ تطرب سمـوع المناعيـر ناخذ لنا فالوقـت سجـة ومشـوار=بين الفياض اللي زهتها النواويـر أرضٍ خـلا مـا داجهـا كـل دوارغير= الحباري واشقح الريم ماذيـر تلقى جرايرهن مع الروض عبـار=زرق الغلب برق الظهور المخاميـر هي منوة الي بالصقارة لهـم كـار=تشفق ضمايرهم على تلـة السيـر لا حولوا في فيضـة كنهـا الطـار=وتكافخن بيض الدواغـر مياسيـر ردوا علـى كـن وجـه لـيـا دار=وجه الغضيب اللي على علم وصغير ليا انطلق ما كنه الـى يبـي ثـار=يسوق في سوق الخصيم التباشيـر أفحج سراويله على الكـف نشـار=عينه كما وصف الشمالي سناكيـر يهوي عليهن مثل قصاف الاعمـار=دابان ما عنـده مـراود وتأخيـر إلى انطلق ما كنـه ألا يبـي ثـار=يسوق في شوف الخصيم التباشيـر شقر الحرار اللي لها أفعال واذكـار=من ساس فارس وافيـاتٍ مغاتيـر الشاعر مشعل عوض العتيبي عند نايف له سبوع سهيل كـل عيـن تشوفـه =جاك حل البراد وراح وقت السمايـم من يخف الكلايف شايفين معروفـه =أشقر الريش جاء وقته وقلبي مهايـم مولع الطير والله ما يطاوع ظروفـه =دوم قلبه وعينـه يـم نجـم النعايـم يذكر الاشقر اللي عايزات وصوفـه =ومن ذكر ذاك ما اطاوع كثير اللوايم صافي الريش سرواله مغطي كفوفـه =أصبح الوجه صافي الريش ماله وقايم كن جوهر عيونه في محاجر قحوفـه =فضة فصها أسود من حجـار كرايـم لا قفيته تشوف الريش شعل حروفـه =ذاك عوق الخريش اللي تحب الهزايم عند نايف اللي الفى فارق حيل نوفه =ذاك هبي بشوفه ياهبـوب النسايـم هذه قصائد من بعض الشعراء وهي عن المقناص هذه إهداء لمن يهوي المقناص أنشاء الله تعجبكم

 

 

 

 

[معلومات العضو ناصر الخبر]

نعم فيهم جميعا الششعراء ونعم فيك يانسل الاجاويد صح للسسسسانك بارك الله فيك
مميز ومبدع يانسسسل الاجاويد

 

 

 

 

[معلومات العضو عبدالله الحافر الغييثي]

بيض الله وجهك يانسل الاجاويد على هذه المختارات في الطير واسمحلي طال عمرك على تنسيق القصائد تقبل فائق الاحترام والتقدير

 

 

 

 

[معلومات العضو ابو حسين الدوسري]

والنعم والله بحالك والله يعلي شانك واشكر لك يناصر
على متابعتك الدايمه ولك مني جزيل الشكر
تحياتي

 

 

 

 

[معلومات العضو ابو حسين الدوسري]

يمرحبا والله بمراقبنا ولك بياض الوجه يبو مطر ومرورك مما يشرفني
واما من ناحية التنسيق نسق بس لاتحرمنا من مرورك الكريم ولك
طولت العمر
تحياتي

 

 

 

 

[معلومات العضو محمد.الودعاني]

اليوم قل الصيد من كل الاوطان زود على قل الطيور وغلاهـا آخر زمان ناقل الطير تعبـان يبحث خفايا صيدة مـا لقاهـا لاهنت على النقل والله يعطيك العاااافيه محمد الخماااسين

 

 

 

 

[معلومات العضو ابو حسين الدوسري]

لا هنت والله يامحمد مرورك اسعدني لاهنت يالغالي
لك تحياتي

 

 

 

 

[معلومات العضو ابو نايف الحربي]

لاهنت اخوي وصح لسانك وطاب فالك ودااام فضلك

 

 

 

 

[معلومات العضو شيهانه بكف صقار]

