قصيدتي الجديدة

[معلومات العضو ابو عمر اللاحم]

ارجو تنال رضاكم

مزن ن تزبر هالين يوم زبر=جاوب حنينه يوم توضي ابروقه
جلست أخليه بالخلا واتعبر=سبحان ربٍ كونه ثم يسوقه
يشبه اجبالٍ فوقه الثلج غبر=إطبوقٍهٍ تخالف موضيات ٍ افتوقه
ولف السكون الكون والله اكبر=تشبه هماليله أحبال (ن) تعوقه
ونجد ن عليه اليوم شوقه تصبر=.من حر شمس الققيض نشفت اعروقه
وراع الحلال اللي حلاله مع البر=خمط (ن) مراعيها إيباس (ن) إحلوقه
او بأمر الكريم المعطي الراحم البر=ساق السحاب اللي صدوق(ن) حقوقه
ورويت افياض(ن) للمكاشيت تخبر=في سدرها بانت براعم اورقه
والارض باذرها على الارض نوبر =تطدرد خضاره بالعيون او تروقه
وزانت مداهيل الخلا آه يالبر=القلب يمك زايد اليوم شوقه
يازينها مع كل جو او معبر=كم خبة زاده جمالٍ اعروقه
الرمث والارطاء مظلل او مكبر=تلقى غراميله عليها اشلوقه
ما طبه الطرقي ولا طبه اغبر=الوحش فيها مرجهن(ن) خفوقه
لا نسنس الشرقي كما ريح عنبر=والضو شبيتها ولارطا علوقه
وحمست ما يطرب بريحه ومخبر=بن ن يجيلك بالوناسه نشوقه
يامحلات البر والبر به بر=ينسيك همك والمنازل وضوقه


المعذره لم استطع تنسيق القصيدة ولكم تيحاتي

 

 

 

 

[معلومات العضو ابو عمر الشمري]

صح لسان وعتلى شانك يا السمي

 

 

 

 

[معلومات العضو الهاج ـري]

صح الله لسانك

ع هالنص الجميل والرائع

 

 

 

 

[معلومات العضو ابو عمر اللاحم]

ابو عمر الشمري

الهاج ـري

صح بدنك لاهنتوا حبايبنا

يعطيكم العافيه
اجمل تحيه