مرشد البذال وقصه وقصيده

[معلومات العضو عبدالله الحافر الغييثي]

مرشد البذالي شاعر معروف وبارز توفي تقريبا قبل 35 سنه كانت له قصه واورد فيها قصيده طويله . كان مرشد نازل في مدينه وهو كان بدوي ومتعلق بالبداوه ويدور الفرص علشان يطلع للبر ويتذكر حياة البداوه بماتحمله من صفاء النفوس وترابط ومعزه وكان كل ماطاح الربيع يطلع للبر ويتمشى ويسير على البدو ويسولف معهم فالباديه معدنهم اصيل ويرحبون بالطرقي ولايسالونه عن حاجته ويكرمونه . المهم طلع مرشد في وقت ربيع وكان يلقط الزبيدي لحاله ولاحوله احد متشطر عن قطين بدوا حوله يوم درى لاهاك البنت مع غنمها خجلت البنت واستحت وفي ذلك الوقت كان العفاف والاصاله قويه في قلوب الناس فلايمكن ان حتى يفكر مجرد تفكير بمايمس الحياء نشدها مرشد من اي العرب هي وعن اهلها ويقول كانت من شدة حياءها مطمنه راسها وتفرقع اصبعه اذا ناظرت , درت ان مرشد طرقي ولاهو من اهل الديره وسالته عن حاجته قالها جاي اتمشى والقط زبيدي شافت البنت الزبيدي اللي مع مرشد قليل وعطته البنت بعض الزبيدي اللي معها وقالت حنا قريب من الديره واي وقت نبغى الزبيدي نحصله اما انت جاي من بعيد ومتكلف المهم اخذ مرشد الزبيدي سالها مرشد قال انتم مبطين هنيا قالت لنا حول خمس سنوات راحت البنت من عند مرشد وتعلق قلبه بها قعد مرشد في البر يومين ورجع للديره وقص قصته على واحد من اخوياه ووصف مرشد حياء البنت وعفتها وحسن منطقها وكلامها نقد علاه رفيقه وقال انت فاضي للعلوم هاذي لا تلقيها بال البنات واجد والعشق واجد تلقى غيرها ملايين . رجع مرشد بعد حوالي ستة شهور لنفس محله ونوى يخطب البنت من اهلها واخذ كسوه وقهوه وغيرها وراح يم اهل هاك البنت يوم جاء لمحلهم اليا هم شادين ولا يدري مرشد وين ديارهم وزود على كذا انه بعد ماعرف اسم اهل البنت قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام ولم ينم تلك الليله واللي زاد في حزنه اصوات الذيب اللي تشعر بالوحده والغربه اصبحه الصبح وماطاب عينه نوم وتمثل بقصيده طويله منها هذه الابيات :

