قصيده للشاعر علي بن حمري القحطاني

[معلومات العضو ناصر الخبر]

صبحكم / مساكم الله بالخير


قصيده / الشاعر علي بن حمري القحطاني



قل للفلـوس اثيابنـا سـاده ولافيهـا جيـوب
يلي ماعندك مال وش لك فى الجيـوب اتحطهـا


تدري إن حطك جيب خالي ذنب من أقوى الذنوب
لاتبلـش إبهـا قبـل تاطـاك ألامـور أتوطهـا


فقير لكـن مايعيـب الفقـر فينـي غيـر ثـوب
وانا بلادٍ صعـب تفصـل بحرهـا عـن شطهـا


خل ألاوادم عـاد مختلفيـن غالـب وامغلـوب
احظوظ تلعب دورها .. واحظوظ واضح لطهـا


لولا ألامل بالله كان اتوقفـت خضـر القلـوب
الارزاق والاعمـار ربـي فـي كتابـه خطـهـا


العمر فى الدنيا ورق ..والموت فى الدنيـا هبـوب
أدنـاة هبّـه ماوقـف أثقـل ورق فـي خطهـا


فتىٍ ما يُحّسب فى الرخا ماهوب فى الضيق امحسوب
شـهـادةً أشـهـد بـهـا لله ولا أغـطـهـا


دحلان له (غـزه) ورام الله (لجبريـل الرجـوب)
وبحيـرة البتـرول بالبنزيـن يسـبـح بطـهـا


اللي مايضمـاء مايقـدّر لـذة المـاي الشـروب
واللي مايعرف شالها .. واللـي مايـدري حطهـا


فلا تصدّق فى المـزون إلا لاخايلـت النصـوب
وصيـةً وصّابهـا اللـي كـل قمـه نطـهـا

 

 

 

 

[معلومات العضو شمس الحقيقه]

الله الله

على هذه القصيده الجزله

صح السانك ياناصر والسان ابن حمري

 

 

 

 

[معلومات العضو راشد محمد المقابله]

صح السان ابن حمري

ولاهنت على النقل

 

 

 

 

[معلومات العضو ناصر الخبر]

لاهنت اخوي صصهيب بارك الله فيك وبحضضورك لاهنت طال عمرك

 

 

 

 

[معلومات العضو ناصر الخبر]

صح بدنك ياعاشق لاهنت طال عمرك على مرورك

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو ناصر الخبر]

لاهنت اخوي رماد بارك الله فيك وبحضضورك

 

 

 

 

[معلومات العضو محمد عيسى الدوسري]

صح اللسانك اخوي نااااااااااااااااصر وللسان الشاعر

 

 

 

 

[معلومات العضو بومبارك العماري]

صح اللسانك اخوي ناصر وللسان الشاعر


لاهنت لاهنت


تقبل مرورييييييييييييييييييييييييي

 

 

 

 

[معلومات العضو ناصر الخبر]

لاهنت اخوي ابو عيسى بارك الله فيك

 

 

 

 

[معلومات العضو ناصر الخبر]

لاهنت اخوي بومبارك بارك الله فيك