برقعته اللّيالي فـوق وكـرٍ قصيـر
عقب صفقه جناحه بالهوا لى اهتوى
كل حرٍ الى ضاق انتهض للمطيـر
حومتـه بالسمـا ساعـة لقلبـه دوا
واعذاب الجناح اللّي يجـره كسيـر
كّلما فزّ مكسور النواهـض هـوى

عززز الله انه صااااادق وصح منطووووووقه


واضيييف ها القصيييدة لي حييل حييل احبها

سـتـل جنـاحـه ثــم حــام
يرقى على متن الهـوى
يــزفـــه بـعــيــد وانــــــا
محـدود فـي حـد النظـر
طيري ضرب جـوّ الهيـام
ولـو دعيتـه مـا التـوى
عـزي لمـن طيـره غــدى
ولا لـه مـن امـره مـفـر <<<<مسكين
شبـيـت ضــوي بالـظـلام
في صحصحٍ ذيبه عوى
ما لـي أنيـس الا النجـوم
او نـور وضـاح القـمـر
دورت بـالـشــده حـــــزام
ولا لقـيـت الـلـي قــواه
يـا الله دخيلـك مـا لقـيـت
اللـي نشـد بــه الظـهـر

انشــــاد (حــــامـــــ ــــــــــــــد الضــــــبـــــعــــان)...شريط المقناص ..

هاذي احب اسمها بكل وقت قيض ولا ربيييع شييي والله

وكل الشكر لك يا اخوي ع القصاايد لي جات بموسمها

 

 

 

 

[معلومات العضو ناصر بن فهد]

صح لسان الشعراء وصح لسانكـ



ولاهنت وبيض الله وجهك على القصايد ونقلها






*


*


آحتــــرامي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ابو نايف الحربي

لاهنت اخوي وصح لسانك وطاب فالك ودااام فضلك

يمرحبا والله يبو نايف ولسانك وجعل فالك زين والله يتفضل
عليك بالعافيه وشاكر لك مرورك العطر ولك تحياتي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة شيهانه بكف صقار

برقعته اللّيالي فـوق وكـرٍ قصيـر
عقب صفقه جناحه بالهوا لى اهتوى
كل حرٍ الى ضاق انتهض للمطيـر
حومتـه بالسمـا ساعـة لقلبـه دوا
واعذاب الجناح اللّي يجـره كسيـر
كّلما فزّ مكسور النواهـض هـوى

عززز الله انه صااااادق وصح منطووووووقه


واضيييف ها القصيييدة لي حييل حييل احبها

سـتـل جنـاحـه ثــم حــام
يرقى على متن الهـوى
يــزفـــه بـعــيــد وانــــــا
محـدود فـي حـد النظـر
طيري ضرب جـوّ الهيـام
ولـو دعيتـه مـا التـوى
عـزي لمـن طيـره غــدى
ولا لـه مـن امـره مـفـر <<<<مسكين
شبـيـت ضــوي بالـظـلام
في صحصحٍ ذيبه عوى
ما لـي أنيـس الا النجـوم
او نـور وضـاح القـمـر
دورت بـالـشــده حـــــزام
ولا لقـيـت الـلـي قــواه
يـا الله دخيلـك مـا لقـيـت
اللـي نشـد بــه الظـهـر

انشــــاد (حــــامـــــ ــــــــــــــد الضــــــبـــــعــــان)...شريط المقناص ..

هاذي احب اسمها بكل وقت قيض ولا ربيييع شييي والله

وكل الشكر لك يا اخوي ع القصاايد لي جات بموسمها

شيهانه بكف صقار الله يعطيكي العافيه على مرورك الجميل والاضافه الجميله
لكي مني فائق التقدير والاحترام

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ناصر الفصام

صح لسان الشعراء وصح لسانكـ



ولاهنت وبيض الله وجهك على القصايد ونقلها






*


*


آحتــــرامي

والسانك ووجهك ابيض يااخ ناصر وشاكر لك
مرورك العطر لك مني فائق التحيه والاحترام

 

 

 

 

[معلومات العضو الهاج ـري]

تسلم يالطيب على الطرح الرااائع والابياااااااااااات الجزله لاهنت

 

 

 

 

[معلومات العضو ابو حسين الدوسري]

لاهنت وشاكر لك مرورك العطر
تحياتي