البارحه جاوبت لي حس عـاوي=ذيبا عوى جاوبت بالصوت وايـاه
ذيبا يجر الصوت كانـه خـلاوي=وياقلبي اللي جاوب الذيب بعـواه
والصبح بانت في ضميري اهاوي=جريت صوتا ليت خلـي توحـاه
يادار ماشفتي ضبّـي المطـاوي=اتلا علامي بـه غشنـك رعايـاه
وانا على شوف الحبّيب شفـاوي=كانـه هنيـا خبرينـي بمسسـاه
قالت لي الاوطان قلـع ضحـاوي=اليوم راس الرجـم هـذا توطـاه
امسى هنيا واصبح اليـوم نـاوي=يتلي سلف بـدوا بعيـدا معشـاه
كشف لهم برقا سديـدا عشـاوي=يخيلونـه يـم خشـم المسـنـاه
يبون مرباعـا بهـاك الحـراوي=اليا زاف زملوقه وشبعت رعايـاه
اخذ الخبر ماهوب خرص وهقاوي=اعطيك علم صويحبك وين تلقـاه
ادنى مرابيعه بخشـم الصـداوي=وبيـوت مقياضـه بقريـه مبنـاه
مير اطلب الله لو صوابك مخاوي=كم واحدا قبلـك عشيـره تمنـاه
يالعين ماينفـع كثيـر الشكـاوي=الا على اللي دبر الغيث وانشـاه
ياونتـي ونـة وحيـدا جـلاوي=اللي سبب دينه من ادنـى دنايـاه
ولا خلافه مـن يحـل الدعـاوي=لا صار ربعه منه تبـا المثـاراه
عليك ياللي لـك بقلبـي مكـاوي=ثلاث كويـات هـوادي وعرقـاه
عقبه فقدت من المنـام الحـلاوي=وحتى متاعي قامت النفس تجفـاه
يا لايمـي لعـل مالـك عـراوي=بلاه مـا ولعـك بالحـب حليـاه
من لايعرف الحب عنده دعـاوي=يشره على راع المـوده ويشنـاه
ويقول هذا فـي مماشيـه غـاوي=وحنـا نـدل الـدرب والحمـدالله
يالله عسى مثله كثيـر الهـزاوي=يبلا ببلـوى مـن لسانـه تهـزاه
حتى يعرف ان المحبـه بـلاوي=ويشوف مثل اللي من الحب شفناه
عساه يبلا فـي محبـة حيـاوي=حب الهنوف اللي يحده على اقصاه
تفرى ضميره فريّ دلو الـرواوي=اليا صفقاها الجال من حد ملقـاه
اليا لجلجتـه بالنظيـر السهـاوي=كلامها لبيـه عـن قولتـن هـاه
كلامهـا للقلـب مثـل المـداوي=اللي عرف علـة مريضـه وداواه
ياربي انـي بالتفاتـك رجـاوي=تلم شمل الولف من عقـب فرقـاه
لوتنفـع الفزعـات ولا النخـاوي=على المحبه كـان كـلا نخينـاه
مار الرجاء والياس صار متساوي=ياقلبي اصبر فـي تدابيـر الالـه
لو مابقي في حالـك الا شـلاوي=مادبر الوالي على العبـد يرضـاه

 

 

 

 

[معلومات العضو ناصر بن فهد]

لآهنت يا ابومطر على القصه والقصيده






*


*

آحتــــرامي

 

 

 

 

[معلومات العضو محمد بن سالم الخضراني]

لاهنت يابومطر على القصه والصيده للشاعر المرحوم مرشد البذال تقديري لك ولاختياراتك

 

 

 

 

[معلومات العضو ابن شميعان]

لا هنت يابو مطر على نقلك لي القصه والقصيده




تحيااااااااااااااااااااتي لك









نايف ابن شميعان

 

 

 

 

[معلومات العضو عبدالله الحافر الغييثي]

شاكر ومقدر لكم طيب المرور تحيه تقدير لكم احبتي

 

 

 

 

[معلومات العضو الهاج ـري]

ذيبا يجر الصوت كانـه خـلاويوياقلبي اللي جاوب الذيب بعـواه
والصبح بانت في ضميري اهاويجريت صوتا ليت خلـي توحـاه
يادار ماشفتـي ضبّـي المطـاوياتلا علامي بـه غشنـك رعايـاه
وانا على شوف الحبّيـب شفـاويكانـه هنيـا خبرينـي بمسـسـاه



لاهنت على القصيده والقصه المميزه

تسلم يمنااااك لاعدمنااااااااااااك

 

 

 

 

[معلومات العضو دغش محمد الصخابرة]

لآهنت يا ابومطر على القصه والقصيده

 

 

 

 

[معلومات العضو عبدالله الحافر الغييثي]

الهاجري دغش ياهلا وغلا بكم شاكرومقدر لكم طيب المرور

 

 

 

 

[معلومات العضو ابو أبراهيم]

قصة رائعه وقصيده اروع

 

 

 

 

[معلومات العضو ابو عمر الشمري]

شاعر اشهر من نار على علم ,,, رحمه الله

 

 

 

 

[معلومات العضو ابومبخوت الدوسري]

لاهنت يابومطر على القصه والصيده

للشاعر المرحوم مرشد البذال

تقديري لك ولاختياراتك

 

 

 

 

[معلومات العضو عبدالله الحافر الغييثي]

لاهنتوا على طيب تواجدكم ومداخلاتكم

 

 

 

 

[معلومات العضو دـأيـم إهـذريبــگ]

مشكور على القصه لاهنت

 

 

 

 

[معلومات العضو عبدالله الحافر الغييثي]

ياهلا وغلا بك شاكرومقدر لك طيب المرور